ແຂວງເຊກອງໄດ້ຮັບການຊ່ວຍເຫຼືອອຸປະກອນການແພດຈາກແຂວງກວາງນາມ ມູນຄ່າເກືອບ 92 ລ້ານກວ່າດົງ



ຢູ່ທີ່ດ່ານທ້ອງຖິ່ນນຳຢາງ ແຂວງກວາງນາມ ສສ ຫວຽດນາມ ໃນວັນທີ 5 ພຶດສະພາ ຜ່ານມາ ໄດ້ຈັດພິທີມອບ-ຮັບອຸປະກອນການແພດໃຫ້ສອງແຂວງຄື: ແຂວງເຊກອງແລະຈຳປາສັກ.ເຊິ່ງແມ່ນການຊ່ວຍເຫຼືອຈາກອຳນາດການປົກຄອງ ແລະປະຊາຊົນແຂວງກວາງນາມ ສສ ຫວຽດນາມ ໂດຍການມອບຂອງທ່ານ ຫງວຽນ ຫງອກ ກິມ ຮອງຫົວໜ້າພະແນກ ຜູ້ປະຈຳການຫົວໜ້າພະແນກຕ່າງປະເທດແຂວງກວາງນາມ ກ່າວຮັບໂດຍທ່ານ ຄຳເວີ ວາດສະຫງ່າ ຫົວໜ້າພະແນກການຕ່າງປະເທດ ແຂວງເຊກອງ ແລະ ທ່ານ ອຳນວຍ ສຸລິຍະການ ຮອງຫົວໜ້າພະແນກການຕ່າງປະເທດແຂວງຈຳປາສັກ.

Image may contain: one or more people and people standing


ເຄື່ອງຊ່ວຍເຫຼືອໃນຄັ້ງນີ້ ປະກອບມີ ນ້ຳຢາລ້າງມື້ 200 ກວດ ,ຜ້າອັດປາກ 3000 ຜືນ,ເຄື່ອງວັດແທກອຸນຫະພູມ 10 ເຄື່ອງ,ຖົງມື 20 ກັບ,ຊຸດປ້ອງກັນ 200 ຊຸດ.ລວມມູນຄ່າ 92,100,000 ດົ໋ງ ຫລື ປະມານ 35 ລ້ານກີບ. ແລະ ແຂວງຈຳປາສັກກໍ່ໄດ້ຮັບໃນຈຳນວນເທົ່າກັນ.

No photo description available.


ໂອກາດນີ້, ທ່ານ ຄຳເວີ ວາດສະຫງ່າ ຫົວໜ້າພະແນກການຕ່າງປະເທດແຂວງເຊກອງ.ກໍໄດ້ກ່າວສະແດງຄວາມຍ້ອງຍໍແລະຂອບໃຈຕໍ່ການນຳແລະປະຊາຊົນແຂວງກວາງນາມ ທີ່ໄດ້ມອບຄວາມເປັນຫ່ວງເປັນໄຍຕໍ່ປະຊາຊົນຊາວແຂວງເຊກອງ ໂດຍການປະກອບສ່ວນຊ່ວຍເຫຼືອອຸປະກອນໃນການປ້ອງກັນພະຍາດໂຄວິດ- 19 ເຊິ່ງເຄື່ອງທີ່ໄດ້ຮັບທັງໝົດນີ້ ແຂວງເຊກອງຈະໄດ້ຈັດສັນມອບຕໍ່ການຊ່ວຍເຫຼືອໃຫ້ບັນດາເມືອງ ແລະ ພະແນການຂອງແຂວງ ໃຫ້ໄດ້ນຳໃຊ້ອຸປະກອນດັ່ງກ່າວໃຫ້ເກີດປະໂຫຍດຕໍ່ວຽກງານ.

Image may contain: 2 people, people standing


ຂ່າວ-ພາບ: ເພັດສົມພອນ ພົມມະສອນ











------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments