ມອບອີກແລ້ວເງິນຊົດເຊີຍຄັ້ງທີ 2 ໃຫ້ແກ່ພີ່ນ້ອງ… ໂຄງການທາງດ່ວນວຽງຈັນ ໝາຍເລກ 1




ໃນຕອນເຊົ້າ ເວລາ 8.30 ໂມງ  ຂອງ ວັນທີ 05 ທັນວາ 2019 ນີ້ ທີ່ສະໂມສອນໃຫຍ່ ຫ້ອງວ່າການປົກຄອງ ເມືອງ ໄຊທານີ ໄດ້ຈັດພິທີມອບ-ຮັບ ເງິນຊົດເຊີຍ ແລະ ທົດແທນຄ່າເສຍຫາຍ ຈາກໂຄງການທາງດ່ວນວຽງຈັນ ຫມາຍເລກ ໂດຍການເປັນປະທານ  ຂອງ ທ່ານ ພູຂົງ ບັນນະວົງ ຮອງເຈົ້າຄອງນະຄອນຫລວງວຽງຈັນ, ຫົວຫນ້າພະແນກແຜນການ ແລະ ການລົງທຶນ ນວ.

1.    ເມືອງໄຊເສດຖາ

  • ຕອນດິນທັງຫມົດ 535 ຕອນ; ສິ່ງປຸກສ້າງ ເມືອງໄຊເສດຖາ 134
  • ວັດແທກແລ້ວທັງຫມົດ 407 ຕອນ;
  • ປະກອບສຳນວນ ແລະ ເຊັນບົດບັນທຶກເບື້ອງຕົ້ນ 294 ຕອນ.
2.    ເມືອງໄຊທານີ

  • ຕອນດິນທັງຫມົດ 333 ຕອນ; ສິ່ງປຸກສ້າງ ໄຊທານີ 26 ຫລັງ,
  • ວັດແທກແລ້ວທັງຫມົດ 261 ຕອນ;
  • ປະກອບສຳນວນ ແລະ ເຊັນບົດບັນທຶກເບື້ອງຕົ້ນ 202 ຕອນ.

  • ລວມຕອນດິນໃນໂຄງການ ມີ 868 ຕອນ
  • ສິ່ງປຸກສ້າງ 160 ຫລັງ (ເມືອງໄຊເສດຖາ 134 ຫລັງ + ໄຊທານີ 26 ຫລັງ),
  • ເນື້ອທີ່ໂຄງການທັງຫມົດ (ຄ່າປະມານ) 293.16 ເຮັກຕາ,
  • ມູນຄ່າຊົດເຊີຍເບື້ອງຕົ້ນ (ຄ່າປະມານ) 353,295,706,956 ກີບ ທຽບເທົ່າ 41,564,200 ໂດລາ.

ປັດຈຸບັນ ແມ່ນມີຜູ້ທີ່ປະກອບເອກະສານຄົບຖ້ວນ ແລະ ພ້ອມຮັບຄ່າຊົດເຊີຍແລ້ວ ດັ່ງນີ້:

1. ພິທີມອບຮັບຄ່າຊົດເຊີຍ (ຄັ້ງທີ 1) ມີ ຈໍານວນ 19 ຕອນ ໃນວັນທີ 19 ພະຈິກ 2019.

  • ມູນຄ່າລວມການຊົດເຊີຍ: 4,608,907,996 ກີບ
  • ເນື້ອທີ່ດິນທີ່ຖືກໂຄງການ 19 ຕອນ: 41,209 ຕາແມັດ (ຫລື 4,12 ເຮັກຕາ)
  • ລວມມີ: ໂນນຄໍ້ເຫນືອ 7 ຕອນ, ນາແຄ 5 ຕອນ ແລະ ບ້ານໄຊ 7 ຕອນ.
2. ພິທີມອບຮັບຄ່າຊົດເຊີຍ (ຄັ້ງທີ 2) ມີ ຈໍານວນ 92 ຕອນ ຈະຈັດໃນວັນທີ 05 ທັນວາ 2019.

  • ມູນຄ່າລວມການຊົດເຊີຍ: 40,056, 514, 309 ກີບ
  • ເນື້ອທີ່ດິນທີ່ຖືກໂຄງການ 92 ຕອນ: 344,671 ຕາແມັດ (ຫລື 34,46 ເຮັກຕາ)
  • ລວມມີ: ບ້ານວັງຊາຍ 29 ຕອນ, ຮ່ອງສຸພາບ 12 ຕອນ, ໂນນຄໍ້ເຫນືອ 5 ຕອນ, ໂນນສະຫວ່າງ 2 ຕອນ, ນາແຄ 17 ຕອນ ແລະ ບ້ານໄຊ 27 ຕອນ.
ສ່ວນຫລາຍຜູ້ທີ່ມີສ່ວນຮ່ວມໃນໂຄງການ ແມ່ນມີອາຊີບ ພະນັກງານບຳນານ, ຄ້າຂາຍ ແລະ ເຮັດນາ



ຂໍ້ມູນໂຄງການ

I. ທີ່ຕັ້ງ ແລະ ສະພາບລວມ.



ໂຄງການກໍ່ສ້າງທາງດ່ວນວຽງຈັນ ຫມາຍເລກ 1 ລວມມີ 2 ເມືອງ ຄື: ເມືອງໄຊເສດຖາ ຈໍານວນ 14 ບ້ານ ບ້ານ, ເມືອງ ໄຊທານີ ຈໍານວນ 7 ບ້ານ (ລວມຂອບເຂດພື້ນທີ່ພັດທະນາເມືອງໄຊທານີ ເພື່ອຂະຫຍາຍເສັ້ນທາງເຊື່ອມຕໍ່ ລະຫວ່າງ ທາງດ່ວນວຽງຈັນຫມາຍເລກ 1 ຫາ ສະຖານີລົດໄຟລາວ-ຈີນ, ເຂດສາທາລະນຸປະໂພກທີ່ອໍານວຍຄວາມສະດວກ, ເຂດພັດທະນາທີ່ຈໍາເປັນ ແລະ ພື້ນທີ່ຮອງຮັບກິດຈະກໍາຂອງໂຄງການ ແລະ ມີໄລຍະແລວທາງທັງໝົດ 15.933 ກິໂລແມັດ (ແຕ່ບໍລິເວນເຂດສະເພາະບຶງທາດຫລວງ ຫາ ດົງຫມາກຄາຍ).


II. ການຈັດຕັ້ງປະຕິບັດ.


1. ສັງລວມຂໍ້ມູນແຜນທີ່ດິນ, ສໍານວນທີ່ດິນ, ບັນດານິຕິກໍາແຈ້ງການ, ຂໍ້ຕົກລົງຕ່າງໆ ທີ່ກ່ຽວຂ້ອງ ເພື່ອເປັນບ່ອນອີງໃນການຈັດຕັ້ງປະຕິບັດ.

2. ປະສານສົມທົບກັບຂະແໜງການທີ່ກ່ຽວຂ້ອງ, ເມືອງ, ອໍານາດການປົກຄອງບ້ານ ແລະ ປະຊາຊົນຜູ້ທີ່ນໍາໃຊ້ທີ່ດິນໃນຂອບເຂດໂຄງການເພື່ອເຂົ້າຮ່ວມການລົງເກັບກຳຂໍ້ມູນລະອຽດ.

3. ເປີດກອງປະຊຸມຂັ້ນບ້ານ ເພື່ອແຈ້ງຈຸດປະສົງ, ເປົ້າໝາຍ, ແຜນວຽກ, ການແບ່ງໜ້າທີ່ຮັບຜິດຊອບໃນການລົງສໍາຫຼວດວັດແທກເກັບກໍາຂໍ້ມູນການນໍາໃຊ້ທີ່ດິນ ພ້ອມທັງປຶກສາຫາລືແລກປ່ຽນຂໍ້ມູນ ແລະ ວິທີໃນການຈັດຕັ້ງປະຕິບັດ.

4. ສົມທົບກັບເຈົ້າຂອງຕອນດິນທີ່ຖືກຂອບເຂດໂຄງການເພື່ອລົງສຳຫຼວດ ວັດແທກ ເກັບກຳຂໍ້ມູນສິດໃຊ້, ສິດນໍາໃຊ້ທີ່ດິນ ພ້ອມທັງເຮັດບົດບັນທຶກກັບເຈົ້າຂອງດິນ, ບົດບັນທຶກທຶກຮັບເອົາຄ່າຊົດເຊີຍ.


ຊົມຄລິບພິທີມອບເງິນຊົດເຊີຍ

Post a Comment

0 Comments