ກອງປະຊຸມໃຫຍ່ຜູ້ແທນ ອົງຄະນະພັກເມືອງປາກຊັນ ຄັ້ງທີ VII



 ກອງປະຊຸມໃຫຍ່ອົງຄະນະພັກເມືອງປາກຊັນ ຄັ້ງທີ VII ໄດ້ໄຂຂຶ້ນໃນຕອນເຊົ້າຂອງວັນທີ 15 ມັງກອນ 2020 ຢູ່ສະໂມໃຫຍ່ຂອງເມືອງປາກຊັນ ໂດຍພາຍໃຕ້ການເປັນປະທານຂອງສະຫາຍ ໄມຈອມ ວັນນະສານຄຳ ກຳມະການພັກແຂວງ ເລຂາຄະນະບໍລິຫານງານພັກເມືອງ-ເມືອງປາກຊັນ, ເປັນກຽດເຂົ້າຮ່ວມຂອງສະຫາຍ ກອງແກ້ວ ໄຊສົງຄາມ ກຳມະການສູນກາງພັກ ເລຂຄະນະບໍລິຫານງານພັກແຂວງ-ແຂວງບໍລິຄຳໄຊ, ມີຜູ້ແທນສົມບູນ 123 ສະຫາຍ, ຍິງ 5 ສະຫາຍ, ແຂກຖືກເຊີນຈາກເມືອງອ້ອມ, ພະແນກການອ້ອມຂ້າງແຂວງເຂົ້າຮ່ວມ.


 ໃນທ່າມກາງບັນຍາກາດທົ່ວພັກ-ທົ່ວກຳລັງປະກອບອາວຸດ ແລະ ປະຊາຊົນບັນດາເຜົ່າ ໄດ້ພ້ອມກັນສ້າງຜົນງານຂ່ຳນັບຮັບຕ້ອນວັນສຳຄັນຂອງຊາດ ກໍ໋ຄືການສຸມຈິດສຸມໃຈດຳເນີນກອງປະຊຸມສາມຂັ້ນຂອງຕົນໃຫ້ເປັນຂະບວນຟົດຟື້ນ ໃນໂອກາດນີ້ສະຫາຍ ໄມຈອມ ວັນນະສານຄຳ ເລຂາຄະນະບໍລິຫານງານພັກເມືອງປາກຊັນ ກໍ່ໄດ້ຕາງໜ້າໃຫ້ແກ່ອົງຄະນະພັກເມືອງປາກຊັນ ໄດ້ຂື້ນຜ່ານບົດລາຍງານການເມືອງ ເຊີ່ງເປັນຜົນງານໃນການຊີ້ນຳໆພາຂອງອົງຄະນະພັກເມືອງປາກຊັນຕະຫຼອດໄລຍະ 5 ປີ ຜ່ານມາ ແຕ່ປີ 2014-2019 ເຊີ່ງທ່ານໄດ້ຍົກໃຫ້ເຫັນວ່າ: ຕະຫຼອດ 5 ປີ ອົງຄະນະພັກເມືອງປາກຊັນ ແມ່ນໄດ້ສຸມຈິດໃຈຜັນຂະຫຍາຍມະຕິຂອງອົງຄະນະພັກເມືອງຊຸດທີ VI ຂອງຕົນຢ່າງຕັ້ງໜ້າ ໂດຍຍົກສູງຄວາມສາມາດນຳພາ, ປັບປຸງແບບແຜນວິທີເຮັດວຽກ, ຍຶດໝັ້ນແນວທາງປ່ຽນແປງຂອງພັກ, ປົກປັກຮັກສາສະຖຽນລະພາບທາງດ້ານການເມືອງ, ພັດທະນາເສດຖະກິດເຂັ້ມແຂງ, ສັງຄົມມີຄວາມສະຫງົບ, ຄຸ້ມຄອງລັດ-ຄຸ້ມສັງຄົມດ້ວຍລະບຽບກົດໝາຍຢ່າງໜັກແໜ້ນແລະຍຸຕິທຳ, ສີ່ງທີ່ພົນເດັ່ນ ສາມາດແກ້ໄຂປະກົດການຫຍໍ້ທໍ້ທາງສັງຄົມໄດ້ລົດໜ້ອຍຖອຍລົງ ໂດຍສະເພາະແມ່ນການແກ້ໄຂ 4 ເຖື່ອນ, ການພັດທະນາພື້ນຖານໂຄງລ່າງກໍ່ມີບາດກ້າວຂະຫຍາຍຕົວຢ່າງຕໍ່ເນື່ອງ ຄື: 


ລະບົບຄົມມະນາຄົມ, ໂຄລະຄົມມະນາຄົມ ແລະ ການນຳໃຊ້ໄຟຟ້າ ກໍ່ໄດ້ເຂົ້າເຖີງພໍ່ແມ່ປະຊາຊົນຢ່າງທົ່ວເຖີງ, ການຜະລິດສະບຽງອາຫານ ສາມາດກຸ້ມກິນ, ແຮໄວ້ ແລະ ຂາຍເປັນສິນຄ້າ, ລະບົບການສຶກສາ ການປະຕິບັດເປົ້າໝາຍສະຫັດສະວັດດ້ານການພັດທະນາທັງໝົດ 26 ຕົວຊີ້ວັດ, ການສຶກສາພາກເອກະຊົນ,ກ່ອນໄວຮຽນ, ຊັ້ນປະຖົມ ແລະ ມັດທະຍົມໄດ້ຂະຫຍາຍຕົວເພີ່ມຂຶ້ນ, ຕານ່າງສາທາລະນະສຸກກວມເອົາ 100%. ລະບົບຂໍ້ມູນຂ່າວສານກໍ່ໄດ້ສະໜອງໃຫ້ປະຊາຊົນຮັບຮູ້ຢ່າງທົ່ວເຖີງ, ດ້ານສີມືແຮງງານກໍ່ໄດ້ຮັບການພັດທະນາດີຂື້ນ ອັດຕາການວ່າງງານຫຼຸດໜ້ອຍຖອຍລົງ, ເສດຖະກິດຂະຫຍາຍຕົວຢ່າງຕໍ່ເນື່ອງ 7,5% ຕໍ່ປີ, ລວມຍອດຜະລິດຕະພັນມາຮອດປີ 2019 ປະຕິບັດໄດ້ 755,26ຕື້ກີບ, ໃນນັ້ນ; ຂະແໜງກະສິ ກຳ-ປ່າໄມ້ ກວມ 39,24%, ຂະແໜງອຸດສາຫະກຳ ກວມ 40,84%, ຂະແໜງບໍລິການ ກວມ 19,92%. ລາຍໄດ້ສະເລ່ຍ 1.747,34 ໂດລ່າຕໍ່ຄົນຕໍ່ປີ, ການແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າພາຍໃນເມືອງປາກຊັນ ເຊີ່ງທົວເມືອງມີ ຈຳນວນ 54 ບ້ານ, ໃນນັ້ນ, ບ້ານພັດທະນາກວມເອົາ 100%,  ຄອບຄົວພັດທະນາກວມ 99%, ຄອບຄົວພົ້ນທຸກກວມເອົາ 98,7%, ຍັງມີຄອບຄົວບໍ່ທັນພົ້ນທຸກກວມເອົາ 1,3% ສີ່ງທີ່ພົ້ນເດັ່ນກວ່າໝູ່ກໍ່ແມ່ນເປັນເມືອງທີ່ສາມາດປະກາດເປັນເມືອງທີ່ຈົບຊັ້ນມັດທະຍົມຕົ້ນ ແລະ ເປັນເມືອງທີ່ພົ້ນທຸກຢ່າງສົມບູນ


ກອງປະຊຸມນີ້ຈະໄດ້ດຳເນີນໄປເປັນເວລາ 2 ວັນ ໃນນັ້ນ, ຜູ້ແທານກອງປະຊຸມຍັງຈະໄດ້ປະກອບຄຳຄິດຄຳເຫັນ ແລະ ປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດໃໝ່ ເພື່ອສືບຕໍ່ຊີ້ນຳ-ນຳພາເມືອງປາກຊັນຕໍ່ໄປ.

Post a Comment

0 Comments