ຮອງເຈົ້າແຂວງໄຊສົມບູນ ລົງມອບອຸປະກອນການແພດ ຊຸກຍູ້ກອງປະຊຸມໃຫຍ່ ຄັ້ງທີ I ຂອງອົງຄະນະພັກເມືອງຮົ່ມ




ໃນຕອນແລງຂອງວັນທີ 4 ພຶດສະພາ 2020 ຜ່ານມານີ້ ທ່ານ ແດງ ປະທຸມທອງ ຮອງເຈົ້າແຂວງໄຊສົມບູນ, ຫົວໜ້າຄະນະກໍາມະການສະເພາະກິດ ຄວບຄຸມພະຍາດໂຄວິດ 19 ແຂວງໄຊສົມບູນ ພ້ອມດ້ວຍຄະນະ ໄດ້ນໍາເອົາອຸປະກອນການແພດຈໍານວນໜຶ່ງ ຊື່ງປະກອບມີ: ຜ້າອັດປາກ, ເຈວລ້າງມື, ເຄື່ອງວັດແທກຄວາມດັນເລືອດ ແລະ ເຄື່ອງວັດແທກອຸນະພູມ ໄປຊຸກຍູ້ກອງປະຊຸມໃຫຍ່ ຜູ້ແທນອົງຄະນະພັກເມືອງຮົ່ມ ທີ່ຈະຈັດຂື້ນໃນມໍ່ໆນີ້ ຢູ່ທີ່ສະໂມສອນຂອງເມືອງ. ຊື່ງຕາງໜ້າອົງການປົກຄອງເມືອງຂື້ນຮັບໂດຍ ທ່ານ ຄໍາເພັດ ດວງມາລາ ຮັກສາການເຈົ້າເມືອງເມືອງຮົ່ມ, ພ້ອມດ້ວຍຮອງເຈົ້າເມືອງ, ຫົວໜ້າຫ້ອງການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ ເປັນນສັກຂິພິຍານ.





ໂອກາດດັ່ງກ່າວ ທ່ານ ແດງ ປະທຸມທອງ ໄດ້ກ່າວໃຫ້ຮູ້ວ່າ ການນໍາເອົາອຸປະກອນການແພດມາມອບໃນຄັ້ງນີ້ ແມ່ນເພື່ອໃຫ້ເມືອງໄດ້ນໍາໃຊ້ເຂົ້າໃນການດໍາເນີນກອງປະຊຸມໃຫຍ່ຂອງຕົນ ເປັນຕົ້ນແມ່ນ ການປ້ອງກັນ ແລະ ຕ້ານການແຜ່ລະບາດຂອງພະຍາດໂຄວິດ 19 ໂດຍພະນັກງານແພດໝໍ ຕ້ອງເຂັ້ມງວດໃນການກວດແທກອຸນະພູນຢ່າງລະອຽດກ່ອນເຂົ້າຫ້ອງປະຊຸມ ພ້ອມດຽວກັນນັ້ນ ສະມາຊິກພັກທຸກທ່ານ ກໍຕ້ອງມີສະຕິເຝົ້າລະວັງຕົວ ໃນການປ້ອງກັນຕົນເອງ ກໍຄືການໃສ່ຜ້າອັດປາກ ແລະ ໃຊ້ເຈວລ້າງມື ໃຫ້ເປັນປົກກະຕິ ທັງນີ້ກໍເພື່ອຮັບປະກັນ ໃຫ້ກອງປະຊຸມໃຫຍ່ ຂອງອົງຄະນະພັກເມືອງຮົ່ມ ຄັ້ງ 1 ໄດ້ດໍາເນີນໄປດ້ວຍຄວາມພອດໄພ ແລະ ສາມາດປະສົບຜົນສໍາເລັດ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments