ວິທະຍາຄານກົມມະດຳປະກາດຂໍ້ຕົກລົງໃຫ້ພະນັກງານພັກການຮັບບຳນານ



ໃນວັນທີ 5 ພຶດສະພາ 2020 ນີ້, ວິທະຍາຄານກົມມະດຳ ໄດ້ຈັດຕັ້ງປະກາດຂໍ້ຕົກລົງໃຫ້ພະນັກງານທີ່ເຖິງອາຍຸກະສຽນພັກການຮັບບຳນານ ແລະ ແຕ່ງຕັ້ງມອບໝາຍໜ້າທີ່ໃຫ້ພະນັກງານຮັກສາການຂັ້ນຮອງຫົວໜ້າຫ້ອງອົບຮົມກໍ່ສ້າງ, ບັນດາພະແນກການ, ຄະນະວິຊາຄູ, ຄະນະກອງພັນ ແລະ ວິຊາສະເພາະຈຳນວນໜຶ່ງຢູ່ວິທະຍາຄານກົມມະດຳ ພາຍໃຕ້ການເປັນປະທານຂອງ ສະຫາຍ ພົນຈັດຕະວາ ບຸນຈັນ ລາດສະວົງ ກຳມະການຄະນະພັກກະຊວງປ້ອງກັນປະເທດ, ເລຂາຄະນະພັກ, ຫົວໜ້າການທະຫານວິທະຍາຄານກົມມະດຳ ພ້ອມດ້ວຍບັນດາສະຫາຍໃນຄະນະພັກ-ຄະນະອຳນວຍການ, ຄະນະຫ້ອງ, ຄະນະວິຊາຄູ, ກອງພັນ, ພ້ອມດ້ວຍພະນັກງານວິຊາສະເພາະ ພະນັກງານຫຼັກແຫຼ່ງທົ່ວວິທະຍາຄານກົມມະດຳໄດ້ເຂົ້າຮ່ວມ ສະຫາຍ ພັນໂທ ອຳພອນ ສີໂສພົດ ຫົວໜ້າພະແນກພະນັກງານຫ້ອງການເມືອງ ວກ ກໍໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການລຸລ່ວງໃຫ້ພະນັກງານທີ່ເຖິງອາຍຸກະສຽນ ພັກການລໍຖ້າຮັບເບ້ຍບຳນານຕາມແນວທາງນະໂຍບາຍຂອງພັກປະຊາຊົນປະຕິວັດລາວທີ່ມີຕໍ່ນາຍ ແລະ ພົນທະຫານໃນກອງທັບປະ ຊາຊົນລາວ ທັງໝົດ 20 ສະຫາຍ. ພ້ອມນັ້ນ, ກໍໄດ້ຜ່ານຂໍ້ຕົກລົງຂອງອຳນວຍການວິທະຍາຄານກົມມະດຳ ວ່າດ້ວຍການແຕ່ງຕັ້ງຊັບຊ້ອນຍົກຍ້າຍມອບໝາຍໜ້າທີ່ຮັກສາການຂັ້ນຮອງຫົວໜ້າຫ້ອງອົບ ຮົມກໍ່ສ້າງ, ບັນດາພະແນກການ, ຄະນະວິຊາຄູ, ຄະນະກອງພັນພ້ອມດ້ວຍພະນັກງານວິຊາສະເພາະ ຈຳນວນ 19 ສະຫາຍ.

Image may contain: 1 person, sitting

ທັງໝົດນີ້ກໍເພື່ອປະຕິບັດຕາມທິດທາງແຜນການປັບປຸງກໍ່ສ້າງກຳລັງປະກອບອາວຸດໃຫ້ນັບມື້ເຕີບໃຫຍ່ເຂັ້ມແຂງ ກາຍເປັນກອງທັບປະຕິວັດ ທີ່ມີແບບແຜນທັນສະໄໝ, ມີຄວາມເຂັ້ມແຂງໜັກແໜ້ນຮອບດ້ານ ເພື່ອກຽມພ້ອມເຮັດສຳເລັດໜ້າທີ່ການເມືອງທີ່ ພັກ-ລັດ ແລະ ປະຊາຊົນມອບໝາຍໃຫ້. ໃນຕອນທ້າຍພິທີ ສະຫາຍ ພົນຈັດຕະວາ ບຸນຈັນ ລາດສະວົງ ໂອ້ລົມ ແລະ ໃຫ້ທິດຊີ້ນຳຕໍ່ພະນັກງານ ທີ່ເຖິງອາຍຸກະສຽນບຳນານພັກການ ລໍຖ້າຮັບເບ້ຍບຳນານ ແລະ ພະນັກງານທີ່ຖືກແຕ່ງຕັ້ງຍົກຍ້າຍຊັບຊ້ອນໜ້າທີ່ຂັ້ນຕ່າງໆ ໂດຍໄດ້ຍ້ອງຍໍຊົມເຊີຍບັນດາສະຫາຍພະນັກງານທີ່ເຖິງອາຍຸກະສຽນບຳນານ ໄດ້ພ້ອມກັນອົດທົນຜ່ານຜ່າຂໍ້ຫຍຸ້ງຍາກນານາປະ ການ ເປັນແບບຢ່າງທີ່ລ້ຳເລີດໃຫ້ແກ່ພະນັກງານສືບທອດ ທີ່ເຮັດສຳເລັດໜ້າທີ່ການເມືອງຂອງຕົນຕະ ຫຼອດໄລຍະເວລາຜ່ານມາ, ມີບາງຕອນສະຫາຍໄດ້ກ່າວວ່າການປະກາດປັບປຸງການຈັດຕັ້ງແມ່ນກົດ ເກນໜຶ່ງທີ່ຈະຕ້ອງໄດ້ປະຕິບັດຢ່າງເປັນປົກກະຕິ ສະນັ້ນແຕ່ລະສະຫາຍຕ້ອງໄດ້ເຂົ້າໃຈ ແລະ ເຊື່ອມຊຶມບັນຫາດັ່ງກ່າວຢ່າງເລິກເຊິ່ງ ພ້ອມກັນເອົາໃຈໃສ່ເພີ່ມທະວີວຽກງານສຶກສາອົບຮົມການເມືອງແນວຄິດ, ກຳແໜ້ນເຊື່ອມຊຶມປະຕິບັດຕໍ່ແນວທາງປ່ຽນແປງໃໝ່ຂອງພັກ ພ້ອມກັນນຳພາກົມກອງກ້າວຂຶ້ນໃນການສ້າງກອງທັບໃຫ້ມີລະບຽບແບບແຜນ ແລະ ທັນສະໄໝ ພ້ອມນັ້ນຜູ້ທີ່ໄດ້ຮັບການຍົກຍ້າຍ ແລະ ຊັບຊ້ອນ ຈົ່ງສືບຕໍ່ປະຕິບັດໜ້າທີ່ວຽກງານຂອງຕົນທີ່ ພັກ-ລັດ ຂັ້ນເທິງມອບໝາຍໃຫ້ສຳເລັດຜົນເປັນຢ່າງດີ. 

ໂດຍ: ນາງ ຕ່ວນບຸບຜາ ທິບທິດາ








------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments