ຮອງເຈົ້າແຂວງຈໍາປາສັກ ພ້ອມການນໍາຂອງແຂວງ ລົງເຄື່ອນໄຫວຕິດຕາມເບິ່ງຄວາມພ້ອມແຕ່ລະດ້ານຂອງສູນກັກກັນແຮງງານລາວ ທີ່ເດີນທາງກັບມາຈາກຕ່າງປະເທດ (ສູນກັກຕົວ 14 ວັນ)


ບ່າຍວັນທີ 29/4/2020 ທ່ານ ບົວລິນ ວົງພະຈັນ ຮອງເຈົ້າແຂວງຈໍາປາສັກ ພ້ອມການນໍາຂອງແຂວງ ເຄື່ອນໄຫວຕິດຕາມເບິ່ງຄວາມພ້ອມແຕ່ລະດ້ານຂອງສູນກັກກັນແຮງງານລາວ ທີ່ເດີນທາງກັບມາຈາກຕ່າງປະເທດ (ສູນກັກຕົວ 14 ວັນ) ເພື່ອປ້ອງກັນ ແລະ ຕອບຕ້ານການລະບາດຂອງພະຍາດ ໂຄວິດ-19, ສູນດັ່ງກ່າວຕັ້ງຢູ່ຫຼັກ 21 ເມືອງປະທຸມພອນ (ປົກກະຕິເປັນສູນຊ່ວຍເຫຼືອຜູ້ດ້ອຍໂອກາດທາງສັງຄົມ ແຂວງຈໍາປາສັກ) ປັດຈຸບັນມີຜູ້ທີ່ເດີນທາງກັບຈາກຕ່າງປະເທດເຂົ້າພັກໃນສູນ ຈໍານວນ 23 ຄົນ, ຍິງ 7 ຄົນ, ໃນນັ້ນຄົນແຂວງຈໍາປາສັກ 12 ຄົນ, ຍິງ 2 ຄົນ, ແຂວງສະຫວັນນະເຂດ 11 ຄົນ, ຍິງ 5 ຄົນ (ສໍາລັບແຂວງສະຫວັນນະເຂດ ພາຍຫຼັງຮູ້ຜົນກວດຫາເຊື້ອພະຍາດແລ້ວ ທາງອໍານາດການປົກຄອງຂອງແຂວງດັ່ງກ່າວຈະມາຮັບຕົວກັບເມືອບ້ານ ເພື່ອສືບຕໍ່ກັກຕົວຢູ່ແຂວງຂອງຕົນ) ໂອກາດນີ້ໄດ້ເນັ້ນໃຫ້ເຈົ້າໜ້າທີ່ທຸກພາກສ່ວນທີ່ປະຈໍາການຢູ່ສູນກັກກັນ ຈົ່ງເຮັດໜ້າທີ່ຂອງຕົນດ້ວຍຄວາມຮັບຜິດຊອບສູງ, ເອົາໃຈໃສ່ຕິດຕາມເບິ່ງແຍງຜູ້ທີ່ເຂົ້າມາພັກຢູ່ສູນໃຫ້ມີຄວາມສະດວກ ເປັນຕົ້ນ: ການກິນ, ການຢູ່ ໃຫ້ຖືກຫຼັກການອະນາໄມ, ມີການກວດກາສຸຂະພາບໃນແຕ່ລະວັນ, ແນະນໍາໃຫ້ອອກກໍາລັງກາຍປົກກະຕິ

Image may contain: one or more people and outdoor



Image may contain: one or more people, people sitting and indoor






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


Post a Comment

0 Comments