ນາຍົກ ອັງກິດ ເຂົ້າເຮັດວຽກມື້ທໍາອິດ ຍັງຢືນຢັນຄາຍລັອກດາວບໍ່ໄດ້ ແລະ ຂໍໃຫ້ປະຊາຊົນອົດທົນກ່ອນ




ບໍລິດ ຈອນສັນ ນາຍົກ​ລັດຖະມົນຕີ​ອັງກິດກັບເຂົ້າ​ມາ​ເຮັດວຽກ​ມື້​ທໍາອິດ ໂດຍ​ຖະແຫຼງການ​ຢືນຢັນ​ວ່າ​ປະເທດ​ຍັງຄາຍ​ລັອກ​ດາ​ວ​ບໍ່​ໄດ້ ເຖິງແມ່ນ​ແນວ​ໂນ້ມ​ການ​ລະ​ບາດ​ຂອງ​ໂຄ​ວິດ​-19 ຈະ​ດີ​ຂຶ້ນ ແລະ ​ຂໍ​ໃຫ້​ປະຊາຊົນ​ອົດ​ທົນ​.
ສຳ​ນັກ​ຂ່າວ ບີບີຊີ ລາຍງານ​ວ່າ ນາຍ​ົກ ບໍ​ຣິດ ຈອນສັນ ອອກຖະແຫຼງ​ການ​ໜ້າ​ບ້ານ​ເລກ​ທີ່ 10 ຖະໜົນ​ດາວ​ນິງ​ສົດ​ຣີດ ຫຼື ​ສຳ​ນັກ​ງານ​ໃຫຍ່​ລັດຖະບານ​ອັງກິດ ເປັນ​ເທື່ອທໍາອິດ​ໃນມື້​ວັນຈັນ​ທີ 27 ເມສາ 2020 ຫຼັງ​ຈາກ​ທ່ານ​ຕິດ​ເຊື້ອ​ໄວ​ຣັສ​ໂຄ​ວິດ​-19 ແລະ​ ຕ້ອງ​ເຂົ້າ​ຮັບ​ການຮັກສາ​ຕົວ​ໃນ​ໂຮງ​ໝໍ ດົນເປັນ​ອາທິດ



ນາຍ​ົກ ຈ​ອນ​ສັນ ກ່າວ​ຂໍ​ໂທດ​ທີ່​ຕົວ​ທ່ານ​ບໍ່​ໄດ້​ເຮັດວຽກ​ເປັນ​ເວລາ​ດົນ ແລະ ​​ທ່ານ​ເຂົ້າໃຈ​ໃນຄວາມ​ກັງ​ວົນ​ຂອງ​ເຈົ້າ​ຂອງ​ທຸລະກິດ​ຕ່າງ​ໆ ທີ່​ຮ້ອນ​ໃຈ​ຢາກ​ໃຫ້​ມາດຕະ​ການ​ລັອກ​ດາວ​ຍຸດຕິ​ລົງ ແຕ່​ການ​ຍຸດຕິ​ລັອກ​ດາວ​ໄວ​ເກີນ​ໄປ​ອາດ​ນຳ​ໄປ​ສູ່​ການ​ລະ​ບາດ​ຮອບ 2 ເຊິ່ງ​ຈະ​ເຮັດໃຫ້​ມີ​ຜູ້​ເສຍຊີວິດ, ຄວາມ​ເສຍ​ຫາຍ​ຕໍ່​ເສດຖະກິດທັງຫມົດ​ລວມທັງ​ກິດຈະການ​ຈຳ​ກັດ​ຫຼາຍກວ່າ​ເກົ່າ “ຂ້ອຍ​ຢາກ​ໃຫ້​ທຸກ​ຄົນ​ຄວບ​ຄຸມ​ຄວາມ​ຮ້ອນ​ໃຈ​ເອົາ​ໄວ້” ນາຍ​ົກ ຈອນ​ສັນ ກ່າວ
ນາຍ​ົກ ອັງ​ກ​ິດ​ຍັງລະະ​ບຸ​ອີກ​ວ່າ ຕອນ​ນີ້​ມີ​ສັນຍາ​ນ​​ແລ້ວ​ວ່າ​ເຮົາ​ກຳ​ລັງ​ເດິນທາງ​ຜ່ານ​ຈຸດ​ຮ້າຍແຮງຂອງ​ການ​ລະ​ບາດ ທັງໝົດ​ລວມທັງຈຳນວນ​ຜູ້​ເຂົ້າຮ່ວມ​ຮັບ​ການ​ຮັກສາ​ໃນ​ໂຮງ​ໝໍ​ ແລະ ​ຈຳນວນ​ຜູ້​ຕິດ​ເຊື້ອ​ທີ່​ຕ້ອງ​ນອນ​ໄອ​ຊີ​ຢູ​ກໍ່​ຫຼຸດລົງ
ຢ່າງໃດ​ກໍ​ຕາມ ນາຍ​ົກ ຈອນ​ສັນ​ເຕືອນອີກ​ວ່າ​ຕອນ​ນີ້​ເປັນ​ຊ່ວງ​ເວລາ​ທີ່ ຄວາມ​ສ່ຽງ​ສູງ​ທີ່ສຸດ ຈົນ​ຮອດ​ຕອນ​ນີ້ອັງກິດສາມາດ​ປົກ​ປ້ອງ​ເຈົ້າ​ຫນ້າທີ່ ສຳ​ນັກ​ງານ​ບໍລິການ​ສຸກຂະພາບ​ແຫ່ງ​ຊາດ (NHS) ແລະ​ ລຸດ​ແນວ​ໂນ້ມ​ການ​ລະ​ບາດ​ລົງ​ໄດ້ ແຕ່​ທ່ານ​ຍັງບອກ​ບໍ່​ໄດ້​ວ່າ​ເມື່ອໃດ​ຈຶ່ງ​ຈະ​ສາມາດ​ຍົກ​ເລີກ​ຂໍ້​ຈຳ​ກັດ​ເພື່ອ​ຜ່ອນ​ຄາຍ​ມາ​ຕົນ​ການ​ລັອກ​ດາວ​ໄດ້

ນາຍ​ົກ ຈ​ອນ​ສັນ ຢ້ຳ​ອີກວ່າ ເມື່ອ​ປະເທດ​ບັນ​ລຸ​ເງື່ອນ​ໄຂ 5 ຂໍ້​ເພື່ອ​ຜ່ອນ​ຄາຍ​ລັອກ​ດາວ​ນ​ ເຊິ່ງລວມ​ເຖິງ ການ​ມີ​ຈຳນວນ​ຜູ້​ເສຍຊີວິດ​ລຸດລົງ​ຢ່າງ​ຢັ່ງ​ຢືນ ແລະ ​ຮັບ​ປະ​ກັນ​ວ່າ​ເຈົ້າ​ຫນ້າທີ່ NHS ສາມາດ​ຮັບ​ມື​ຜູ້​ປ່ວຍ​ໄດ້ ຈາກ​ນັ້ນ​ຈຶ່ງ​ຈະ​ເປັນ​ເວລາ​ທີ່​ຈາກ​ຂ​ະຍັບ​ໄປ​ຍັງ ‘ເຟດ 2’ ໃນ​ການ​ຕໍ່ສູ້​ກັບ​ການ​ລະ​ບາດ ແຕ່​ເຂົາ​ກໍ​ຕອບ​ບໍ່​ໄດ້​ວ່າ​ມື້ໃດ ເຊິ່ງ​ລັດຖະບານ​ຈະ​ເວົ້າ​ເຖິງ​ເລື່ອງ​ນີ້​ອີກຄັ້ງ​​ພາຍ​ໃນ​ອີກບໍ່ດົນນີ້
ທັງ​ນີ້ ກະ​ຊວງ​ສາທາລະນະສຸກ​ຂອງ​ອັງກິດ​ເຜີຍ​ໃນ​ມື້ວັນ​ຈັນ​ວ່າ ພົບ​ຜູ້​ເສຍຊີວິດ​ຈາກ​ໄວ​ຣັດ​ໂຄ​ວິດ​-19 ຢູ່ໂຮງ​ໝໍ​ອີກ 360 ສົບ​ໃນ​ຊ່ວງ 24 ຊົ່ວ​ໂມງ​ທີ່​ຜ່ານມາ ເຮັດໃຫ້​ຍອດ​​ທັງ​ໝົດ​ເພີ່ມຂຶ້ນ​ເປັນ 21,092 ຄົນ​ແລ້ວ ຂະນະ​ທີ່​ລັດຖະບານ​ພະຍາຍາມ​ເຮັດ​ຕາມ​ເປົ້າ​ໝາຍ​ທີ່​ຈະ​ກວດ​ພະຍາດ​ໃຫ້​ໄດ້ 100,000 ເທື່ອ​ຕໍ່​ມື້​ໃຫ້​ໄດ້

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments