ໂຮງຮຽນ ມສ ລະຄອນສີ ເອົາໃຈໃສ່ປະຕິບັດຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 580/ຫສນຍ ລົງວັນທີ 15 ພຶດສະພາ 2020 ໃນການເປີດການຮຽນການສອນຂອງນັກຮຽນຊັ້ນ ມ4 ແລະ ຊັ້ນ ມ7




ຕາມການລາຍງານຂອງ ທ່ານ ສີຕ້ອຍ ສີດາວົງ ຜູ້ອຳນວຍ​ການໂຮງຮຽນ ມສ ລະຄອນສີເມືອງລະຄອນເພັງແຂວງສາລະວັນໃຫ້ຮູ້ວ່າ ຫຼັງຈາກທີ່ໂຮງຮຽນ ໄດ້ມີການຢຸດໂຈະການຮຽນການສອນເນື່ອງຈາກສະພາບການລະບາດຂອງພະຍາດໂຄວິດ -19 ມາຮອດວັນທີ 18 ພຶດສະພາ 2020ຈິ່ງໄດ້ເລີ່ມເປີດການຮຽນການສອນຄືນໃໝ່ຂອງຊັ້ນຮຽນ ມັດທະຍົມສຶກສາປີທີ 4 ແລະ ປີ ທີ 7 ເຊິ່ງມີຈຳນວນນັກຮຽນທັງໝົດ 189 ຄົນ ໂດຍໄດ້ປະຕິບັດຕາມມາດຕະການຢ່າງເຂັ້ມງວດ ເຊິ່ງທາງໂຮງຮຽນໄດ້ມີການຈັດຕັ້ງປະຕິບັດໂດຍສະເພາະແມ່ນການ ຮັກສາໄລຍະຫ່າງ 1 ແມັດຂຶ້ນໄປ ແລະໄດ້ມີການແຍກຫ້ອງຮຽນຊັ້ນ ມ7 ທີ່ມີຈຳນວນຄົນ 113 ຄົນ ແຍກຈາກ 5 ຫ້ອງເປັນ 10 ຫ້ອງ, ນັກຮຽນຊັ້ນມ4 ຈຳນວນ 76 ຄົນ ແຍກຈາກ 2 ຫ້ອງ ອອກເປັນ 4 ຫ້ອງ, ພາຍໃນໂຮງຮຽນມີອ່າງລ້າງມືດ້ວຍນ້ຳສະອາດໃສ່ສະບູ່ ຫຼື ເຈວລ້າງມືກ່ອນເຂົ້າຮຽນ ແລະ ຫຼັງອອກຈາກຫ້ອງຮຽນ, ໃສ່ຜ້າອັດປາກ-ອັດດັງ, ມີການວັດແທກອຸ່ນຫະພູມກ່ອນທີ່ຈະເຂົ້າຫ້ອງຮຽນ ພ້ອມກັບອະນາໄມສະຖານທີ່ຫ້ອງຮຽນໃຫ້ສະອາດ.

Image may contain: one or more people and people sitting

Image may contain: one or more people, people standing, child and outdoor


ນອກນັ້ນທ່ານຍັງໃຫ້ຮູ້ຕື່ມອີກວ່າ ເພື່ອເປັນການປ້ອງກັນການແຜ່ລະບາດຂອງພະຍາດໂຄວິດ-19 ທາງໂຮງຮຽນຍັງໄດ້ວາງມາດຕະການເພີ່ມເຕີມເພື່ອປ້ອງກັນບໍ່ໃຫ້ນັກຮຽນມີການຊຸມນຸມກັນ ແລະ ຈັດກິດຈະກຳຕ່າງໆໃນເວລາຮຽນ ແລະ ເວລາພັກຜ່ອນນັກຮຽນຕ້ອງໄດ້ມີການລ້າງມືເລື້ອຍໆ, ໃສ່ຜ້າອັດປາກອັດດັງ ຈິ່ງໄດ້ມີການແຕ່ຕັ້ງຄະນະສະເພາະກິດຂັ້ນໂຮງຮຽນເປັນຜູ້ຕິດຕາມກວດກາ ແລະ ສຶກສາອົບຮົມຜູ້ທີ່ລະເມີດຕໍ່ມາດຕະການ ທັງນີ້ກໍ່່ເພື່ອເປັນການປ້ອງກັນການຕິດເຊື້ອພະຍາດໂຄວິດ -19

Image may contain: one or more people, people sitting, table and indoor

Image may contain: one or more people, people sitting, table and indoor

ໂດຍ: ຈັນດາວອນ ສີນາມົນຕີ (ນັກຂ່າວລະຄອນເພັງ)














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments