ຮອງເຈົ້າແຂວງໄຊຍະບູລີ ຊຸກຍູ້ຕິດຕາມການລະບາດໄຂ້ຍຸງລາຍຢູ່ທີ່ ບ້ານນາບວມ ເມືອງພຽງ ແຂວງໄຊຍະບູລີ




ວັນທີ 4 ພຶດສະພາ 2020 ນີ້ ທ່ານ ນາງບຸນພັກ ອີນທະປັນຍາ ຮອງເຈົ້າແຂວງໄຊຍະບູລີ ຊຸກຍູ້ຕິດຕາມການລະບາດໄຂ້ຍຸງລາຍຢູ່ທີ່ ບ້ານນາບວມ ເມືອງພຽງ ແຂວງໄຊຍະບູລີ ເຊີ່ງ ມີທ່ານ ດຣ ບຸນຕ້ອງ ປັນຍາຄຳ ກຳ ມະການພັກເມືອງ ຮອງເຈົ້າເມືອງໆພຽງ ມີພະແນກສາທາລະນະສຸກແຂວງ, ຫ້ອງການສາທາລະນະສຸກເມືອງ,   ຄະນະກຳມະການທີການຂັ້ນເມືອງພ້ອມດ້ວຍອຳນາດການປົກຄອງບ້ານ ແລະ ປະຊາຊົນພາຍໃນບ້ານເຂົ້າຮ່ວມ.



ສຳລັບບ້ານນາບວມເມຶອງພຽງ ແຂວງໄຊຍະບູລີ ໃນໄລຍະຜ່ານມາແມ່ນໄດ້ມີການລະບາດຈາກພະຍາດໄຂ້ຍຸງລາຍໃນເບື້ອງຕົ້ນເຊິ່ງຢັ້ງຢືນ ຜົນກວດຈາກຫ້ອງວິເຄາະແລ້ວ ແລະໄດ້ມີກໍລະນີຕິດເຊື້ອພະຍາດໄຂ້ຍຸງລາຍແລ້ວທັງໝົດທົ່ວເມືອງ 12 ກໍລະນີ, ບ້ານ ນາບວມ 9 ກໍລະນີ , ບ້ານ ໜອງບົວຊາຍ 1 ກໍລະນີ ແລະ ບ້ານ ນາແວນ 1 ກໍລະນີ,ມາຮອດປະ ຈຸບັນແມ່ນໄດ້ຮັບການປີ່ນປົວຫາຍດີ ແລະ ອອກໂຮງໝໍແລ້ວ 11 ກໍລະນີ ແລະ ຍັງນອນປີ່ນປົວຢູ່ໂຮງໝໍເມືອງ 1 ກໍລະນີ. ສຳລັບກໍລະນີເສຍຊີວິດແມ່ນຍັງບໍ່ມີ.






ດັ່ງນັ້ນທາງພາກສ່ວນດັ່ງກ່າວຂອງເມືອງກໍ່ຄືຫ້ອງການສາທາລະນະສຸກເມືອງພ້ອມດ້ວຍອຳນາດການປົກຄອງບ້ານຈື່ງໄດ້ລົງຊຸກຍູ້ໃກ້ສິດຕິດແທດ ແລະ ໂຄສະນາໃຫ້ຄວາມຮູ້ຕໍ່ກັບປະຊາຊົນ ແລະ ໄດ້ນຳພາເຮັດວຽກງານສຸຂະສຶກສາລົງສຳຫຼວດໜອນນ້ຳຍຸງລາຍໂດຍນຳພາປະຊາຊົນເຮັດອະນາໄມຕາມເຮືອນຊານ ບ້ານຊ່ອງຂອງຕົນຕາມສະຖານທີ່ສາທາລະນະຂອງບ້ານ ພ້ຶອມກັນທຳລາຍແຫຼ່ງເພາະພັນ ໜອນນ້ຳຍຸງລາຍ ,   ສີດພົ່ນຢາຂ້າຍຸງລາຍ ແລະ ອື່ນໆ ແລະ ໃນໂອກາດທີ່ ທ່ານ ນາງ ບຸນພັກ ອີນທະປັນຍາ ຮອງເຈົ້າແຂວງໄຊຍະບູລີໄດ້ລົງຕິດຕາມຊຸກຍູ້ຕໍ່ກັບການລະບາດຂອງພະຍາດໄຂ້ຍຸງລາຍໃນເທື່ອນີ້ ທ່ານ ກໍ່ໄດ້ເນັ້ນໜັກໃຫ້ກັບພາກສ່ວນກ່ຽວຂ້ອງຂອງແຂວງ ເມືອງ, ບ້ານ ພ້ອມດ້ວຍປະຊາຊົນພາຍໃນບ້ານຈົ່ງໄດ້ພ້ອມກັນຮີບຮ້ອນ ເອົາໃຈໃສ່ຢ່າງຮີບດ່ວນໃນການຮັບມື້ກັບການລະບາດຂອງພະຍາດດັ່ງກ່າວໃຫ້ມີປະສິດທິຜົນ  ແລະ  ໝົດໄປ ໂດຍການເປັນເຈົ້າຕົນເອງໃນການເຮັດສຸຂະອະນາໄມຂັ້ນຄອບຄົວແລະພາຍໃນບ້ານຂອງຕົນ ໃຫ້ມີຄວາມສະອາດປະຕິບັດ ບັນດາມາດຕະ ການຕ່າງໆທີ່ເປັນການທຳລາຍແຫຼ່ງເພາະພັນຂອງໜອນນ້ຳຍຸງລາຍ ທີ່ສຳຄັນແມ່ນຕ້ອງປະຕິບັດຕາມ  5 ປໍ ທີ່ກະຊວງສາທາລະນະສຸກວາງອອກໃຫ້ເຂັ້ມງວດ ແລະ ເປັນປົກກະຕິ ພ້ອມກັນກຳຈັດພະຍາດດັ່ງກ່າວໃຫ້ໝົດໄປໂດຍໄວ ແລະ ໃຫ້ມີປະສິດທິຜົນດີ, ເພື່ອປອດໄພຈາດການລະບາດຂອງພະຍາດໄຂ້ຍຸງລາຍໃນຄັ້ງນີ້ໃຫ້ໄດ້ຮ້ອຍສ່ວນຮ້ອຍ.






































------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments