ຖອດຖອນບົດຮຽນວຽກງານ ປ້ອງກັນ ແລະ ສະກັດກັ້ນ ພະຍາດໄຂ້ຍຸງ


ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ໃຫ້ທິດຊີ້ນຳພະນັກງານ ລັດຖະກອນສາທາລະນະສຸກໃນກອງປະຊຸມຖອດຖອນບົດຮຽນການຈັດຕັ້ງປະຕິບັດການກັນ ແລະ ຄວບຄຸມພະຍາດໄຂ້ຍຸງລາຍທົ່ວປະເທດ


 ໂດຍທ່ານໄດ້ເນັ້ນໜັກໃສ່ຫຼາຍບັນຫາທີ່ສຳຄັນຄື ຕ້ອງໄດ້ ເອົາໃຈໃສ່ເຊັ່ນ ອຳນາດການປົກໃນແຕ່ລະຂັ້ນຕ້ອງເອົາໃຈໃສ່ໃນການຊີ້ນຳນຳພາປະຊາຊົນໃນຂັ້ນ ຂອງຕົນໃຫ້ ເປັນເຈົ້າການໃນການປະຕິບັດ 5 ປ ໃນການທຳລາຍແຫຼ່ງເພາະພັນຂອງຍຸງລາຍໃນເຮື່ອນ ແລະ ຊຸມຊົນຂອງຕົນເອງ, ສຳລັບແພດໝໍໃຫ້ເອົາໃຈໃສ່ໃນການຄຸ້ມຄອງກໍລະນີຢູ່ໃນໂຮງໝໍ ເວລາ ຄົນເຈັບມາ ເຖິງໂຮງໝໍກໍໃຫ້ສາມາດປິ່ນປົວໄດ້ໂດຍບໍ່ໃຫ້ມີການເສຍຊີວິດ, ຍົກລະດັບຄວາມສາມາດ ຂອງພະນັກງານໃນການປິ່ນປົວໄຂ້ຍຸງລາຍ ລວມທັງການໃຫ້ຂໍ້ມູນຄົນເຈັບໃນເວລາມາປິ່ນປົວ, ເຮັດ ການໂຄສະນາໃຫ້ປະຊາຊົນ, ຊຸມຊົນມີຄວາມເຂົ້າໃຈຕື່ນຕົວເປັນເຈົ້າການໃນການປະຕິບັດ 5 ປ ເພື່ອ ປ້ອງໄຂ້ຍຸງລາຍ ເພາະການປ້ອງກັນທີ່ເຮັດໄດ້ ແລະ ຖາວອນມີແຕ່ການທຳລາຍແຫຼ່ງເພາະພັນຂອງ ຍຸງລາຍເທົ່ານັ້ນ “ບໍ່ມີໜອນນ້ຳ, ບໍ່ມີຍຸງລາຍ, ບໍ່ມີໄຂ້ຍຸງລາຍ”. 


ກອງປະຊຸມດັ່ງກ່າວໄດ້ຈັດຂື້ນໃນວັນທີ 15-16 ມັງກອນ 2020 ທີ່ທ່າລາດ, ແຂວງ ວຽງຈັນ ໂດຍຜູ້ເຂົ້າຮ່ວມຈາກກົມ, ສູນ, ອ້ອມຂ້າງກະຊວງ ສາທາ, ກົມສັງຄົມສະພາແຫ່ງຊາດ, ອົງການຈັດຕັ້ງມະຫາຊົນ, ຫົວໜ້າ, ຮອງຫົວໜ້າພະແນກ ສາທາລະນະສຸກແຂວງຈາກທົ່ວປະເທດເຂົ້າຮ່ວມ.

Post a Comment

0 Comments