ເມືອງໄຊບູລີເລັ່ງເກັບກ່ຽວເຂົ້ານາແຊງສຳເລັດ 70%


ເມືອງໄຊບູລີ, ໜຶ່ງໃນເມືອງປູກເຂົ້າທີ່ສຳຄັນອັນດັບຕົ້ນໆຂອງແຂວງສະຫວັນນະເຂດ ກຳລັງຂຸ້ນຂ້ຽວເກັບກ່ຽວເຂົ້ານາແຊງ ມາຮອດປະຈຸບັນສຳເລັດແລ້ວ 70 ສ່ວນຮ້ອຍ ຂອງເນື້ອທີ່ຜະລິດທັງໝົດ 8.500 ເຮັກຕາ ແລະ ຍັງສືບຕໍ່ສ່ວນທີ່ເຫຼືອເພື່ອຮັບປະກັນການສະໜອງເຂົ້າພາຍໃນເມືອງ ແລະ ພາຍໃນແຂວງ.

Image may contain: sky, grass, plant, tree, cloud, outdoor and nature

ທ່ານ ສີວິໄລ ອິນທະລືໄຊ ຫົວໜ້າຫ້ອງການກະສິກຳ ແລະ ປ່າໄມ້ ເມືອງໄຊບູລີ ໄດ້ລາຍງານໃຫ້ຮູ້ວ່າ: ການເກັບກ່ຽວເຂົ້ານາແຊງແມ່ນເລີ່ມກ່ອນທີ່ຈະມີການແຜ່ລະບາດຂອງພະຍາດໂຄວິດ-19 ແລະ ມາໃນໄລຍະທີ່ມີການແຜ່ລະບາດຂອງພະຍາດໂຄວິດ-19 ນີ້ ທາງເຮົາກໍໄດ້ເອົາໃຈໃສ່ປະຕິບັດຕາມຄຳສັ່ງເລກທີ່ 06/ນຍ ຂອງນາຍົກລັດຖະມົນຕີວາງອອກຢ່າງເຂັ້ມງວດ

Image may contain: tree, sky, outdoor and nature

ທ່ານ ອ່ອນລຳພັນ ບົວສີແກ້ວ ເຈົ້າເມືອງ ເມືອງ ໄຊບູລີ ໃຫ້ຮູ້ອີກວ່າ ພາຍໃນເມືອງກໍໄດ້ມອບໝາຍໃຫ້ອຳນາດການປົກຄອງແຕ່ລະຂັ້ນ ເປັນຕົ້ນຂັ້ນບ້ານເປັນຜູ້ກວດກາຄົນເຂົ້າ-ອອກພາຍໃນເມືອງ ຖ້າເຂົ້າມາກໍ່ມີການກັກໂຕຕາມສູນຕ່າງໆ ເຊິ່ງມີທັງໝົດ 13 ສູນ ແລະ ມາຮອດປະຈຸບັນຄົນທີ່ຖືກກັກຕົວກໍ່ໄດ້ໝົດກຳນົດກັກຕົວ 14 ວັນໝົດແລ້ວ ຕົກເປັນຈຳນວນທັງໝົດ 1.351 ຄົນ ໃນນັ້ນເປັນເພດຍິງ 682 ຄົນ.

Image may contain: grass, sky, plant, tree, outdoor and nature


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments