ສາທະລະນະສຸກເມືອງໄຊບູລີ ລົງສັກຢາວັກຊິນກັນພະຍາດມະເຮັງປາກມົດລູກໃຫ້ເດັກຍິງໃນອາຍຸ 10 ຫາ 15 ປີ


ເນື່ອງໃນໂອກາດວັນສັກຢາແຫ່ງຊາດ ທີ່ໝູນວຽນມາບັນຈົບຄົບຮອບໃນແຕ່ລະປີ, ສະນັ້ນມາໃນວັນທີ 20 ພຶດສະພາ 2020 ນີ້, ຢູ່ທີ່ ໂຮງຮຽນມັດທະຍົມສົມບູນ ສາລະພູມ ບ້ານນາແດງ ທາງຫ້ອງການສາທະລະນະສຸກເມືອງໄຊບູລີ ແຂວງສະຫວັນເຂດ ລົງເຄື່ອນໄຫວສັກຢາ ວັກຊິນກັນພະຍາດ ມະເຮັງປາກມົດລູກໃຫ້ກຸ່ມເປົ້າໝາຍເດັກຍິງ ໃນເກນອາຍຸ 10 ຫາ 15 ປີ

Image may contain: 3 people

ໂດຍການໃຫ້ກຽດເຂົ້າຮ່ວມເປັນປະທານ ຂອງ ທ່ານ ດຣ ສຸລິວົງ ສີວໍລະວົງ ຄະນະປະຈໍາພັກເມືອງ ຮອງເຈົ້າເມືອງໄຊບູລີ , ທ່ານ ດຣ ພະຈະເລີນ ວົງພະຈັນ ຫົວໜ້າຫ້ອງການສາທາລະນະສຸກເມືອງ, ມີບັນດາຫົວໜ້າ, ຄະນະຫ້ອງການ, ແພດໝໍ, ອໍານາດການປົກຄອງບ້ານ ຜູ້ອໍານວຍການ - ຄູອາຈານໂຮງຮຽນ, ຄະນະກໍາມະການພັດທະນາການສຶກສາຂັ້ນບ້ານ ພ້ອມ ນ້ອງນັກຮຽນ ທີ່ຢູ່ໃນກຸ່ມເປົ້າໝາຍເຂົ້າຮ່ວມຈໍານວນ 43 ຄົນ

Image may contain: 3 people, people standing
ໃນພິທີ ທ່ານ ດຣ ສຸລິວົງ ສີວໍລະວົງ ຮອງເຈົ້າເມືອງໄຊບູລີ ກໍ່ໄດ້ໃຫ້ຮູ້ໂດຍຫຍໍ້ ກ່ຽວກັບຜົນຮ້າຍຂອງພະຍາດມະເຮັງປາກມົດລູດວ່າມັນຮ້າຍແຮງສໍ່າໃດ ແລະສາມາດປ້ອງກັນພະຍາດນີ້ໄດ້ດ້ວຍວິທີໃດ ,ເປັນຫຍັງເດັກຍິງໃນເກນອາຍຸ10-15 ຈຶ່ງຕ້ອງໄດ້ຮັບການສັກຢາວັກຊິນກັນພະຍາດນີ້, ຮູ້ກ່ຽວກັບການໃຫ້ວັກຊີນ HPV ແລະອະທິບາຍໃຫ້ຄວາມກະຈ່າງແຈ້ງຕໍ່ຂໍ້ສົງໃສຕ່າງໆໃຫ້ຜູປົກຄອງເດັກໃຫ້ເຂົ້າໃຈ, ເພື່ອນໍາພາລູກຫຼານຂອງທ່ານມາສັກຢາປ້ອງກັນພະຍາດມະເຮັງປາກມົດລູກ ແລະທີ່ສໍາຄັນແມ່ນຈະຕ້ອງໄດ້ສັກຢາໃຫ້ຄົບກໍານົດ ຄືເດັກຍິງໃນເກນອາຍຸນີ້ຈະຕ້ອງສັກຢາວັກຊີນກັນພະຍາດປາກມົດລູກ ປີ ລະ1ເຂັ້ມ ໃຫ້ຄົບ 2 ປີ, ທັງນີ້ທາງແພດໝໍ ກໍ່ຄືໜ່ວຍງານສົ່ງເສີມສຸຂະພາບຈະເລີນພັນ ກໍ່ໄດ້ເອົາໃສໃສ່ ສືບຕໍ່ຈັດຕັ້ງປະຕິບັດວຽກງານຢ່າງເຕັມທີ່, ເພື່ອໃຫ້ເດັກໃນເກນອາຍຸ 10-15 ປີທຸກຄົນໄດ້ຮັບການສັກຢາວັກຊີນກັນພະຍາດດັ່ງກ່າວໄດ້ 100%, ປະຕິບັດຕາມອົງການອານາໂລກອະນຸມັດ ແລະຕິດພັນກັບການແກ້ໄຂ ການແຜ່ລະບາດຂອງພະຍາດ ທີ່ເກີດຂື້ນໃນໂລກປັດຈຸບັນ ເປັນຕົ້ນ ແມ່ນ ໄຂຍຸງລາຍ ແລະການແຜ່ລະບາດຂອງພະຍາດອັກເສບປອດ ຍ້ອນເຊື້ອຈຸລະໂລກສາຍພັນໃໝ່ COID -19 ທີ່ກໍາລັງແຜ່ລະບາດໃນປັດຈຸບັນ

ພາບແລະ ຂ່າວ ຄໍາກອນ ພອນມາລາ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments