ເມືອງແກ່ນທ້າວ ມອບເງິນກອງທຶນສັງຄົມສົງເຄາະໃຫ້ຄອບຄົວທີ່ຖືກເຄາະຮ້າຍຈາກໄຟໄໝ້ເຮືອນ ແລະ ລົມພາຍຸພັດເຮືອນ




ໃນວັນທີ 24 ພຶດສະພາ 2020 ເວລາ 08:40 ນາທີ ໄດ້ເກີດໄຟໄໝ້ເຮືອນປະຊາຊົນ ຢູ່ບ້ານເມືອງເກົ່າ ເມືອງແກ່ນທ້າວ ແຂວງໄຊຍະບູລີ ທາງຫ້ອງການແຮງງານ ແລະ ສະຫວັດດີການສັງຄົມເມືອງແກ່ນທ້າວ ໃນນາມກອງເລຂາຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ໄດ້ລົງເກັບກໍາຜົນເສຍຫາຍ ເຊິ່ງເຮືອນດັ່ງກ່າວ ແມ່ນເຮືອນຂອງທ້າວ ແສງອານັນ ລາດສະບຸດ ເປັນເຮືອນສອງຊັ້ນ ເຄິ່ງໄມ້ເຄິ່ງປູນ ຈຸດທີ່ເກີດເຫດແມ່ນຊັ້ນທີສອງ ສາເຫດຍ້ອນໄຟຟ້າລັດວົງຈອນ ລວມມູນຄ່າເສຍຫາຍທັງໝົດ 58.900.000 ກີບ.




ເພື່ອເປັນການຊ່ວຍເຫຼືອບັນເທົາທຸກເບື້ອງຕົ້ນ ໃຫ້ຄອບຄົວທີ່ຖືກເຄາະຮ້າຍ ໃນເຊົ້າວັນທີ 27 ພຶດສະພາ 2020 ນີ້, ຫ້ອງການແຮງງານ ແລະ ສະຫວັດດີການສັງຄົມເມືອງແກ່ນທ້າວ ແຂວງໄຊຍະບູລີ ໄດ້ມອບເງິນກອງທຶນສັງຄົມສົງເຄາະໃຫ້ຄອບຄົວທ້າວ ແສງອານັນ ລາດສະບຸດ ຈໍານວນ 1.000.000 ກີບ ແລະ ມອບໃຫ້ຄອບຄົວທີຖືກຜົນກະທົບຈາກລົມພາຍຸພັດ ໃນວັນທີ 16 ພຶດສະພາ 2020 ຈໍານວນ 12 ຄອບຄົວ. ໃນນີ້, ບ້ານດອນເມນ ມີຄອບຄົວທ້າວ ອຸດສາ, ທ້າວ ຊອງຮັ່ງ, ທ້າວ ແສງ, ທ້າວ ສັງ ແລະ ຄອບຄົວ ນາງ ຕຸກ ຄອບຄົວລະ 200.000 ກີບ, ຄອບຄົວ ທ້າວ ສົງຄາມ ແລະ ຄອບຄົວ ທ້າວ ທອງອິນ ຄອບຄົວລະ 500.000 ກີບ, ຄອບຄົວທ້າວ ສົມດີ ແລະ ຄອບຄົວ ທ້າວ ຕີ່ມ ຄອບຄົວລະ 100.000 ກີບ, ຄອບຄົວທ້າວ ຕ໋ອງ 400.000 ກີບ, ຄອບຄົວ ທ້າວ ໝໍ 300.000 ກີບ ແລະ ມອບໃຫ້ຄອບຄົວ ທ້າວ ຢົດ ບ້ານດອນຕາປູ່ ຈໍານວນ 1.000.000 ກີບ. ເປັນກຽດມອບໂດຍທ່ານ ຄໍາປຸ່ນ ນວນສະບັບ ຮອງເຈົ້າເມືອງແກ່ນທ້າວ, ມີທ່ານ ສົມຫວັງ ພຸດທະສັກ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ ພ້ອມດ້ວຍພະນັກງານເຂົ້າຮ່ວມນໍາ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments