ຄະນະສະເພາະກິດມີຄວາມພໍໃຈທີ່ສັງຄົມໃຫ້ຄວາມຮ່ວມມືປະຕິບັດແຈ້ງການຕ່າງໆ



ຄະນະສະເພາະກິດ ມີຄວາມເພິ່ງພໍໃຈ ແລະ ຊົມເຊີຍທຸກຄົນໃນສັງຄົມ ທີ່ມີຄວາມເຂົ້າໃຈ ແລະ ໃຫ້ຄວາມຮ່ວມມືໃນການຈັດຕັ້ງປະຕິບັດມາດຕະການຕ່າງໆ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດ ຈາກເຊື້ອຈຸນລະໂລກສາຍພັນໃໝ່ ໂຄວິດ-19.
ທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ທັງເປັນຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດ ຈາກເຊື້ອຈຸນລະໂລກສາຍພັນໃໝ່ ໂຄວິດ-19 ໄດ້ຮ່ວມຖະແຫຼງຂ່າວກັບ ທ່ານ ຮສ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຜູ້ປະຈໍາການຄະນະສະເພາະກິດ ໃນຕອນບ່າຍມື້ນີ້ ເຊິ່ງໄດ້ແນະນໍາໃຫ້ທຸກຄົນສືບຕໍ່ປະຕິບັດມາດຕະການຕ່າງໆ ຢ່າງເຂັ້ມງວດ ເໝືອນກັບໃນໄລຍະຜ່ານມາ.
ຄະນະສະເພາະກິດມີຄວາມພໍໃຈທີ່ສັງຄົມໃຫ້ຄວາມຮ່ວມມືປະຕິບັດແຈ້ງການຕ່າງໆ
ມາຮອດມື້ນີ້ ສປປ ລາວ ບໍ່ພົບຜູ້ຕິດເຊື້ອໃໝ່ 25 ມື້ລຽນກັນແລ້ວກໍ່ຕາມ, ແຕ່ໃນໄລຍະຜ່ອນຜັນບາງມາດຕະການ ແຕ່ນີ້ເຖິງວັນທີ 17 ພຶດສະພາ 2020​ ນີ້ ຄະນະສະເພາະກິດ ແມ່ນຈະໄດ້ເອົາໃຈໃສ່ເຝົ້າລະວັງຢ່າງເຂັ້ມງວດຕໍ່ຜູ້ທີ່ຈະເດີນທາງເຂົ້າມາປະເທດເຮົາ ໂດຍການກວດວິເຄາະຫາເຊື້ອພະຍາດທຸກຄົນ ເພື່ອບໍ່ໃຫ້ນໍາເຊື້ອເຂົ້າມາປະເທດເຮົາອີກ.
ພ້ອມດຽວກັນ ປະຊາຊົນບັນດາເຜົ່າຈະຕ້ອງໄດ້ເອົາໃຈໃສ່ ເປັນເຈົ້າການປະຕິບັດຕາມແຈ້ງການ ແລະ ຄໍາແນະນໍາຕ່າງໆຢ່າງເຂັ້ມງວດ ເພື່ອຊ່ວຍສະໜັບສະໜູນມາດຕະການຄວບຄຸມການແຜ່ລະບາດຂອງພະຍາດ ໂຄວິດ-19 ໃຫ້ມີປະສິດທິຜົນ ແລະ ເພື່ອຈະໄດ້ກຳນົດມາດການຜ່ອນຜັນສືບຕໍ່ໄປອີກຫຼັງຈາກວັນທີ 17 ພຶດສະພາ 2020.
ຂ່າວ: ວຽງຈັນທາຍ
ພາບ: ພູນຊັບ


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments