ຮ້ານຄ້າຈໍານວນໜື່ງໃນ ນວ ເລີ່ມເປີດໃຫ້ບໍລິການ ເຊີ່ງມີຄວາມສ່ຽງສູງຕໍ່ການຕິດເຊື້ອໂຄວິດ-19 ເພີ່ມຂຶ້ນ


ໃນວັນທີ 23 ເມສາ 2020 ນັກຂ່າວ ປກສ ນວ ໄດ້ລົງພື້ນທີ່ຕົວຈິງ ແມ່ນເຫັນວ່າ: ບັນດາຫ້າງຮ້ານໃນນະຄອນຫຼວງວຽງຈັນ ໄດ້ເລີ່ມເປີດໃຫ້ບໍລິການ ເປັນຕົ້ນແມ່ນຮ້ານຄ້າ(ຂາຍລົດ), ຮ້ານອາຫານ (ໃຫ້ລູກຄ້ານັ່ງກິນຢູ່ຮ້ານ). ນອກຈາກນີ້, ຍັງມີປະຊາຊົນຈໍານວນຫຼາຍທີ່ອອກຈາກເຮືອນ ແລະ ບາງຄົນກໍ່ບໍ່ໃສ່ຜ້າປິດປາກ ເພື່ອປ້ອງກັນຕົວເອງ; ເຊີ່ງເປັນສິ່ງທີ່ເຮັດໃຫ້ມີຄວາມສ່ຽງສູງຕໍ່ການຕິດເຊື່ອພະຍາດຮ້າຍແຮງ (ໂຄວິດ-19) ແລະ ຍັງເປັນການລະເມີດຕໍ່ຂໍ້ຫ້າມໃນຄຳສັ່ງເລກທີ 06/ນຍ.






ສະນັ້ນ, ເພື່ອຄວາມຮັບປະກັນບໍ່ໃຫ້ພໍ່-ແມ່ປະຊາຊົນ ທີ່ໃຊ້ຊີວິດໃນນະຄອນຫຼວງວຽງຈັນ ຕິດເຊື້ອພະຍາດຮ້າຍດັ່ງກ່າວ ນັກຂ່າວພວກເຮົາໃນນາມເປັນພົນລະເມືອງລາວ, ຈຶ່ງຂໍຮຽກຮ້ອງມາຍັງບັນດາເຈົ້າຂອງຮ້ານຄ້າ-ຮ້ານອາຫານ ແລະ ຫົວໜ່ວຍທຸລະກິດຕ່າງໆ ລວມເຖິງປະຊາຊົນທີ່ຍັງຝາຝືນມາດຕະການປ້ອງກັນພະຍາດຮ້າຍນີ້, ຈົ່ງເພີ່ມສະຕິໃນການປ້ອງກັນພະຍາດໂຄວິດ-19, ຂໍອົດທົນນຳກັນ ແລະ ພ້ອມກັນປະຕິບັດຕາມຄໍາສັ່ງເລກທີ 06/ນຍ ຢ່າງເຄັງຄັດໄປຮອດວັນທີ 03 ພຶດສະພາ 2020; ເພື່ອເຮັດໃຫ້ພະຍາດນີ້ຢຸດການແຜ່ລະບາດໃນນະຄອນຫຼວງວຽງຈັນ ກໍຄືໃນປະເທດລາວເຮົາແບບຖາວອນ.



Post a Comment

0 Comments