ເມືອງແກ່ນທ້າວ ສອບເສັງຄັດເລືອກລັດຖະກອນຄູ, ແພດ ປະຈໍາປີ 2020



ການສອບເສັງຄັດເລືອກລັດຖະກອນໃໝ່ (ຄູສອນ ແລະ ບໍລິຫານ) ຂອງຂະແໜງການສຶກສາ ແລະ ກິລາເມືອງແກ່ນທ້າວ ແຂວງໄຊຍະບູລີ ປະຈໍາປີ 2020 ໄດ້ຈັດຂຶ້ນໃນວັນທີ 23 ພຶດສະພາ 2020 ນີ້, ຢູ່ທີ່ໂຮງຮຽນມັດທະຍົມສົມບູນແກ່ນທ້າວ. ເປັນກຽດຕັດຫົວບົດສອບເສງໂດຍທ່ານ ຄໍາປຸ່ນ ນວນສະບັບ ຮອງເຈົ້າເມືອງແກ່ນທ້າວ. ໂດຍຊ່ອງໜ້າທ່ານ ອ່ອນຕາ ພົມມະຈິດ ຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ, ຫົວໜ້າຫ້ອງການ, ຮອງຫົວໜ້າຫ້ອງການສຶກສາທິການ ແລະ ກິລາເມືອງ, ຄະນະກໍາມະການສອບເສັງ ແລະ ນັກສອບເສັງ.



Image may contain: 1 person, standing

ການສອບເສັງຄັດເລືອກລັດຖະກອນຄັ້ງນີ້, ມີນັກສອບເສັງທັງໝົດ 134 ຄົນ, ຍິງ 89 ຄົນ. ໃນນີ້, ຄູຊັ້ນອະນຸບານ 40 ຄົນ, ຍິງ 40 ຄົນ, ຄູຊັ້ນປະຖົມສຶກສາ 40 ຄົນ, ຍິງ 19 ຄົນ, ຊັ້ນມັດທະຍົມສຶກສາ 54 ຄົນ, ຍິງ 30 ຄົນ. ໄດ້ແບ່ງອອກເປັນ 7 ຫ້ອງສອບເສັງ. ໃນນີ້, ຊັ້ນອະນຸບານ ມີ 2 ຫ້ອງສອບເສັງ, ຊັ້ນປະຖົມສຶກສາ 2 ຫ້ອງສອບເສັງ ແລະ ຊັ້ນມັດທະຍົມສຶກສາ 3 ຫ້ອງສອບເສັງ.



Image may contain: one or more people, people sitting, table and indoor


ຂ່າວໃຫ້ຮູ້ຕື່ມວ່າ: ໃນວັນທີ 22 ພຶດສະພາ ນີ້, ຢູ່ທີ່ຫ້ອງປະຊຸມຫ້ອງການສາທາລະນະສຸກເມືອງແກ່ນທ້າວ ແຂວງໄຊຍະບູລີ ໄດ້ມີການສອບເສັງຄັດເລືອກເອົາລັດຖະກອນໃໝ່ຂອງຂະແໜງສາທາລະນະສຸກເມືອງເຊັ່ນດຽວກັນ ເຊິ່ງມີນັກສອບເສັງທັງໝົດ 20 ຄົນ, ຍິງ 11 ຄົນ. ໃນນີ້, ປະລິນຍາຕີການແພດ+ຮສຂ ຈໍານວນ 6 ຄົນ, ປະລິນຍາຕີການຢາ 4 ຄົນ, ປະລິນຍາຕີທັນຕະແພດ 1 ຄົນ, ປະລິຍາຕີພະຍາບານ+ຊັ້ນສູງ 1 ຄົນ, ຊັ້ນສູງກາຍະບໍາບັດ+ອົງຄະທຽມ 1 ຄົນ, ວິເຄາະ 2 ຄົນ, ການເງິນ+ບັນຊີ 3 ຄົນ, ຊັ້ງສູງລັງສີ 1 ຄົນ ແລະ ໄອທີ 1 ຄົນ ໂດຍ ທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ ໃຫ້ກຽດຕັດຫົວບົດສອບເສັງ.

Image may contain: 1 person, sitting, table and indoor

Image may contain: one or more people, people sitting, table and indoor




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments