​ນັກ​ກິ​ລາ​ເຕະບານ ຈຳນວນ 420 ກວ່າຄົນ ເຂົ້າ​ຮ່ວມ​ຄັດ​ເລືອກ​ຢູ່​ທີ່ ​ຫລວງ​ພະ​ບາງ



ວັນ​ທີ 11-12 ມັງ​ກອນ 2020​ ຢູ່ທີ່ສະຫນາມກິລານາຫລວງ ແຂວງຫລວງພະບາງ,​ ທ່ານ Sundram Moorthy ຫົວຫນ້າຄູຝຶກທີມຊາດລາວ ຊຸດໃຫຍ່ ແລະ ທ່ານ V Selvaraj ຜູ້ຊ່ວຍຄູຝຶກ ທີມຊາດລາວ ຊຸດໃຫຍ່ ຊາວສິງກະໂປ ພ້ອມ​ດ້ວຍ​ຄະ​ນະ ໄດ້​ຄັດ​ເລືອກ​ນັກ​ກິ​ລາ​  ​ທີ່ມີ ພອນສະຫວັນ ແລະ ທັກສະ ເພື່ອກະກຽມນັກກິລາ ທີມບານເຕະຊາຍທີມຊາດລາວ ຮຸ່ນອາຍຸ ບໍ່ເກີນ 16 ປີ ແລະ​ ທີມຊາດລາວ ຮຸ່ນອາຍຸບໍ່ເກີນ 19 ປິ ເຂົ້າຮ່ວມການແຂ່ງຂັນບານເຕະຊາຍລະດັບນາໆຊາດຫລາຍລາຍການ. 



ການ​ຄັດ​ເລືອກ​ໃນ​ຄັ້ງ​ນີ້​ໄດ້​ຮັບ​ຄວາມ​ສົນ​ໃຈ​ ຈາກ​ບັນ​ດາ​ນັກ​ກິ​ລາ​ທີ່່​ມາ​ຈາກ​​ຕົວ​ເມືອງ​ອ້ອມ​ຂ້າງ​ແຂວງ​ຫລວງ​ພະ​ບາງ, ແຂວງ​ໄຊ​ຍະ​ບູ​ລີ, ແຂວງ​ບໍ່​ແກ້ວ,ແຂວງ​ຫລວງ​ນ້ຳ​ທາ, ແຂ​ວງ​ຜົ້ງ​ສາ​ລີ, ແຂວງ​ອຸ​ດົມ​ໄຊ ແລະ ແຂວງ​ຊຽງ​ຂວາງ.
ເຊິ່ງ​ທາງ ຄະ​ນະ​ຄູ​ຝຶກ​ແມ່ນ​ໄດ້​ຄັດ​ເລືອກນັກ​ກິ​ລາ​ໄດ້ທັງ​ຫມົດ 18 ​ຄົນ.
ສຳ​ລັບ​ພາກ​ໃຕ້​ຈະ​ມີ​ກາ​ນ​ຄັດ​ເລືອກ​ຢູ່​ແຂ​ວງ​ຈຳ​ປາ​ສັກ ​ໃນ​ລະ​ຫວ່າງວັນ​ທີ 18-19 ມັງ​ກອນ 2020.
ການຄັດເລືອກຈະໄດ້ຈັດຂຶ້ນ 2 ມື້ຄື: ວັນເສົາ 18 ມັງກອນ 2020 ເວລາ 14:00 – 17:00 ແລະ ວັນ​ອາ​ທິດ 19 ມັງກອນ 2020 ເວລາ 09:00 – 11:00 , ເວລາ 14:00 – 17:00. 
ຫມາຍເຫດ : 
- ການຄັດເລືອກໃນຄັ້ງນີ້ ໂດຍແມ່ນ ທ່ານ Sundram Moorthy ຫົວຫນ້າຄູຝຶກທີມຊາດລາວ ຊຸດໃຫຍ່ ແລະ ທ່ານ V Selvaraj ຜູ້ຊ່ວຍຄູຝຶກ ທີມຊາດລາວ ຊຸດໃຫຍ່ ຊາວສິງກະໂປ ຈະເປັນຜູ້ຄັດເລືອກ. 
- ນັກກິລາທີ່ເຂົ້າຮ່ວມຄັດເລືອກຕ້ອງກຽມຮ່າງກາຍໃຫ້ພ້ອມຕະຫລອດເວລາໃນການຄັດເລືອກ. 
- ນັກກິລາທີ່ມາຈາກ ຕ່າງແຂວງ ຫລື ແຂວງໃກ້ຄຽງ ທີ່ຕ້ອງການມາຄັດເລືອກ ໃນຄັ້ງນີ້ ສາມາດມາຮ່ວມໄດ້ແຕ່ຕ້ອງກຸ້ມຕົນເອງ. 
- ຄ່າ​ສະ​ຫມັກ ຟ​ຣີ້ ລົງ​ທະ​ບຽນ ຢູ່​ທີ່​ສະ​ຫນາມ​ໃນ​ມື້​ທີ່​ຄັດ​ເລືອກ
- ຕິດຕໍ່ສອບຖາມຂໍ້ມູນເພີ່ມເຕີ້ມໄດ້ທີ່ເບີ : 02054443133, 02028491119, 02099888551 



Post a Comment

0 Comments