ຈັດສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ກັບຄືນປະເທດ



ໃນຕອນເຊົ້າຂອງວັນທີ 5 ພຶດສະພາ 2020 ນີ້້ຢູ່ທີ່ ກອງບັນຊາການທະຫານນະຄອນຫຼວງວຽງຈັນ ໄດ້ຈັດສົ່ງອັດທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ກັບຄືນປະເທດ ຈຳນວນ 02 ອັດຖິໂດຍມີສະຫາຍ ພົນຈັດຕະວາ ສີພອນ ຈັນສົມວົງ ຄະນະປະຈໍາພັກນະຄອນຫຼວງວຽງຈັນ ເລຂາຄະນະພັກກອງບັນຊາການ ຫົວໜ້າການເມືອງ ທະຫານນະຄອນຫຼວງວຽງຈັນ. ສະຫາຍ ພັນໂທ ຫງວຽນ ເມົານາມ ຫົວໜ້າຄະນະປະຕິບັດງານພິເສດຂຸດຄົ້ນອັດຖິ ກອງບັນຊາການທະຫານແຂວງຮ່າຕີ໋ງ ມີຄະນະປະຕິບັດງານພິເສດທັງສອງຝ່າຍ ບັນດາສະຫາຍໃນຄະນະພັກທະຫານນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ການປະກອບພິທີດັ່ງກ່າວກໍ່ໄດ້ມີການເຂົ້າວາງພວງມາລາໃນນັ້ນມີ ຄະນະພັກກອງບັນຊາການທະຫານນະຄອນຫຼວງວຽງຈັນ,ຄະນະຫ້ອງການເມືອງ,ຄະນະຫ້ອງເສນາທິການ,ຄະນະຫ້ອງພະລາທິການ ແລະ ຄະນະຫ້ອງເຕັກນິກເພື່ອໄຫວອາໄລ ສະແດງເຖິງຄວາມຮູ້ບຸນຄຸນຕໍ່ຜົນງານ ຄຸນງາມຄວາມດີຂອງ ພະນັກງານ-ນັກຮົບທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ໃນການຕໍ່ສູ້ກູ້ຊາດໃນພາລະກິດອັນສູງສົ່ງ ເພື່ອຄວາມພູນສຸກຄວາມເປັນເອກະລາດ ຂອງປະຊາຊົນລາວບັນດາເຜົ່າ ໃນການປະຕິບັດໜ້າທີ່ສາກົນຂອງບັນດາສະຫາຍນັກຮົບວິລະຊົນຢ່າງອົງອາດກ້າຫານ ຕໍ່ສູ້ບໍ່ຍອມຈຳນົນ ຈົນໄດ້ຮັບໄຊຊະນະມາໄດ້ເຖິງປະຈຸບັນ.

Image may contain: car, tree, sky and outdoor


ໂດຍປະຕິບັດຕາມສັນຍາຂອງສອງລັດຖະບານ ແລະ ບົດບັນທຶກຊ່ວຍຈຳລະຫວ່າງສອງຄະນະປະຕິບັດງານພິເສດລາວ-ຫວຽດນາມໃນການຊອກຂຸດຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ເວົ້ລວມ-ເວົ້າສະເພາະກໍ່ຄືຢູ່ກອງບັນຊາການທະຫານນະຄອນຫຼວງວຽງຈັນ ໄດ້ມີການຮ່ວມມືກັນແຕ່ປີ 2000 ຈົນເຖິງປະຈຸບັນສະເພາະປີ 2020 ນີ້ສາມາດຂຸດຄົ້ນໄດ້ 2 ອັດຖິ ໂອກາດດຽວກັນນີ້ ກອງບັນຊາການທະຫານນະຄອນຫຼວງວຽງຈັນກໍ່ໄດ້ຈັດພິທີ ຈັດສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ກັບຄືນປະເທດຢ່າງສົມກຽດ. 

ໂດຍ: ຮທ ສຸລິຍາ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments