ຈັບຕົວໄດ້ແລ້ວ ຜູ່ກໍ່ເຫດຄາດຕະກໍາ ທີ່ເຂດ ມຕ ໂພນຈະເລີນ ເມືອງປາກກະດິງ



ລາຍງານຈາກ ປະຊາຊົນໃຫ້ຮູ້ວ່າ ສາມາດ ຕາມຈັບຕົວຜູ່ກໍ່ເຫດ ຄາດຕະກໍາ ໄດ້ແລ້ວ ໃນຕອນຄໍ່າ ມື້ດຽວກັນ 9/2/2020, ກໍລະນີເຫດ ຄາດຕະກໍາ ທີ່ເຂດບ້ານໂພນຈະເລີນ ແຖວໂຮງຮຽນ ມໍ ຕົ້ນໂພນຈະເລີນ, ບ້ານໂພນຈະເລີນ ຄຸ້ມໂພນສິ, ເມືອງປາກກະດິງ, ແຂວງບໍລິຄຳໄຊ.


ຜູ່ເສຍຊີວິດ




ຂໍ້ມູນເພີ່ມເຕີມ ຈາກ ໜ່ວຍກູ້ໄພເຈົ້າໂຕ່ງປາກກະດີງ ໃຫ້ຮູ້ວ່າ: ຈຸດທີ່ເກີດເຫດຄາດຕະກໍາ ແມ່ນ ບ້ານໂພນຈະເລີນ, ເມືອງປາກກະດິງ, ແຂວງບໍລິຄຳໄຊ ຜູ່ເສຍຊີວິດ ເປັນເພດຊາຍອາຍຸປະມານ 25 ປີ ຊື່ ທ້າວພັດ ຫຼວງລາດ, ຄົນທີ່ໄປນຳແມ່ນໃສເສື້ອຢຶດສີຂາວໂສ້ງຢີ່ນສີຟ້າແກ່. ພົບເຫດສົບຜູ່ເສຍຊີວິດ ໃນໂຮງຮຽນມັດທະຍົມໂພນສີແຖວເສັ້ນທາງຂ້າງເດີ່ນບານ.




ອິງຕາມເຫດການທີ່ເລົ່າຈາກໝູ່ຂອງຜູ້ຕາຍແມ່ນວາ: ພວກກ່ຽວແມ່ນຢູ່ນຳກັນ 3 ຄົນຜູ້ຕາຍແລະໝູ່ຄູ່ ເຊິ່ງໄດ້ດ້ຂີ່ລົດມາຈາກວຽງຈັນ ເພື່ອມາຢາມບ້ານ. ໂດຍຜູ້ຕາຍໄດ້ໃຊ້ລົດຈັກ R15 ສີຟ້າ, ພໍມາຮອດບ້ານໂພນສີ ກໍ່ໄດ້ຊວນກັນມາຖ່າຍຮູບແຖວໂຮງຮຽນໃກ້ກັບຈຸດເກີດເຫດ.





ຫຼັງຈາກນັ້ນກໍ່ໄດ້ພາກັນມາຕະຫຼາດເພື່ອຊື້ເຄື່ອງກິນ ແລະ ເບຍກັບໄປກິນຢູ່ເຮືອນໝູ່. ພໍກັບມາກໍ່ພາກັນກິນດື່ມຈົນເບຍໝົດຈື່ງໃຫ້ໝູ່ສອງຄົນອອກໄປຊື້. ແຕ່ພໍກັບມາໃກ້ຈະຮອດບ້ານ, ກໍ່ເຫັນຜູ້ຕາຍໄດ້ຂີ່ລົດອອກໄປກັບຜູ້ຊາຍເຊິ່ງເປັນພີ່ນ້ອງຂອງຄົນທີ່ອອກໄປຊື້ເບຍ, ເຊິ່ງທັງສອງແມ່ນບໍ່ຮູ້ຈັກກັນເລີຍ.


ເວລາຕໍ່ມາ ໃນມື້ດຽວກັນ ເຈົ້າໜ້າທີ່ ສາມາດ ຕາມຈັບຕົວຜູ່ກໍ່ເຫດໄດ້.



ປະຈຸບັນຄະດີດັງກ່າວແມ່ນຢູ່ໃນຂັ້ນຕອນການດໍາເນີນຄະດີ.





Post a Comment

0 Comments