ບໍລິສັດ ເຄພີ ຈໍາກັດ ຜູ້ຈັດຈໍາໜ່າຍນໍ້າມັນເຄືອງເຊວ ສໍາລັບຍານພາຫະນະ ແລະ ຜະລິດຕະພັນອຸດສາຫະກໍາ ຢູ່ ສປປ ລາວ ຢ່າງເປັນທາງການ



ນະຄອນຫຼວງວຽງຈັນ: ວັນທີ່ 23 ມີນາ 2020 - ບໍລິສັດ ເຄພີ ຈໍາກັດ ໄດ້ປະກາດເປັນຜູ້ຈັດຈໍາໜ່າຍນໍ້າມັນເຄືອງເຊວ ສໍາລັບຍານພາຫະນະ ແລະ ຜະລິດຕະພັນອຸດສາຫະກໍາ ຢູ່ ສປປ ລາວ ທີ່ໄດ້ຮັບການອະນຸມັດຢ່າງເປັນທາງການ. ໃນການຮ່ວມມືຄັ້ງໃໝ່ນີ້, ບໍລິສັດ ເຄພີ ຈະນໍາເອົາພະລິດຕະພັນທີ່ມີຊື່ສຽງຂອງໂລກ ໃນການສະໜອງຜະລິຕະພັນນໍ້າມັນເຄື່ອງທີ່ມີຄຸນນະພາບ ແລະ ຄວາມແຮງສູງ.

ໃນຖານະທີ່ເປັນຜູ້ຈັດຈໍາໜ່າຍຢ່າງເປັນທາງການ, ບໍລິສັດ ເຄພີ ຂາຍ ແລະ ຈັດຈໍາໜ່າຍຜະລິດຕະພັນນໍ້າມັນເຄື່ອງ ແລະ ການບໍລິການຫຼາກຫຼາຍຊະນິດ ເພື່ອຕອບສະໜອງຄວາມຕ້ອງການໃນການນໍາໃຊ້ງານຕ່າງໆ ຂອງ ລູກຄ້າ. ໃນນີ້, ລວມມີຜະລິຕະພັນນໍ້າມັນເຄື່ອງ Shell Helix ສໍາລັບລົດໃຫຍ່, ນໍ້າມັນເຄື່ອງ Shell Advance ສໍາລັບລົດຈັກ, ແລະ ນໍ້າມັນເຄື່ອງ ແລະ ການບໍລິການຫຼາກຫຼາຍຊະນິດ ສໍາລັບຜະລິຕະພັນອຸດສາຫະກໍາ ເປັນຕົ້ນແມ່ນ ກົນຈັກໃຫຍ່, ການຂຸດຄົ້ນບໍ່ແຮ່, ການກໍ່ສ້າງ, ການພະລິດພະລັງງານ ແລະ ຂະແໜງການຜະລິດທົ່ວໄປ.

ເຊວ ດໍາເນີນທຸລະກິດ ຢູ່ ຫຼາຍກວ່າ 100 ປະເທດທົ່ວໂລກ ແລະ ເປັນຜູ້ສະໜອງນໍ້າມັນເຄື່ອງ ອັນດັບ 1 ຂອງ ໂລກ 13 ປີ ຕິດຕໍ່ກັນ (ແຫຼ່ງຂໍ້ມູນ: Kline & Company 2019). ເຊວ ເປັນຄູ່ຮ່ວມທາງດ້ານເຕັກໂນໂລຊີຊັ້ນນໍາ ກັບບັນດາທີມແຂງລົດລະດັບຕົ້ນໆ ຂອງ ໂລກ ເຊັ່ນ: Scuderia Ferrari ແລະ BMW Motorsport ໂດຍນໍາເອົາຄວາມຮູ້ທາງດ້ານວິທະຍາສາດ ແລະ ເຕັກໂນໂລຊທີ່ທັນສະໄໝ ຈາກ ສະໜາມການແຂ່ງຂັນລົດ ມາປັບປຸງຜະລິຕະພັນທາງການຄ້າຂອງຕົນ. ນອກນີ້, ເຊວ ຍັງໄດ້ສ້າງສາຍພົວພັນທາງການຄ້າ ກັບບັນດາຜູ້ຜະລິດສິ້ນສ່ວນຂັ້ນຕົ້ນ (OEM) ທີ່ສໍາຄັນຂອງໂລກ  ເປັນຕົ້ນແມ່ນ ກຸ່ມບໍລິສັດ Fiat Chrysler Automobiles Group, Hyundai, General Electric, Aggreko ແລະ ອື່ນໆ.



ບໍລິສັດ ເຄພີ ຈໍາກັດ ເປັນທີ່ຮູ້ຈັກຢ່າງດີ ໃນ ສປປ ລາວ ໃນຖານະທີ່ເປັນຜູ້ຈັດຈໍາໜ່າຍ, ໃຫ້ການບໍລິການ ແລະ ດໍາເນີນທຸລະກິດ ພ້ອມທັງເປັນຜູ້ນໍາໃນຕະຫຼາດສິນຄ້າອຸປະໂພກບໍລິໂພກ ແລະ ເປັນຜູ້ຈັດຈໍາໜ່າຍໂຕໂຢຕາ (Toyota), ຄູໂບຕາ (Kubota)  ແລະ ຢະມະຮາ (Yamaha) ແລະ ອື່ນໆ.

ທ່ານ ເຂັມຊາດ ພິລາພັນເດດ, ປະທານກຸ່ມບໍລິສັດ ເຄພີ ໄດ້ກ່າວວ່າ, “ພວກເຮົາ ສຸມໃສ່ການດໍາເນີນທຸລະກິດທີ່ຍືນຍົງ ແລະ ມີຈັນຍາທໍາ. ສະນັ້ນ, ພວກເຮົາ ເຮັດວຽກ ກັບຜູ້ສະໜອງຕ່າງໆ ຄືດັ່ງຄູ່ຮ່ວມມືທາງທຸລະກິດ ເພື່ອຮັບປະກັນວ່າ ບໍລິສັດ ເຄພີ, ຜູ້ສະໜອງ ແລະ ຮຸ່ນສ່ວນຂອງພວກເຮົາ ຕ່າງຝ່າຍຕ່າງໄດ້ຮັບຜົນປະໂຫຍດ ແບບຍືນຍົງ. ໃນທ່າມກາງທີ່ອຸດສາຫະກໍາຍານພາຫະນະ ແລະ ອຸດສາຫະກໍາໃນຂົງເຂດອື່ນໆ ມີການຂະຫຍາຍຕົວ, ພວກເຮົາ ເຊື້ອໝັ້ນວ່າ ການໄດ້ຮັບອະນຸມັດເປັນຜູ້ຈັດຈໍາໜ່າຍ ຢ່າງເປັນທາງການຄັ້ງນີ້ ຈະເຮັດໃຫ້ບໍລິສັດພວກເຮົາ ສາມາດມໃຫ້ການບໍລິການດ້ານ ເຕັກນິກ ກ່ຽວກັບ ນໍ້າມັນເຄື່ອງ ໃຫ້ແກ່ລູກຄ້າ ອັນຈະປະກອບສ່ວນຂັບເຂື່ອນປະສິທິຜົນ ແລະ ການຈະເລີນເຕີບໂຕ ແນໃສ່ສົ່ງເສີມສິ່ງແວດລ້ອມທີ່ດີ ແລະ ປອດໄພ.”

ທ່ານ ເຈີລາດ ຟູ (Gerald Foo), ຜູ້ຈັດການທົ່ວໄປ ຂອງ ພະແນກການຈັດຈໍາໜ່າຍນໍ້າມັນເຄື່ອງເຊວ ອາຊີ-ປາຊີຟິກ ໄດ້ກ່າວຕື່ມວ່າ, “ການຮ່ວມມື ແມ່ນແນວທາງທີ່ສໍາຄັນ ເພື່ອການພັດທະນາ ແລະ ຜົນສໍາເລັດ ຂອງ ບໍລິສັດ ເຊວ.    ໂດຍຮ່ວມມືກັບ ບໍລິສັດ ເຄພີ, ເຊວ ມີຄວາມຍິນດີ ທີ່ຈະໄດ້ນໍາເອົາເຕັກໂນໂລຊີຊັ້ນນໍາ ມາສູ່ ສປປ ລາວ. ພວກເຮົາ ແລະ ບໍລິສັດ ເຄພີ ຫວັງວ່າ ຈະໄດ້ເປັນສ່ວນໜຶ່ງ ໃນການຂະບວນການພັດທະນາ ຂອງ ສປປ ລາວ.”
ກຸ່ມບໍລິສັດ ເຄພີ ໄດ້ເລີ່ມການຕະຫຼາດ, ຈັດຈໍາໜ່າຍ ແລະ ບໍລິການທາງເຕັກນິກ ໃຫ້ແກ່ລູກ ຕັ້ງແຕ່ ວັນທີ 1 ມັງກອນ 2020 ຢ່າງເປັນທາງການ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------



Post a Comment

0 Comments