ກອງພັນໃຫຍ່ 644 ປະກາດຊັ້ນໃຫ້ນາຍແລະພົນທະຫານ



ພິທີປະກາດຊັ້ນໃຫ້ນາຍ ແລະ ພົນທະຫານປະຈຳປີ 2019 ກອງພັນໃຫຍ່ 644 ໄດ້ຈັດຂື້ນໃນວັນທີ 9 ມັງກອນ 2020 ທີ່ຜ່ານມານີ້ . ໃຫ້ກຽດເຂົ້າຮ່ວມ ຂອງທ່ານ ພັນເອກ ລຳທູນ ລາດວິໄຊ ຄະນະປະຈຳພັກ - ຫົວໜ້າການທະຫານກອງພັນໃຫຍ່ 644 . ມີບັນດາສະຫາຍພະນັກງານຫຼັກແຫຼ່ງ , ຂັ້ນນຳພາ - ບັນຊາ , ຈາກພະແນກການ , ກົມກອງອ້ອມຂ້າງ , ຕະຫຼອດຮອດນາຍ ແລະ ພົນທະຫານ ຜູ້ທີ່ໄດ້ຮັບຊັ້ນໃໝ່ເຂົ້າຮ່ວມ .


 ພັນໂທ ແກ້ວວຽງສັກ ແກ້ວລາ ຮອງການທະຫານ - ຫົວໜ້າພະແນກເສນາທິການກອງດັ່ງກ່າວ ໄດ້ຂື້ນຜ່ານຂໍ້ຕົກລົງຂອງກົມໃຫຍ່ເສນາກອງທັບເລກທີ 2647 / ກສນ ລົງວັນທີ 22 / 11 / 2019 ວ່າດ້ວຍການອະນຸມັດເລື່ອນຊັ້ນນາຍສິບ ຕາມຂໍ້ກໍານົດວ່າດ້ວຍລະບຽບການຂອງນາຍສິບ ແລະ ພົນທະຫານໃນກອງທັບປະຊາຊົນລາວ ( ສະບັບປັບປຸງ ) ເລກທີ 1681 / ກປທ ລົງວັນທີ 12 ພຶດສະພາ 2016 ຕາມໜັງສືສະເໜີຂອງກອງພັນໃຫຍ່ 644 ສະບັບເລກທີ 754 / ກພຍ ລົງວັນທີ 4 ພະຈິກ 2019 ແລະ ຕາມການຄົ້ນຄົ້ວນຳສະເໜີຂອງກົມກຳລັງພົນ , ກົມໃຫຍ່ເສນາທິການກອງທັບ ຕົກລົງເລື່ອນຊັ້ນໃຫ້ນາຍ ແລະ ພົນທະຫານຢູ່ກອງພັນໃຫຍ່ 644 ຈຳນວນ 26 ສະຫາຍ . ໃນນີ້ ເລື່ອນຊັ້ນສິບເອກຂື້ນວາທີ 8 ສະຫາຍ , ເລື່ອນຊັ້ນສິບໂທຂື້ນສິບເອກ 15 ສະຫາຍ ແລະ ເລື່ອນຊັ້ນສິບຕີຂື້ນສິບໂທ 3 ສະຫາຍ .



 ໂອກາດນີ້ ທ່ານພັນເອກ ລຳທູນ ລາດວິໄຊ ຄະນະປະຈຳພັກ - ຫົວໜ້າການທະຫານກອງພັນໃຫຍ່ 644 ກໍ່ໄດ້ມີທັດສະນະໂອ້ລົມຕໍ່ບັນດາສະຫາຍ ນາຍ ແລະ ພົນທະຫາຍ ທີ່ໄດ້ຮັບການເລື່ອນຊັ້ນໃໝ່ ພ້ອມສະແດງຄວາມຍ້ອງຍໍ - ຊົມເຊີຍ ຜົນງານທີ່ບັນດາສະຫາຍໄດ້ພ້ອມກັນເອົາໃຈໃສ່ຈັດຕັ້ງປະຕິບັດໜ້າທີ່ວຽກງານ , ພ້ອມນີ້ກໍ່ໄດ້ຮຽກຮ້ອງ ແລະ ເນັ້ນຕື່ມໃຫ້ທຸກຄົນຈົ່ງພ້ອມກັນເອົາໃຈໃສ່ສືບຕໍ່ເຮັດສຳເລັດໜ້າທີ່ ທີ່ໄດ້ຮັບການມອບໝາຍພ້ອມກັນຕັ້ງໜ້າຝຶກຝົນຫຼໍ່ຫຼອມຕົນເອງ , ຝຶກແອບຮ່ຳຮຽນ , ຄຸນສິນທຳປະຕິວັດ , ຮັກສາໄດ້ຄວາມສາມັກຄີພາຍໃນໃຫ້ໜັກແໜ້ນ , ເພື່ອສ້າງໃຫ້ຕົນເອງກາຍເປັນພະນັກງານສືບທອດທີ່ດີຂອງຊາດ , ຂອງພັກ - ຂອງກອງທັບ . 

ພາບແລະຂ່າວ: ແອນ້ອຍ ໝື່ນລາດ 

Post a Comment

0 Comments