ແຂວງສາລະວັນ ຈັດສົ່ງອັດຖິທະຫານອາສາສະໝັກ ແລະ ຊ່ຽວຊານ ຫວຽດນາມ ກັບຄືນປະເທດ


ໃນຕອນເຊົ້າຂອງວັນທີ 4 ພຶດສະພາ 2020 ນີ້, ຢູ່ທີ່ກອງບັນຊາການທະຫານແຂວງສາລະວັນ ເຊິ່ງນຳໂດຍ ທ່ານ ພົນຈັດຕະວາ ພູວຽງ ລ່ຽມມະວົງສາ ຄະນະປະຈຳພັກແຂວງ ເລຂາພັກ ຫົວໜ້າການທະຫານກອງບັນຊາການທະຫານແຂວງສາລະວັນ,ມີທ່ານ ພັນເອກ ພູວັນ ພິມມະຈັນ ຮອງເລຂາພັກ ຫົວໜ້າຫານເມືອງກອງບັນຊາການການທະຫານແຂວງ ສາລະວັນ ທັງເປັນປະທານຄະນະປະຕິບັດງານພິເສດຂັ້ນແຂວງ, ພ້ອມດ້ວຍ ຄະນະ,ມີບັນດາພະນັກງານ-ນັກຮົບ ອົງການ 5 ຫ້ອງອ້ອມຂ້າງ ກອງບັນຊາການທະຫານແຂວງສາລະວັນ ແລະ ກອງປະຕິບັດງານພິເສດ 192 ສສ ຫວຽດນາມ ໄດ້ພ້ອມກັນເຂົ້າຮ່ວມພິທີໄຫ້ວອາໄລ ແລະ ຈັດສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫລະຊີວິດ ໃນປາງສົງຄາມຢູ່ລາວ, ເວົ້າສະເພາະ ຢູ່ພື້ນທີ່ແຂວງສາລະວັນ ແລະ ແຂວງເຊກອງ ເຊິ່ງການປະຕິບັດການຂຸດຄົ້ນຊອກຫາອັດຖິຂອງທະຫານອາສາສະໝັກ ແລະ ຊ່ຽວຊານຫວຽດນາມ ທີເສຍສະຫຼະຊີວິດໃນປາງສົງຄາມ ຢູ່ແຂວງສາລະວັນ ແລະ ແຂວງ ເຊກອງ ໃນລະດູແລ້ງ ສົກປີ 2019 -2020, ສາມາດຊອກຂຸດຄົ້ນໄດ້ທັງໝົດ 15 ອັດຖິ,ໃນນັ້ນແຂວງເຊກອງມີ 4 ອັດຖິ.

Image may contain: one or more people, people standing, tree, car and outdoor


ເພື່ອນໍາສົ່ງກັບຄືນເມືອປະເທດຫວຽດນາມ, ໂດຍພິທີທາງສາສະໜາ ແລະ ໄຫ້ວອາໄລ ໄດ້ຈັດຂຶ້ນທີ່ເຮືອນພັກຂອງກອງປະຕິບັດງານພິເສດ 192 ຢູ່ກອງບັນຊາການທະຫານແຂວງສາລະວັນ. ທັງນີ້ກໍ່ເພື່ອເປັນການໄຫວ້ອະໄລ ແລະ ລະນຶກເຖິງຄຸນງາມຄວາມດີຂອງ ທະຫານອາສາສະໝັກ ແລະ ຊ່ຽວຊານຫວຽດທີ່ເສຍສະຫຼະຊີວິດໃນປາງສົງຄາມຢູ່ລາວ ເຊິ່ງມັນໄດ້ສະແດງເຖິງສາຍພົວພັນມິດຕະພາບ ສາມັກຄີພິເສດໃນການສູ້ຮົບຮ່ວມຂຸມຄອງດຽວກັນລະຫວ່າງສອງຊາດລາວ-ຫວຽດນາມ ທີ່ມີມາແຕ່ດົນນານແລ້ວນັ້ນໃຫ້ມັ້ນຄົງທະນົງແກ່ນຂື້ນໄປເລື້ອຍໆ.

Image may contain: sky and outdoor


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments