ເມືອງແກ່ນທ້າວ ປະກາດແຕ່ງຕັ້ງຫົວໜ້າຫ້ອງການອຸດສາຫະກໍາ ແລະ ການຄ້າ, ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ຜູ້ໃໝ່


ພິທີປະກາດແຕ່ງຕັ້ງຫົວໜ້າຫ້ອງການອຸດສາຫະກໍາ ແລະ ການຄ້າ, ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງແກ່ນທ້າວ ແຂວງໄຊຍະບູລີ ໄດ້ຈັດຂຶ້ນໃນຕອນເຊົ້າມື້ນີ້(ວັນທີ 5 ພຶດສະພາ 2020 ), ຢູ່ທີ່ສະໂມສອນຂອງເມືອງ. ໂດຍການເປັນກຽດເຂົ້າຮ່ວມຂອງທ່ານ ອໍາຄາ ລັດສະໝີ ເລຂາພັກເມືອງ, ເຈົ້າເມືອງໆແກ່ນທ້າວ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ກົມກອງ, ອົງການຈັດຕັ້ງ, ລັດວິສາຫະກິດ, ນາຍບ້ານເທດສະບານ ແລະ ພະນັກງານຫ້ອງການທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.



ໃນພິທີ ທ່ານ ນາງ ຈັນທະສອນ ແສນພັນສິລິ ຄະນະປະຈໍາພັກເມືອງ, ຫົວໜ້າຄະນະຈັດຕັ້ງເມືອງໄດ້ຜ່ານຂໍ້ຕົກລົງຂອງທ່ານເຈົ້າເມືອງ ສະບັບເລກ 443,444/ຈມ.ກທ, ລົງວັນທີ 17 ເມສາ 2020 ວ່າດ້ວຍການໂຍກຍ້າຍບ່ອນປະຈໍາການຂອງພະນັກງານ-ລັດຖະກອນ ດັ່ງນີ້: ໂຍກຍ້າຍທ່ານ ບຸນໂຮມ ໂພທິລັກ ກໍາມະການພັກເມືອງ, ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ໄປຮັບໜ້າທີ່ໃໝ່ ຢູ່ຫ້ອງການຫ້ອງການອຸດສາຫະກໍາ ແລະ ການຄ້າ, ໂຍກຍ້າຍທ່ານ ບຸນຊູ ບຸນພັກດີ ຫົວໜ້າຫ້ອງການອຸດສາຫະກໍາ ແລະ ການຄ້າ ໄປຮັບໜ້າທີ່ໃໝ່ຢູ່ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ຜ່ານຂໍ້ຕົກລົງ 445,446,/ຈມ.ກທ, ລົງວັນທີ 17 ເມສາ 2020 ວ່າດ້ວຍການແຕ່ງຕັ້ງຫົວໜ້າຫ້ອງການອຸດສາຫະກໍາ ແລະ ການຄ້າ ແລະ ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ດັ່ງນີ້: ແຕ່ງຕັ້ງທ່ານ ບຸນໂຮມ ໂພທິລັກ ກໍາມະການພັກເມືອງ ເປັນຫົວໜ້າຫ້ອງການອຸດສະຫະກໍາ ແລະ ການຄ້າ, ແຕ່ງຕັ້ງທ່ານ ບຸນຊູ ບຸນພັກດີ ກໍາມະການພັກເມືອງ ເປັນຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ.

Image may contain: 1 person, indoor


Image may contain: one or more people, table and indoor

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments