ບໍລິສັດ ຫົວເຫວີຍ ເທັກໂນໂລຢີ(ລາວ) ຈຳກັດຜູ້ດຽວ ໄດ້ບໍລິຈາກລະບົບ ວິດີໂອການປະຊຸມທາງໄກໃຫ້ແກ່ ອົງການສໍານັກງານນະຄອນຫຼວງ


      ໃນວັນທີ 13 ພືດສະພາ ປີ 2020​ ທີ່ຜ່ານມາ ບໍລິສັດ ຫົວເຫວີຍ ເທັກໂນໂລຢີ(ລາວ) ຈຳກັດຜູ້ດຽວ ໄດ້ບໍລິຈາກລະບົບວິດີໂອການປະຊຸມທາງໄກໃຫ້ແກ່ ອົງການສໍານັກງານນະຄອນຫຼວງມອບໂດຍ ທ່ານ ຫູ ເຫວີຍຫົວ ຊີອີໂອ ບໍລິສັດຫົວເຫວີຍ ປະຈຳລາວ, ເພື່ອສະໜັບສະໜູນໃນການຈັດກອງປະຊຸມທີ່ສຳຄັນໃນແຕ່ລະວຽກງານຕ່າງໆກັບແຕ່ລະອົງກອນໄປເຖິງຂັ້ນກະຊວງໃນສະພາບການໂລກລະບາດເຊັ່ນດຽວນີ້.​ ທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ, ກໍ່ໄດ້ສະແດງຄວາມຂອບໃຈມາຍັງ ບໍລິສັດ ຫົວເຫວີຍ ປະຈຳລາວ ທີ່ມີສ່ວນຮ່ວມໃນການຕໍ່ສູ້ກັບໂລກລະບາດໃນຄັ້ງນີ້, ແລະ ທ່ານກໍ່ຍັງໄດ້ກ່າວອີກວ່າ ເທັກໂນໂລຢີ ICT ເປັນຊ່ອງທາງການຊ່ວຍເຫຼືອທີ່ດີໃນການປັບປຸງປະສິດທິພາບການເຮັດວຽກຂອງແຕ່ລະໜ່ວຍງານເທດສະບານ ແລະ ລະບົບວິດີໂອການປະຊຸມທາງໄກນີ້ແມ່ນຈະຖືກນໍາໃຊ້ສໍາລັບການປະຊຸມກັບຄະນະກຳມະການສູນກາງພັກ ແລະ ບັນດາກະຊວງໃນໄວໄວນີ້ອີກດ້ວຍ.














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments