ເມືອງໄຊເສດຖາແຂວງອັດຕະປື ສຳເລັດການກ່ຽວເຂົ້ານາແຊງແລ້ວເປັນສ່ວນໃຫຍ່



ປະຈຸບັນຊາວກະສິກອນພາຍໃນເມືອງໄຊເສດຖາ ແຂວງອັດຕະປື ໄດ້ສໍາເລັດການເກັບກ່ຽວເຂົ້ານາແຊງຂອງຕົນສໍາເລັດໄປແລ້ວເປັນສ່ວນໃຫຍ່ ເຊິ່ງຍັງເຫຼືອພຽງແຕ່ເຂດໂຄງການຊົນລະປະທານຫາດສະຕີ ສ່ວນໂຄງການຊົນລະປະທານອື່ນໆໃນທົ່ວເມືອງ ແມ່ນສໍາເລັດເປັນທີ່ຮຽບຮ້ອຍແລ້ວ .

Image may contain: 1 person, sitting


ທ່ານ ພອນໄຊ ໄກສອນເສນາ ຮອງເຈົ້າເມືອງ ຫົວໜ້າຫ້ອງການກະສິກຳ ແລະ ປ່າໄມ້ເມືອງໄຊເສດຖາ ໄດ້ລາຍງານໃຫ້ຮູ້ວ່າ: ການເກັບກ່ຽວເຂົ້ານາແຊງຂອງຊາວກະສິກອນພາຍໃນເມືອງໄຊເສດຖາ ໄດ້ເລີ່ມລົງມືນັບແຕ່ຕົ້ນເດືອນເມສາ.ເປັນຕົ້ນມາ ເຊິ່ງມາຮອດປະຈຸບັນຢູ່ໃນ 3 ໂຄງການແມ່ນເກັບກ່ຽວສຳເລັດເປັນທີ່ຮຽບຮ້ອຍແລ້ວ ໃນເນື້້ອທີ່ໂຕຈິງ 250 ເຮັກຕາ,ໃນນີ້ໂຄງການວັດທາດມີ 90 ເຮັກຕາ,ໂຄງການສີເຊົາ 60 ເຮັກຕາ,ໂຄງການບ້ານໄຊສີມີ 60 ເຮັກຕາ.ສ່ວນໂຄງການຫາດສະຕີມີເນື້ອທີ່ປັກດໍາ 40 ເຮັກຕາ ແລະການເກັບກ່ຽວມ້ຽນມັດແມ່ນລ້າຊ້າກວ່າໂຄງການອື່ນໆ ເນື່ອງຈາກໄດ້ມີການສ້ອມແປງຄອງຊົນລະປະທານ,ປະຈຸບັນແມ່ນພວມກຳລັງລົງມືເກັບກ່ຽວ ແລະ ການເກັບກ່ຽວຄາດວ່າຈະໃຫ້ສຳເລັດພາຍໃນທ້າຍເດືອນນີ້: ສຳລັບສະໝັດຕະພາບຜົນຜະລິດໃນ 3 ໂຄງການແມ່ນບັນລຸໄດ້ 4 ໂຕນເຄິ່ງຕໍ່ເຮັກຕາ,ທຽບໃສ່ປີຜ່ານມາສະມັດຕະພາບຜົນຜະລິດແມ່ນເພີ່ມຂື້ນເກືອບເຄິ່ງໜຶ່ງຂອງປີຜ່ານມາ ຍ້ອນຫລາຍປັດໃຈ,ຍ້ອນຄວາມເອົາໃຈໃສ່ຊຸກຍູ້ສົ່ງເສີມຂອງອໍານາດການປົກຄອງເມືອງ ແລະຄວາມເປັນເຈົ້າການໃນການຜະລິດຂອງປະຊາຊົນ.

Image may contain: one or more people, outdoor and nature

ທ່ານ ພອນໄຊ ໄກສອນເສນາ ໃຫ້ຮູ້ຕື່ມອີກວ່າ: ປະຈຸບັນອໍານາດການປົກຄອງເມືອງໄຊເສດຖາ ໄດ້ສຸມໃສ່ ຊຸກຍູ້ປະຊາຊົນກະກຽມເງື່ອນໄຂກ້າວສູ້ການຜະລິດເຂົ້ານາປີ ໃຫ້ທ່ອງທັນຕາມລະດູການ,ໂດຍໄດ້ແຕ່ງຕັ້ງພະນັກງານວິຊາການຂອງຫ້ອງການກະສິກໍາ ແລະປ່າໄມ້ເມືອງລົງກວດກາ ແລະສະໜອງນໍ້າໃຫ້ຊາວກະສິກອນບ່ອນທີ່ມີເງື່ອນໄຂໄດ້ຕົກກ້າແຕ່ຫົວປີ,ໂດຍສະເພາະໂຄງການວັດທາດ,ສີເຊົາ ແລະໄຊສີແມ່ນກຳລັງຈະລົງມືຕົກກ້າແລ້ວ,ສ່ວນເຂດອື່ໆ ກໍ່ໄດ້ກະກຽມຄວາມພ້ອມແລ້ວເປັນສ່ນໃຫຍ່ 

Image may contain: outdoor and nature

ຂ່າວ: ພຸດສະຫວັນ ແກ້ວວົງສາ ນັກຂ່າວເມືອງໄຊເສດຖາ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments