ບັນຍາກາດຂອງການເປີດໃຫ້ບໍລິການ ລົດຂົນສົ່ງໂດຍສານພາຍໃນແຂວງບໍ່ແກ້ວ ມີຄວາມຄຶກຄື້ນ


ບັນຍາກາດຂອງການເປີດໃຫ້ບໍລິການ ລົດຂົນສົ່ງໂດຍສານພາຍໃນແຂວງ ແລະ ບັນດາແຂວງຢູ່ຄິວລົດ ແຂວງບໍ່ແກ້ວ ມີຄວາມຄຶກຄື້ນ ພາຍຫຼັງທີ່ເກີດມີການລະບາດຂອງພະຍາດ ໂຄວິດ 19. ລັດຖະບານລາວເຮົາກໍ່ຄືແຂວງບໍ່ແກ້ວໄດ້ເພີ່ມບັນດາມາດຕະການຕ່າງໆ ໃນການຕິດຕາມ, ເຝົ້າລະວັງ ເພື່ອປ້ອງກັນ ແລະ ຄວບຄຸມ ການລະບາດຂອງພະຍາດດັ່ງກ່າວ. ທາງກະຊວງໂຍທາທິການ ແລະ ຂົນສົ່ງ ໄດ້ສັ່ງປິດການບໍໃຫ້ລິການຂົນສົ່ງໂດຍສານທາງບົກ, ທາງນຳ້, ທາງອາກາດ ພາຍໃນປະເທດ ແລະ ຕ່າງປະເທດ, ຄົນໃນບໍ່ໃຫ້ອອກ ຄົນນອກບໍ່ໃຫ້ເຂົ້າຢ່າງເດັດຂາດ ມາເປັນເວລາເກືອບ 2 ເດືອນ.

Image may contain: one or more people, people sitting and indoor

Image may contain: one or more people, people sitting and outdoor

ສະນັ້ນ ວັນທີ 18 ພືດສະພານີ້ ຈຶ່ງໄດ້ເປີດບໍລິການຂົນສົ່ງ ພາຍໃນ ລະຫວ່າງ ແຂວງ ຫາ ແຂວງ, ທາງທີມງານສື່ມວນຊົນແຂວງບໍ່ແກ້ວ ໄດ້ລົງຕິດຕາມ ເບີ່ງສະພາບຜູ້ໂດຍສານທີ່ຈະເດີນທາງໄປມາ ແລະ ການໃຫ້ບໍລິການ ບັນດາສະຖານີຄິວລົດຂົນສົ່ງໂດຍສານ ເຫັນວ່າຜູ້ປະກອບການແມ່ນໄດ້ເອົາໃຈໃສ່ໃນການຈັດຕັ້ງປະຕິບັດບັນດາມາດຕະການຕ່າງໆ ຢ່າງເຂັ້ມງວດ ເປັນຕົ້ນຈຸດບໍລິການ ເຊັ່ນວ່າ: ບ່ອນນັ່ງ ຫຼື ຈຸດຢືນລໍຸຖ້າລົດ, ຕ້ອງນັ່ງບ່ອນທີ່ກຳນົດໄວ້ ຮັກສາໄລຍະຫ່າງ 1 ແມັດຂຶ້ນໄປ, ຕ້ອງມີເຈວລ້າງມື ຫຼື ເຫຼົ້າຂ້າເຊື້ອ, ມີສະບູລ້າງມື, ຜູ້ໂດຍສານທຸກຄົນຕ້ອງໄດ້ຜ່ານການວັດແທກອຸນຫະພູມກ່ອນຂຶ້ນລົດ,ໃສ່ຜ້າອັດປາກ - ອັດດັງຕະຫຼອດເວລາໃນໄລຍະເດີນທາງ ແລະ ຕ້ອງອະນາໄມຂ້າເຊື້ອ ກ່ອນໃຫ້ບໍລິການປະຈໍາວັນ ແລະ ມາດຕະການອື່ນໆ. ນີ້ກໍ່ເພື່ອຮັບປະກັນໃນການປ້ອງກັນ ແລະ ສະກັດກັ້ນການຕິດເຊື້ອພະຍາດໂຄວິດ 19, ທຸກຄົນໃນສັງຄົມຕ້ອງໄດ້ເປັນເຈົ້າການ ແລະ ມີຄວາມຮັບຜິດຊອບສູງໃນການປະຕິບັດມາດຕະການດັ່ງກ່າວຢ່າງເຂັ້ມງວດ.

Image may contain: one or more people

Image may contain: one or more people and people sitting

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments