ແຂວງລາຍເຈົ່າ ສສ ຫວຽດນາມ ມອບອຸປະກອນການແພດ ໃຫ້ແກ່ 3 ແຂວງພາກເໜືອຂອງ ສປປ ລາວ



ພິທີມອບຮັບອຸປະກອນການແພດຈາກແຂວງ ລາຍເຈົ່າ ສສ ຫວຽດນາມ ໃຫ້ແກ່ 3ແຂວງພາກເໜືອຂອງ ສປປລາວ ຄື: ອຸດົມໄຊ ຜົ້ງສາລີ ແລະ ຫລວງພະບາງ ໄດ້ຈັດຂື້ນໃນວັນທີ່ 28 ພຶດສະພາ 2020 ນີ້ ທີ່ດ່ານສາກົນໄຕຈ່າງ ສສ ຫວຽດນາມ ຕາງຫນ້າການນຳແຂວງ ລາຍເຈົ່າໂດຍ ແມ່ນທ່ານ ດີງກວາງຕ້ວນ ຫົວຫນ້າພະແນກການຕ່າງປະເທດ ແຂວງ ລາຍເຈົ້າ, ພ້ອມທີມງານ ແລະ ມີຕາງຫນ້າການນໍາແຂວງ ອຸດົມໄຊ, ຜົ້ງສາລີ ແລະ ຫຼວງພະບາງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມນໍາ.

Image may contain: 1 person, standing and outdoor

ອຸປະກອນການແພດທີ່ແຂວງລາຍເຈົາ ສສ ຫວຽດນາມ ນຳມາມອບໃຫ້ແຕ່ລະແຂວງ ປະກອບມີ 7 ລາຍການຄື: ຜ້າອັດປາກຈຳນວນ 10.000 ອັນ, ຖົງມື 20 ແກັດ, ຫນ້າກາກແຜ່ນໃສ ປ້ອງກັນລະອອງນ້ຳລາຍ100 ອັນ, ຊຸດປ້ອງກັນ 200ຊຸ ດ ເຄື່ອງວັດແທກອຸນຫະພູມ 50 ອັນ, ຢາຂ້າເຊື້ອໂລກ 5 ຖັງ, ນ້ຳຢາລ້າງມືຊະນິດແຫຼ້ງ 10 ແກັດ. ທ່ານ ດີງກວາງຕ້ອນ ຫົວຫນ້າພະແນກການຕ່າງປະເທດແຂວງ ລາຍເຈົາ ສສ ຫວຽດນາມ ໄດ້ກ່າວວ່າ ເຄື່ອງທີ່ນ້ຳມາມອບໃຫ້ 3 ແຂວງຄັ້ງນີ້ ເຖີງວ່າຈະເປັນຈຳນວນບໍຫລາຍກໍຕາມ ແຕ່ກໍ່ເປັນນ້ຳໃຈຂອງປະຊາຊົນ ແລະ ການນຳແຂວງລາຍເຈົາ ທີ່ໄດ້ນຳຄວາມເປັນຫ່ວງເປັນໄຍ ຄວາມສາມັກຄີຮັກແພງແບບພິເສດ ມາມອບໃຫ້ກັນ ທັງເປັນການປູກແໜ້ນຄວາມສາມັກຄີຂອງສອງປະເທດ ລາວ-ຫວຽດນາມ, ຫວຽດນາມ-ລາວ ໃຫ້ແໜ້ນແຟ້ນຕະຫລອດໄປ.

Image may contain: 2 people, people standing and outdoor

ພ້ອມນີ້ ທ່ານ ສານມະນີ ອີນດາວົງ ຫົວຫນ້າພະແນກການຕ່າງປະເທດ ແຂວງຜົ້ງສາລີ ຕາງຫນ້າຝ່າຍລາວ ກໍໄດ້ກ່າວຂອບໃຈ ຕໍ່ກັບການເປັນຫ່ວງເປັນໄວຂອງການນໍາ ແລະ ປະຊາຊົນແຂວງລາຍເຈົາ ທີ່ໄດ້ນຳເອົາອຸປະກອນການແພດມາຊ່ວຍເຫຼືອບັນດາແຂວງພາກເໜືອ ໂດຍສະເພາະແມ່ນ ແຂວງ ອຸດົມໄຊ ຜົ້ງສາລີ ແລະ ຫລວງພະບາງ ແລະ ຈະນໍາໃຊ້ອຸປະກອນເລົ່ານີ້ເຂົ້າໃນວຽກງານປ້ອງກັນ ແລະ ສະກັດກັ້ນການລະບາດຂອງພະຍາດໂຄວິດ-19 ໃຫ້ມີປະສິດທີພາບ.

Image may contain: 2 people, people standing and outdoor

Image may contain: 1 person, outdoor





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments