ເປີດການແຂ່ງຂັນກິລາກາຍະກຳ ຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 71 ປີ




ວັນທີ 13 ມັງກອນນີ້, ກົມ ໃຫຍ່ເສນາທິການກອງທັບໄດ້ ຈັດພິທີເປີດຂະບວນການແຂ່ງ ຂັນກີລາກາຍະກຳໃຫ້ແກ່ບັນດາ ກົມກອງອ້ອມຂ້າງກະຊວງປ້ອງ ກັນປະເທດ ເພື່ອຂໍ່ານັບຮັບຕ້ອນ ວັນສ້າງຕັ້ງກອງທັບຄົບຮອບ 71 ປີ ໂດຍການເປັນປະທານ ຂອງສະຫາຍ ພົນຕີ ຈັນທອງ ສອນຕະອາດ ຮອງຫົວໜ້າກົມໃຫຍ່ເສນາທິ ການກອງທັບ ແລະ ມີບັນດາ ຄະນະພັກ-ຄະນະບັນຊາ ພ້ອມ ດ້ວຍນັກກີລາຂອງກົມກອງອ້ອມ ຂ້າງກະຊວງປ້ອງກັນປະເທດ 24 ຫົວໜ່ວຍກົມກອງເຂົ້າຮ່ວມຢ່າງ ເປັນຂະບວນການຟົດຟື້ນ. 

ສະຫາຍ ພົນຈັດຕະວາ ພັນ ແສງ ບຸນພັນ ຫົວໜ້າກົມອົບຮົມ ກົມໃຫຍ່ເສນາທິການກອງທັບ ໄດ້ກ່າວຈຸດປະສົງໃນການແຂ່ງ ຂັນຄັ້ງນີ້, ໂດຍທຸກສິ່ງທຸກຢ່າງ ແມ່ນເພື່ອສ້າງຂະບວນການຕ້ອນ ຮັບວັນສຳຄັນຕ່າງໆຂອງຊາດ, ໃນທ່າມກາງບັນຍາກາດທີ່ທົ່ວ ພັກ, ລັດ, ທົ່ວກຳລັງປະກອບອາ ວຸດ ແລະ ທົ່ວປວງຊົນບັນດາ ເຜົ່າພວມຈັດຕັ້ງປະຕິບັດກອງ ປະຊຸມໃຫຍ່ຄັ້ງທີ 10 ຂອງພັກ, ມະຕິກອງປະຊຸມໃຫຍ່ຄັ້ງທີ 4 ຂອງຄະນະພັກກະຊວງປ້ອງກັນ ປະເທດ ເຊິ່ງເປັນໄລຍະມ້ວນ ທ້າຍ, ທັງເປັນໄລຍະຫ້າງຫາ ກະກຽມດ້ານຕ່າງໆໃຫ້ແກ່ກອງ ປະຊຸມໃຫຍ່ຄັ້ງທີ 11 ຂອງ ພັກ, ກອງປະຊຸມໃຫຍ່ຄັ້ງທີ 5 ຂອງຄະນະພັກກະຊວງປ້ອງກັນ ປະເທດ ແລະ ອອກແຮງແຂ່ງ ຂັນສ້າງຜົນງານເພື່ອຂໍ່ານັບຮັບ ຕ້ອນວັນສ້າງຕັ້ງກອງທັບ ຄົບ ຮອບ 71 ປີທີ່ຈະໝູນວຽນມາ ເຖິງໃຫ້ມີຄວາມໝາຍຢ່າງເລິກ ເຊິ່ງ. 


ອີກຢ່າງໜຶ່ງແມ່ນເພື່ອຮັດ ແໜ້ນຄວາມສາມັກຄີລະຫວ່າງ ຂັ້ນເທິງກັບຂັ້ນລຸ່ມ, ລະຫວ່າງ ກົມກອງຕໍ່ກົມກອງ ໂດຍຖືເອົາ ວຽກງານກີລາເປັນຂົວຕໍ່ໃນ ການສື່ສານຄວາມຜູກພັນທີ່ສະ ແດງເຖິງຄວາມສາມັກຄີອັນເປັນ ມູນເຊື້ອພາຍໃນກອງທັບ. ປະເພດກີລາທີ່ນຳມາແຂ່ງຂັນ ຄັ້ງນີ້, ມີ 7 ປະເພດກີລາຄື: ກີລາ ບານເຕະ, ບານສົ່ງຊາຍ, ບານສົ່ງ ຍິງ, ກະຕໍ້, ເປຕັງປະສົມຍິງ-ຊາຍ, ນັກຮົບແຂງແຮງ ແລະ ກີລາ ແລ່ນມ້າງປະກອບອາວຸດ ເຊິ່ງ ການແຂ່ງຂັນກີລາກາຍະກຳຄັ້ງ ນີ້ຈະດຳເນີນໄປຮອດວັນທີ 17 ມັງກອນ 2020 ຈິ່ງຈະສຳເລັດ.

Post a Comment

0 Comments