ຊົມເຊີຍ! ເມືອງວັງວຽງ ຈ່າຍເງິນອຸດໜູນໃຫ້ພະນັກງານຂັ້ນບ້ານຜ່ານລະບົບ ATM



ວັງວຽງ: ເປັນຂ່າວດີສໍາລັບ ອໍານາດການປົກຄອງບ້ານ ເພາະແຕ່ນີ້ເປັນຕົ້ນໄປ, ພະນັກງານຂັ້ນບ້ານ 59 ບ້ານເມືອງວັງວຽງ, ແຂວງວຽງຈັນ ຈະໄດ້ຮັບເງິນອຸດໜູນທາງລະບົບ ATM ຂອງທະນາຄານ ພາຍຫລັງອົງການປົກຄອງເມືອງມອບບັດ 247 ບັດໃຫ້ໃນວັນທີ 9 ມັງກອນນີ້

ທ່ານ ບຸນຈັນ ມາລາວົງ ຮັກສາການເຈົ້າເມືອງໆດັ່ງກ່າວ ກ່າວວ່າ:ການເບີກຈ່າຍເງິນໃຫ້ແກ່ພະນັກງານຂັ້ນບ້ານທີ່ໄດ້ຮັບເງິນອຸດໜູນຕາມຂໍ້ຕົກລົງຂອງນາຍົກລັດຖະມົນຕີແຫ່ງ ສປປ ລາວ ສະບັບເລກທີ 79/ນຍ ເປັນການຈັດຕັ້ງປະຕິບັດແນວທາງນະໂຍບາຍຂອງພັກ-ລັດທີ່ຫັນການຈັດຕັ້ງຄຸ້ມຄອງບໍລິຫານລັດ-ສັງຄົມ ແລະ ການບໍລິການຕາມທິດຫັນເປັນທັນສະໄໝເທື່ອລະກ້າວທັງເພື່ອຄວາມໂປ່ງໃສ,ວ່ອງໄວ,ຍຸຕິທຳ ແລະ ສະດວກກວ່າການເບີກຈ່າຍເງິນສົດ.

ການເບີກຈ່າຍເງິນອຸດໜູນໃຫ້ພະນັກງານຂັ້ນບ້ານທາງລະບົບ ATM ບໍ່ສະເພາະແຕ່ເມືອງວັງວຽງເທົ່ານັ້ນ,ເມືອງວຽງຄຳ ແລະ ເມືອງອື່ນໆຂອງແຂວງວຽງຈັນກໍ່ຄືພະນັກງານຂັ້ນບ້ານທົ່ວປະເທດກໍ່ຈະໄດ້ຮັບເງິນອຸດໜູນຕາມລະບົບນີ້ເຊັ່ນດຽວກັນ.

ຂ່າວ: ສຸກສະຫວັດ
ພາບ: ອາຍຄຳ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments