ປີ 2019 ຜ່ານມາຫຼວງນໍ້າທາ ມີຜູ້ເສຍຊີວິດຍ້ອນອຸບັດຕິເຫດ 22 ລາຍ



ຫຼວງນໍ້າທາ:  ຕາມການໃຫ້ຂໍ້ມູນຂອງທ່ານ ຮອ ແຕະ ອຸດົມ ຮອງຫົວໜ້າພະແນກ ຕຳຫຼວດຈາລະຈອນ ປກສ ແຂວງຫຼວງນໍ້າທາ ໃຫ້ຮູ້ວ່າ: ໃນປີ  2019 ຜ່ານມາ ທົ່ວແຂວງຫຼວງນໍ້າທາ ມີອຸບັດຕິເຫດເກີດຂຶ້ນທັງ ໝົດ 366 ລາຍ, ແລະ ເສຍຊີວິດ 22 ລາຍ, ທຽບໃສ່ປີຜ່ານມາ ເພີ່ມຂຶ້ນ 170 ລາຍ. 

ມີພາຫະນະເປ່ເພເລັກນ້ອຍ 444 ຄັນ, ສົມຄວນ 189 ຄັນ, ໃຊ້ການບໍ່ໄດ້ 24 ຄັນ, ລົດຈັກຕຳລົດຈັກ 110 ລາຍ, ລົດຈັກຕຳລົດຖີບ 6 ລາຍ, ລົດບັນທຸກຕຳລົດບັນທຸກ 1 ລາຍ, ລົດຈັກຕຳຄົນຍ່າງ 24 ລາຍ, ລົດຈັກຕຳລົດແຕ໋ກເຕີ 6 ລາຍ, ລົດຈັກຕຳລົດໃຫ່ຍ 103 ລາຍ, ລົດຈັກຕຳລົດບັນທຸກ 23 ລາຍ, ລົດແຕ໋ກເຕີຕຳຄົນຍ່າງ 1 ລາຍ, ລົດຈັກລົ້ມເອງ 11 ລາຍ, ລົດໃຫ່ຍຕຳລົດໃຫ່ຍ 26 ລາຍ, ລົດໃຫ່ຍຕຳເຮືອນ 3 ລາຍ, ລົດໃຫ່ຍຕຳຄົນຍ່າງ 7 ລາຍ, ລົດໃຫ່ຍປິ້ນເອງ 4 ລາຍ, ລົດບັນທຸກປິ້ນເອງ 9 ລາຍ. ລວມມູນຄ່າເສຍຫາຍ 4.831 ລ້ານກ່ວາກີບ.ສາເຫດທີ່ພາໃຫ້ເກີດອຸບັດຕິເຫດສ່ວນຫຼາຍແມ່ນແລ່ນລົດໄວເກີນກຳນົດມີ 202 ລາຍ, ດື່ມສິ່ງມືນເມົາ 114 ລາຍ,


ທ່ານຍັງໄດ້ກ່າວຕື່ມວ່າ:ຕໍ່ກັບບັນຫາດັ່ງກ່າວໄດ້ຮຽກຮ້ອງເຖີງ
ຜູ້ຂັບຂີ່ຜູ້ໃຊ້ລົດໃຊ້ທະໜົນຈົ່ງເພີ່ມສະຕິໃນການໄປ - ມາ ໃຫ້ກຽດເຊີ່ງກັນ ແລະ ກັນ ແລະ ເຄົາລົບກົດລະບຽບການສັນຈອນໃຫ້ເຂັ້ມງວດ, ກວດກາສະພາບເຕັກນິກລົດເປັນປະຈຳ ບັນຫາອຸບັດຕິເຫດກໍ່ຈະບໍ່ເກີດຂຶ້ນ.

ຂ່າວ: ສົມພອນ ຂຸນດາວົງ

Post a Comment

0 Comments