ການນຳແຂວງເຊກອງ ມອບອຸປະກອນການແພດ ແລະ ເງິນຊ່ວຍເຫຼືອໃຫ້ເມືອງກະລຶມ


ການນຳແຂວງເຊກອງ ມອບອຸປະກອນການແພດ ແລະ ເງິນຊ່ວຍເຫຼືອໃຫ້ເມືອງກະລຶມ ໃນໂອກາດທີ່ ທ່ານ ນາງ ຈັນຫອມ ມະຫາໄຊ ຄະນະປະຈຳພັກແຂວງ ປະທານຄະນະກຳມະການກວດກາພັກ ອົງການກວດກາລັດແຂວງເຊກອງ ພ້ອມດ້ວຍຄະນະທິມງານ ຄະນະສະເພາະກິດການປ້ອງກັນ, ຄວບຄຸມແລະແກ້ໄຂການລະບາດຂອງພະຍາດໂຄວິດ 19 ແຂວງເຊກອງ ລົງເຄື່ອນໄຫວຕິດຕາມ, ຊຸກຍູ້ວຽກງານຕ້ານໂຄວິດ 19 ຢູ່ ເມືອງກະລຶມ ໃນວັນທີ 28 ເມສານີ້, ກໍ່ໄດ້ນຳເອົາອຸປະກອນການແພດ ແລະເງິນສົດຈຳນວນໜື່ງ ມອບໃຫ້ເມືອງກະລຶມ ເພື່ອນຳໃຊ້ເຂົ້າໃນວຽກງານປ້ອງກັນແລະສະກັດກັ້ນພະຍາດດັ່ງກ່າວ ໂດຍເຄື່ອງທີ່ທາງຄະນະສະເພາະກິດການປ້ອງກັນ, ຄວບຄຸມແລະແກ້ໄຂພະຍາດໂຄວິດ 19 ແຂວງເຊກອງ ນຳມາມອບໃຫ້ເມືອງກະລຶມໃນຄັ້ງນີ້ ເປັນປະເພດອຸປະກອນການແພດ ມີຈຳນວນ 10 ລາຍການຄື: ຜ້າກັນເປື້ອນຈຳນວນ 15 ຊຸດ, ໝວກຈຳນວນ 5 ອັນ, ເຈວລ້າງມື ຈຳນວນ 10 ກ່ອງ, ຜ້າປິດປາກ-ດັງ ຈຳນວນ 100 ກັບ, ຊຸດປ້ອງກັນເຊື້ອ PPE ຈຳນວນ 5 ຊຸດ, ສົບມື ຈຳນວນ 20 ກັບ, ເຄື່ອງແທກອຸຫະພູມ ( ແບບຈີ້ ) ຈຳນວນ 5 ອັນ, ຜ້າອັດປາກ-ດັງ N 9 5 ຈຳນວນ 0 ອັນ , ແວ່ນຕາກັນເຊື້ອພະຍາດ ຈຳນວນ 5 ອັນ ແລະໂທລະໂຄ່ງ ( ເຄື່ອນທີ່ ) ຈຳນວນ 1 ຊຸດ ລວມມູນຄ່າທັງໝົດ 28 ລ້ານ 50 ພັນກີບ ແລະມີເງິນສົດຈຳນວນ 15 ລ້ານກີບ ໃຫ້ກຽດກ່າວມອບໂດຍ ທ່ານ ນາງ ຈັນຫອມ ມະຫາໄຊ ຄະນະປະຈຳພັກແຂວງ ປະທານຄະນະກຳມະການກວດການກວດກາລັດແຂວງ ແລະກ່າວຮັບໂດຍ ທ່ານ ອໍບົວລາ ອ່ອນມະໄລວົງ ເຈົ້າເມືອງກະລຶມ ໂດຍຊ້ອງໜ້າຄະນະສະເພາະກິດຂັ້ນແຂວງ-ເມືອງ ແລະຂະແໜງການກ່ຽວຂ້ອງຂັ້ນເມືອງຮ່ວມເປັນສັກຂີພິຍານ

Image may contain: 1 person, standing and outdoor

ພ້ອມດຽວກັນນີ້ ສະຫະພັນແມ່ຍິງແຂວງເຊກອງ ກໍ່ໄດ້ປະກອບສ່ວນ ມອບຜ້າອັດປາກ-ດັງ ຈຳນວນ 200 ອັນ, ມູນຄ່າ 6 ແສນກີບ ໃຫ້ເມືອງກະລຶມຕື່ມອີກ; ໂອກາດນີ້ ທ່ານເຈົ້າເມືອງກະລຶມກໍ່ໄດ້ກ່າວວ່າ: ຫຼັງຈາກທີ່ໄດ້ຮັບເຄື່ອງຊ່ວຍເຫຼືອແລ້ວ ອຳນາດການປົກເມືອງກະລຶມຈະຮີບຮ້ອນຄົ້ນຄວ້າ ຈັດສັນອຸປະກອນການແພດດັ່ງກ່າວ ແຈກຢາຍລົງສູ່ເປົ້າໝາຍ ເພື່ອນຳໃຊ້ເຂົ້າໃນວຽກງານປ້ອງກັນແລະສະກັດກັ້ນພະຍາດໂຄວິດ 19 ໂດຍໄວ ຫຼັງຈາກນັ້ນ ຄະນະນຳຂອງແຂວງ ພ້ອມດ້ວຍທິມງານຄະນະສະເພາະກິດຂັ້ນແຂວງ ລົງຢ້ຽມຢາມໂຮງໝໍເມືອກະລຶມ ໂດຍສະເພາະໄດ້ລົງຕິດຕາມ, ກວດກາສະຖານທີ່ປີ່ນປົວ, ແຍກປ່ຽວຄົນເຈັບ ໃນກໍລະນີທີ່ມີຜູ້ຕິດເຊື້ອ ພ້ອມທັງໄດ້ສືບຕໍ່ຢ້ຽມຢາມແລະມອບອຸປະກອນການແພດໃຫ້ 2 ສຸກສາລາ ຄື: ສຸກສາລາສອງຄອນແລະສຸກສາລາທົ່ງແຄນ ແລະມອບອຸປະກອນການແພດໃຫ້ດ່ານຄັດກອງຄົນເຂົ້າ-ອອກເມືອງກະລຶມ ຕື່ມອີກ
Image may contain: 5 people, people standing
ຂ່າວ: ກາດແກ້ວ ໄຊສົງຄາມ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments