ປະຊາຊົນບ້ານນາບອນ ສ້າງຂະບວນການອະນາໄມຢູ່ພາຍໃນບ້ານຂອງຕົນ



ນັບແຕ່ເມືອງແກ່ນທ້າວ ແຂວງໄຊຍະບູລີ ໄດ້ເປີດຂະບວນການອະນາໄມ ເພື່ອປ້ອງກັນພະຍາດໄຂ້ຍຸງລາຍ ເລີ່ມແຕ່ຕົ້ນເດືອນພຶດສະພາເປັນຕົ້ນມາ. ບັນດາບໍລິເວນບ້ານ, ກຸ່ມບ້ານ ແລະ ບ້ານໃນທົ່ວເມືອງ ໄດ້ສ້າງຂະບວນການອະນາໄມ ຕ້ານພະຍາດໄຂ້ຍຸງລາຍຢ່າງເປັນຂະບວນກວ້າງຂວາງ ແລະໃນຕອນເຊົ້າວັນທີ 21 ພຶດສະພາ 2020 ນີ້, ປະຊາຊົນບ້ານນາບອນ ຈໍານວນ 300 ກວ່າຄົນ ໄດ້ພ້ອມກັນສ້າງຂະບວນການອະນາໄມເພື່ອປ້ອງກັນພະຍາດໄຂ້ຍຸ້ງລາຍຢູ່ພາຍໃນບ້ານຂອງຕົນຢ່າງຟົດຟື້ນ.

Image may contain: one or more people, people standing, tree, outdoor and nature

Image may contain: one or more people, tree, plant, shoes, outdoor and nature

ໃນການສ້າງຂະບວນການຄັ້ງນີ້, ໄດ້ແບ່ງອອກເປັນ 2 ຈຸດຄື: ຈຸດທີໜຶ່ງໄດ້ອະນາໄມຕາມແຄມທາງເລີ່ມຈາກຫໍປະຊຸມບ້ານໄປຫາສາມແຍກປ້ອມຕໍ່າຫຼວດ ແລະ ຈຸດທີສອງໄດ້ເລີ່ມຈາກຫໍປະຊຸມບ້ານເຊັ່ນກັນໄປຫາຄ້າຍທະຫານເມືອງ ເຊິ່ງໄດ້ພ້ອມກັນເກັບຂີ້ເຫຍື້ອ, ກວດແກ້ວ, ກະໂປະ, ກະປ໋ອງ ແລະ ຖາງປ່າຕາມແຄມທາງ. ທັ້ງນີ້, ເພື່ອເປັນການສ້າງຂະບວນການທໍາລາຍແຫຼ່ງເພາະພັນຂອງຍຸງລາຍ ແລະ ເຮັດໃຫ້ເສັ້ນທາງຢູ່ພາຍໃນບ້ານສະອາດງາມຕາ.

Image may contain: one or more people, people standing, child, outdoor and nature

Image may contain: one or more people, people standing, tree, plant, outdoor and nature




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments