ຄະນະບໍລິຫານງານພັກ ປກສ ນວ ຊຸດໃໝ່ ຕ້ອງຄົບ 5 ມາດຖານ


ໃນຕອນເຊົ້າວັນທີ 28 ພຶດສະພາ 2020 ຄະນະບໍລິຫານງານພັກກອງບັນຊາການ ປກສ ນວ ໄດ້ຈັດກອງປະຊຸມ ທາບທາມບຸກຄະລາກອນ ຮອບທີ I ຂຶ້ນຢູ່ຫ້ອງປະຊຸມຊັ້ນ 4 ຂອງກອງບັນຊາການ ປກສ ນວ ໂດຍການເປັນປະທານຂອງທ່ານ ບຸນທອງ ພົມມະຈັນ ກໍາມະການປະຈໍາພັກ ນວ ຫົວໜ້າຄະນະຈັດຕັ້ງ ນວ; ມີທ່ານ ນາງ ຄໍາໄພ ລັດສະໝີ ກໍາມະການພັກ ນວ ຮອງປະທານກວດກາພັກ ນວ ມີ ພັທ ສຸກພະຈັນ ບຸດດາຄໍາ ກໍາມະການພັກ ຮັກສາການຫົວໜ້າກອງບັນຊາການ ປກສ ແລະ ມີຄະນະພັກ-ຄະນະບັນຊາຂອງຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ ແລະ ບັນດາພະແນກທີ່ຂຶ້ນກັບເຂົ້າຮ່ວມ ຈໍານວນ 245 ສະຫາຍ, ຍິງ 30 ສະຫາຍ.

Image may contain: one or more people and indoor


ໃນກອງປະຊຸມທ່ານ ບຸນທອງ ພົມມະຈັນ ກໍາມະການປະຈໍາພັກ ນວ ຫົວໜ້າຄະນະຈັດຕັ້ງ ໄດ້ກ່າວວ່າ: ຜູ່ທີ່ຈະລົງສະໝັກເປັນຄະນະບໍລິຫານງານພັກ ປກສ ນວ ຊຸດໃໝ່ ຕ້ອງມີ 5 ມາດຖານຄື: 1 ມາດຖານດ້ານຄຸນທາດການເມືອງໜັກແໜ້ນ, ຢຶດຕໍ່ອຸດົມການສັງຄົມນິຍົມ, ມີຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ, ຕໍ່ລະບອບປະຊາທິປະໄຕປະຊາຊົນຢ່າງໜັກແໜ້ນ, ມີຫຼັກໝັ້ນມິດ-ສັດຕູຢ່າງຈະແຈ້ງ, ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ໄດ້ຮັບມອບໝາຍ, ເຄົາລົບ ແລະ ປະຕິບັດກົດລະບຽບຂອງພັກ, ລັດຖະທໍາມະນູນ, ກົດໝາຍຂອງລັດຢ່າງເຂັ້ມງວດ; 2 ມາດຖານດ້ານຄຸນສົມບັດສິນທໍາປະຕິວັດ ແລະ ແບບແຜນດໍາລົງຊີວິດ ມີນໍ້າໃຈເສຍສະຫຼະເພື່ອຊາດ, ເພື່ອປະຊາຊົນ, ສຸມສະຕິປັນຍາ ແລະ ກໍາລັງວັງຊາຂອງຕົນ ເພື່ອຮັບໃຊ້ຊາດ ແລະ ຮັບໃຊ້ປະຊາຊົນຢ່າງສຸດໃຈ, ດໍາລົງຊີວິດດ້ວຍຄວາມຊື່ສັດ, ບໍລິສຸດ, ປອດໃສ, ດຸໝັ່ນ, ອົດທົນ, ປະຢັດ, ມີຄວາມສຸພາບຮຽບຮ້ອຍ ແລະ ເຮັດແທ້ທໍາຈິງ, ບຸກບືນຄົ້ນຄວ້າຮໍ່າຮຽນພັດທະນາຕົນເອງ, ເປັນເຈົ້າການໃນການສະກັດກັ້ນຕ້ານພະຍາດອາດຍາສິດຕ້ານທຸກພຶດຕິກໍາທີ່ເປັນການສໍ້ລາດບັງຫຼວງ ແລະ ປະກົດການຫຍໍ້ທໍ້ຕ່າງໆ, ມີຄວາມສາມັກຄີໃນໝູ່ຄະນະ; 3 ມາດຖານດ້ານຄວາມຮູ້-ຄວາມສາມາດ ເປັນຄົນທີ່ມີຄວາມຮູ້-ຄວາມສາມາດ , ມີລະດັບວິຊາສະເພາະໃດໜຶ່ງ, ສາມາດຄົ້ນຄວ້າ ເຊື່ອມຊຶມກໍາແໜ້ນແນວທາງແຜນນະໂຍບາຍຂອງພັກ, ກົດລະບຽບຂອງພັກ, ກົດໝາຍຂອງລັດ ແລະ ນໍາພາສະມາຊິກພັກຈັດຕັ້ງປະຕິບັດວຽກງານຈົນມີຜົນສໍາເລັດ; 4 ດ້ານແບບແຜນການນໍາພາ ແລະ ວິທີເຮັດວຽກ ໂດຍຢຶດໝັ້ນ ແລະ ປະຕິບັດຕາມຫຼັກການລວມສູນປະຊາທິປະໄຕ ປຶກສາຫາລືຕົກລົງເປັນໝູ່ຄະນະ, ສຽງສ່ວນໜ້ອຍຂຶ້ນກັບສຽງສ່ວນຫຼາຍ, ບຸກຄົນຂຶ້ນກັບການຈັດຕັ້ງ, ເຄົາລົບ ແລະ ປະຕິບັດຕາມການຕົກລົງຂອງການຈັດຕັ້ງຢ່າງເຂັ້ມງວດ; 5 ມາດຖານດ້ານສຸຂະພາບ ຕ້ອງເປັນຜູ້ທີ່ມີສຸຂະພາບແຂງແຮງ ສາມາດປະຕິບັດໜ້າທີ່ການເມືອງທີ່ການຈັດຕັ້ງມອບໝາຍໃຫ້ສໍາເລັດເປັນຢ່າງດີ.

Image may contain: one or more people

Image may contain: 1 person

ໃນຕອນທ້າຍພິທີ ຍັງໄດ້ມີການປ່ອນບັດທາບທາມບຸກຄະລາກອນ ເພື່ອລົງສະໝັກຄັດເລືອກເອົາຄະນະບໍລິຫານງານພັກ ກອງບັນຊາການ ປກສ ນວ ຊຸດໃໝ່.

Image may contain: one or more people, people standing and indoor


Image may contain: one or more people and people standing













------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments