ພະແນກການເງິນ ແລະ ວິທະຍາໄລການເງິນພາກໃຕ້ ສ້າງຂະບວນການປູກຕົ້ນໄມ້





ໃນວັນທີ 29 ພຶດສະພາ 2020 ນີ້, ພະແນກການເງິນແຂວງຈໍາປາສັກ ຮ່ວມກັບ ວິທະຍາໄລການເງິນພາກໃຕ້ ແຂວງຈຳປາສັກ, ໄດ້ສ້າງຂະບວນການປູກຕົ້ນໄມ້ທີ່ວິທະຍາໄລການເງິນພາກໃຕ້, ເພື່ອເປັນການຂໍ່ານັບຮັບຕ້ອນ




ວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ 1 ມິຖຸນາ ແລະ ທັງເປັນການສ້າງຂະບວນການຕ້ອນຮັບກອງປະຊຸມໃຫຍ່ຜູ້ແທນອົງຄະນະພັກແຂວງຈໍາປາສັກ ຄັ້ງທີ VIII ທີ່ຈະມີຂຶ້ນໃນມໍ່ໆນີ້. ນອກນີ້, ກໍ່ເພື່ອສ້າງໃຫ້ວິທະຍາໄລການເງິນພາກໃຕ້ ເປັນພື້ນທີ່ສີຂຽວ ແລະ ມີສະພາບແວດລ້ອມທີ່ດີ ຕື່ມອີກ.

Image may contain: 1 person, standing, tree, plant, outdoor and nature

ໂດຍການເຂົ້າຮ່ວມຂອງ ທ່ານ ປອ ວິໄລວົງ ບຸດດາຄໍາ ກໍາມະການສູນກາງພັກເລຂາພັກແຂວງ ເຈົ້າແຂວງໆຈໍາປາສັກ, ມີທ່ານ ເມກສະຫວັນ ພົມພິທັກ ຮອງເລຂາພັກແຂວງ ປະທານສະພາປະຊາຊົນແຂວງ, ທ່ານ ສົມບູນ ເຮືອງວົງສາ ກໍາມະການພັກແຂວງ ຫົວໜ້າພະແນກການເງິນແຂວງ, ທ່ານ ນາງ ບຸນເພັງ ພົມມາພັກດີ ຜູ້ອໍານວຍການວິທະຍາໄລການເງິນພາກໃຕ້, ມີການນໍາແຂວງ, ການນໍາພະແແນກການກົມກອງອ້ອມຂ້າງແຂວງ, ການນໍາສະຖາບັນການສຶກສາຕ່າງໆພາຍໃນແຂວງ, ພະນັກງານ, ຄູ-ອາຈານ ແລະ ນັກສຶກສາພາຍໃນວິທະຍາໄລການເງິນພາກໃຕ້ເຂົ້າຮ່ວມ.

Image may contain: 3 people, people standing, tree, plant, outdoor and nature


ສຳລັບໄມ້ທີ່ນໍາມາປູກໃນຄັ້ງນີ້ປະກອບມີ: ຕົ້ນດູ່ນໍ້າ, ຕົ້ນດູ່ປ່າ, ຕົ້ນແຄນ, ຕົ້ນແຜ່ປາລະມີປະເພດລະ 50 ຕົ້ນ, ຕົ້ນມ່ວງ 20 ຕົ້ນ, ຕົ້ນເກດສະໜາໃຫຍ່ລວງສູງ 7 ແມັດ 8 ຕົ້ນ ແລະ ຕົ້ນດູ່ໃຫຍ່ລວງສູງ 6 ແມັດຈໍານວນ 2 ຕົ້ນ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments