ກອງບັນຊາການຕໍາຫຼວດເເຂວງເຫງະອານມອບອຸປະກອນ, ເຄື່ອງມືຕ້ານພະຍາດໂຄວິດ 19 ໃຫ້ແກ່ກອງບັນຊາການ ປກສ ແຂວງຊຽງຂວາງ ມູນຄ່າ 100 ລ້ານດົ່ງ


ໃນຕອນເຊົ້າຂອງວັນທີ 28 ເມສາ 2020 ນີ້ ຢູ່ທີ່ດ້ານສາກົນ ນໍ້າກັ່ນ ກອງບັນຊາການຕໍາຫລວດແຂວງເຫງະອານ ສາທາລະນະລັດສັງຄົມນິຍົມຫວຽດນາມ ໄດ້ຈັດພິທີມອບອຸປະກອນເຄື່ອງທາງການແພດປ້ອງກັນພະຍາດໂຄວິດ-19 ໃຫ້ແກ່ກອນບັນຊາການປ້ອງກັນຄວາມສະຫງົບແຂວງຊຽງແຂວງສາທາລະນະລັດປະຊາທິປະໄຕປະຊາຊົນລາວ ເຊິ່ງກ່າວໂດຍ ພັນເອກ ເລຊົນຮວຍ ຮອງກອງບັນຊາການຕໍາຫລວດແຂວງເຫງະອານ ກ່າວຮັບໂດຍທ່ານ ພັນໂທ ພູວົງ ອຸດທະຈັກ ຄະນະພັກຮອງກອງບັນຊາການປ້ອງກັນຄວາມສະຫງົບແຂວງຊຽງຂວາງ ພ້ອມດ້ວຍຂະນະ ທັງ 2 ຟ່າຍເຂົ້າຮ່ວມເປັນສັກຄີພະຍານ





ທ່ານພັນເອກ ເລຊົນຮວຍ ໄດ້ກ່າວວ່າ ການນໍາເອົາອຸປະກອນເຄື່ອງມືການແພດປ້ອງກັນໂຄວິດ-19 ມາມອບໃຫ້ກອງບັນຊາການປ້ອງກັນຄວາມສະຫງົບແຂວງຊຽງຂວາງໃນຄັ້ງນີ້ ແມ່ນເພື່ອນໍາໃຊ້ເຂົ້າໃນການຕ້ານການລະບາດຂອງພະຍາດອັກເສບປອດຈາກເຊື້ອຈຸລາໂລກສາຍພັນໃໝ່ໂຄວິດ-19 ທີ່ກຳລັງລະບາດເປັນວົງກ້ວາງໃນທົ່ວໂລກໂດຍສະເພາະແມ່ນສາທາລະນະລັດສັງຄົມນີ້ຍົມຫວຽດນາມ ແລະ ສາທາລະນະລັດປະຊາທິປະໄຕປະຊາຊົນລາວ ສະນັ້ນຈຶ່ງໄດ້ມີການຮ່ວມມືກັນສະກັດກັ້ນເພື່ອບໍ່ໃຫ້ເຊື້ອພະຍາດດັ່ງກ່າວແພ່ລາມ ແລະ ຫຼຸດນ້ອຍຖອຍຫຼົງເທື່ອລະກ້າວ



ໃນນີ້ເຄື່ອງທີ່ນໍາມາມອບປະກອບມີຈໍານວນແພອັດປາກຈໍານວນ 30 ກັບ,ເຈວລ້າງມື 100 ກັບ, ເຄື່ອງພົ້ນຢາຂ້າເຊື້ອ 3 ເຄື່ອງ, ນໍ້າຢາຂ້າເຊື້ອ 20 ກິໂລ,  ເຄື່ອງວັດແທກອຸນຫະພູມ 5 ອັນ, ລວມມູນຄ່າທັງໜົດ 100 ລ້ານດົ່ງ


ໃນໂອກາດດັ່ງກ່າວນີ້ ທ່ານພັນໂທ ພູວົງ ອຸດທະຈັກ ໄດ້ສະແດງຄວາມຂອບອົກຂອບໃຈ ແລະ ຮູ້ບຸນຄຸນມາຍັງກອງບັນຊາການຕໍາຫລວດແຂວງເຫງະອານທີ່ຍາມໃດກໍ່ໄດ້ເປັນຫ່ວງເປັນໃຍ ແລະ ໃຫ້ການຊ່ວຍເຫຼືອ ອ້າຍນ້ອງກຳລັງປ້ອງກັນຄວາມສະຫງົບແຂວງຊຽງແຂວງ ຕະຫລອດມາ ພ້ອມທັງໃຫ້ຄໍາສັນຍາວ່າຈະນໍາເອົາເຄື່ອງຈໍານວນດັ່ງນີ້ໃປນໍາໃຊ້ເຂົ້າໃນວຽກງານຕົວຈິງໃຫ້ໄດ້ຮັບຜົນສູງສຸດ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments