ແຂວງໄຊສົມບູນ ມອບເງິນຊົດເຊີຍໃຫ້ປະຊາຊົນຜູ່ຖືກຜົນກະທົບຈາກໂຄງການ ກໍ່ສ້າງທາງເບຕົງ ຖະໜົນອະນຸວົງ


 ແຂວງໄຊສົມບູນ ມອບເງິນຊົດເຊີຍໃຫ້ປະຊາຊົນຜູ່ຖືກຜົນກະທົບຈາກໂຄງການ ກໍ່ສ້າງທາງເບຕົງ 
ຖະໜົນອະນຸວົງ ເທດສະບານ ແຂວງໄຊສົມບູນ.

-------------------------------------------------------------------------

ພິທີ ມອບ-ຮັບເງິນ ຊົດເຊີຍ ໃຫ້ປະຊາຊົນຜູ່ຖືກຜົນກະທົບ ຈາກໂຄງການ ກໍ່ສ້າງທາງເບຕົງ ຖະໜົນອະນຸວົງ ເທດສະບານ #ແຂວງໄຊສົມບູນ ໄດ້ຈັດຂື້ນໃນຕອນບ່າຍຂອງວັນທີ 29 ມັງກອນ 2020 ນີ້, ທີ່ຫ້ອງປະຊຸມພະແນກໂຍທາທິການ ແລະ ຂົນສົ່ງ ແຂວງ. ໂດຍການເຂົ້າຮ່ວມເປັນປະທານພິທີມອບ ຂອງທ່ານ ຄຳພຸດ ແກ້ວວົງພອນ, ຮອງຫົວໜ້າພະແນກໂຍທາທິການ ແລະ ຂົນສົ່ງ ແຂວງ, ມີປະຊາຊົນ 2 ບ້ານ ທີ່ຖືກຜົນກະທົບ ເຂົ້າຮ່ວມ.



ໂອກາດນີ້ທ່ານ ຄຳພຸດ ແກ້ວວົງພອນ, ໄດ້ມີຄຳເຫັນໂອລົມຕໍ່ພິທີ ຊື່ງທ່ານໄດ້ສະແດງຄວາມຍ້ອງຍໍ ຊົມເຊີຍ ຕໍ່ບັນດາຄອບຄົວປະຊາຊົນ ທີ່ຖືກຜົນກະທົບ ໄດ້ມີນ້ໍາໃຈເສຍສະຫລະຊັບສົມບັດສ່ວນຕົວເຂົ້າໃນການພັດທະນາປະເທດຊາດ ເວົ້າລວມ-ເວົ້າສະເພາະ ກໍຄືເມືອງອະນຸວົງ, ເທດສະບານ ແຂວງໄຊສົມບູນ ໃຫ້ໄດ້ຮັບການພັດທະນາຕາມແນວທາງນະໂຍບາຍຂອງພັກ-ລັດ ພ້ອມນີ້ ທ່ານຍັງໄດ້ຮຽກຮ້ອງໃຫ້ຄອບຄົວທີ່ຖືກຜົນກະທົບ ຈາກໂຄງການກໍ່ສ້າງທາງເບຕົງ ຖະໜົນໄຊຊະນະ ເທດສະບານແຂວງ ຈົ່ງເຊື່ອໝັ້ນຕໍ່ການນຳພາຂອງພັກ-ລັດ ນຳເອົາເງີນຊົດເຊີຍ ດັ່ງກ່າວນີ້ ໄປໝູນໃຊ້ພາຍໃນຄອບຄົວໃຫ້ເກີດປະໂຫຍດສູງ. ຈາກນັ້ນ ໃນພິທີໄດ້ມອບເງີນຊົດເຊີຍໃຫ້ປະຊາຊົນບ້ານຜາສະຫງົບ ແລະ ພູຫົວຊ້າງ, ເມືອງອະນຸວົງ, ແຂວງໄຊສົມບູນຜູ່ທີ່ຖືກຜົນກະທົບ ຈໍານວນ 09 ຄອບຄົວ ລວມເປັນເງີນທັງໝົດ 97.956.000 (ເກົ້າສິບເຈັດລ້ານ ເກົ້າແສນຫ້າສິບຫົກພັນ ກີບ) ໂດຍການມອບ ຂອງທ່ານ ຄຳພຸດ ແກ້ວວົງພອນ ແລະ ທ່ານ ອາລຸນ ພັນຄຸນນິວົງສາ, ກຳມະການພັກເມືອງ, ປະທານແນວລາວສ້າງຊາດ #ເມືອງອະນຸວົງ ແລະ ຮັບໂດຍ ຕາງໜ້າບັນດາຄອບຄົວທີ່ຖືກຜົນກະທົບ ຈາກໂຄງການດັ່ງກ່າວ ຕາມລຳດັບ.


-ພາບ-ຂ່າວ: ສຸກສັນ ອ້ວນລິທິກຸນ

Post a Comment

0 Comments