ອາດສະພອນ ເປີດຂະບວນການສັກຢາປ້ອງກັນມະເຮັງປາກມົດລູກ




ຂະບວນການສັກຢາປ້ອງກັນມະເຮັງປາກມົດລູກ ໃນເດັກຍິງອາຍຸ 10-15 ປີ ໃດ້ຈັດຂື້ນໃນວັນທີ 22 ພຶດສະພາ 2020 ນີ້ ຢູ່ທີ່ສະໂມສອນເມືອງອາດສະພອນ ແຂວງສະຫວັນນະເຂດ ໂດຍການເຂົ້າຮ່ວມເປັນປະທານຂອງ ທ່ານ ສີພັນ ສຸວັນນະສານ ຮອງເຈົ້າເມືອງອາດສະພອນ, ທ່ານ ດຣ ແສງດາວ ສີດາໄລ ຄະນະພະແນກສາທາລະນະສຸກແຂວງສະຫວັນນະເຂດ, ມີ ທ່ານ ບຸນປອນ ໃສຈັນດີ ຫົວໜ້າຫ້ອງການສາທາລະນະສຸກເມືອງ ພ້ອມດ້ວຍແຂກ, ພະນັກງານວິຊາການ ແລະ ນ້ອງນັກຮຽນເຂົ້າຮ່ວມ.

Image may contain: 1 person, sitting and indoor

Image may contain: 2 people, people standing and indoor

ໂອກາດນີ້ ທ່ານ ສົມສັກ ເທືອນທຳມະຈັກ ຫົວໜ້າໜ່ວຍງານສັກຢາກັນພະຍາດ ກໍ່ໄດ້ຜ່ານໜັງສືແຈ້ງການຂອງຂອງພະແນກສາທາລະນະສຸກແຂວງສະຫວັນນະເຂດ ສະບັບເລກທີ 1471 /ສທຂ ລົງວັນທີ 14 ພຶດສະພາ 2020 ເລື່ອງຈັດຂະບວນການໃຫ້ວັກຊິນປ້ອງກັນມະເຮັງປາກມົດລູກໃນທົ່ວເມືອງ. ຈາກນັ້ນ ທ່ານ ບຸນປອນ ໃສຈັນດີ ກໍ່ໄດ້ ສະເໜີແຜນຈັດຕັ້ງຕັ້ງປະຕິບັດໃນການໃຫ້ວັກຊິນ ປ້ອງກັນມະເຮັງປາກມົດລູກໃນທົ່ວເມືອງ ໂດຍຈະເລັງໃສ່ກຸ່ມເປົ້າໝາຍເດັກຍິງ ທີ່ມີອາຍຸ 10-15 ປີ ໂດຍສະເພາະແມ່ນນ້ອງນັກຮຽນ ເປັນກຸ່ມເປົ້າໝາຍທຳອິດ ຈາກນັ້ນ ກໍ່ແມ່ນເດັກຍິງທີ່ບໍ່ໄດ້ເຂົ້າຮຽນ ໃນລະບ້ານ ແນ່ໃສ່ເດັກຍິງທຸກຄົນໃນທົ່ວເມືອງທີ່ຢູ່ໃນກຸ່ມເປົ້າໝາຍ ໃຫ້ໄດ້ຮັບວັກໃນທຸກຄົນ.

Image may contain: 2 people, people standing


Image may contain: one or more people




ໃນຕອນທ້າຍຂອງພິທີ ທ່ານ ດຣ ແສງດາວ ສີດາໄລ ກໍ່ໄດ້ມີຄຳເຫັນໂອ້ລົມ ເຊິ່ງທ່ານ ກໍ່ໄດ້ຍົກໃຫ້ເຫັນຄວາມສຳຄັນ ແລະ ຄຸນປະໂຫຍດ ຂອງການໃຫ້ວັກຊິນປ້ອງກັນມະເຮັງປາກມົດລູກ ເຊິ່ງພັກ-ລັດຖະບານ ນັ້ນໃດ້ໃຫ້ການສະໜັບສະໜູນ ຢ່າງເຕັມທີ່ ໂດຍການໃຫ້ວັກຊິນດັ່ງກ່າວແມ່ນບໍ່ເສຍຄ່າໃດໆ ພ້ອມນີ້ ທ່ານ ຍັງໄດ້ຮຽກຮ້ອງໃຫ້ພໍ່ແມ່ຜູ້ປົກຄອງ ແລະ ທຸກພາກສ່ວນຊ່ວຍກັນນຳເອົາລູກຫຼານຂອງຕົນ ທີ່ຢູ່ໃນເກນອາຍຸ 10-15 ປີ ມາຮັບວັກຊິນນຳແພດໝໍ ເພື່ອປ້ອງກັນໃຫ້ລູກຫຼານທຸກຄົນ ປອດໄພຈາກພະຍາດດັ່ງກ່າວ.

ພາບ ແລະ ຂ່າວ: ສົມຈິດ ແກ້ວສີຖາທິລາດ
























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments