ເຈົ້າໜ້າທີ່ຍັງກວດພົບຜູ້ລະເມີດຈຳນວນຫຼາຍ ວອນປະຊາຊົນຢ່າອອກບ້ານ ເພື່ອຢຸດການແຜ່ລະບາດພະຍາດຮ້າຍ



ໃນການຈັດຕັ້ງປະຕິບັດວຽກງານປ້ອງກັນສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ-19, ກອງບັນຊາການ ປກສ ນະຄອນຫຼວງວຽງຈັນ ໄດ້ຈັດຕັ້ງກຳລັງຈາລະຈອນ, ປກສ ກຸ່ມ ສົມທົບກຳລັງທະຫານ, ປກສ ບ້ານ ແລະ ແພດໝໍຕັ້ງຈຸດກວດກາຢູ່ຕາມເສັ້ນທາງລະຫວ່າງເຂດຊາຍແດນແຂວງຕໍ່ແຂວງ, ເມືອງຕໍ່ເມືອງ, ບ້ານ ຕໍ່ບ້ານ ເພື່ອຕິດຕາມກວດກາການເຂົ້າ-ອອກ ແລະ ກວດວັດອຸນນະພູມ ຂອງພົນລະເມືອງຊາວນະຄອນຫຼວງວຽງຈັນ ທີ່ເຄື່ອນໄຫວໄປ-ມາ; ເຊິ່ງໃນໄລຍະ 2 ວັນ (ວັນທີ 27-28 ເມສານີ້) ແມ່ນກວດພົບຜູ້ລະເມີດຄໍາສັ່ງເລກທີ 06/ນຍ ທັງໝົດ 20.064 ຄົນ.

Image may contain: one or more people, people sitting, people standing and outdoor


Image may contain: one or more people, people standing, car and outdoor

ອີງຕາມການສ່ອງແສງລາຍງານຂອງກອງບັນຊາການ ປກສ ນະຄອນຫຼວງວຽງຈັນ, ແຕ່ວັນທີ 27-28 ເມສາ 2020 ໃຫ້ຮູ້ວ່າ: ກອງບັນຊາການ ປກສ ນະຄອນຫຼວງວຽງຈັນ ໄດ້ຈັດຕັ້ງກໍາລັງຕໍາຫຼວດຈາລະຈອນ, ປກສ ເມືອງ, ປກສ ກຸ່ມ ສົມທົບກັບພາກສ່ວນທີ່ກ່ຽວຂ້ອງຕັ້ງດ່ານກວດກາການເຂົ້າ-ອອກ ພາຍໃນ 9 ຕົວເມືອງ, ລວມມີ 34 ຈຸດ. ຜ່ານການຈັດຕັ້ງປະຕິບັດໄລຍະ 2 ວັນ ໄດ້ກວດກາພາຫະນະ 15.364 ຄັນ, ວັດແທກອຸນນະພູມ 33.620 ຄົນ ແລະ ສຶກສາອົບຮົມ 20.064 ຄົນ, ຍິງ 7.345 ຄົນ.

Image may contain: one or more people, people sitting and outdoor

Image may contain: car and outdoor



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments