ຜູ້ຕິດເຊື້ອໂຄວິດ-19 ທີ່ຍັງເຫຼືອ 5 ຄົນ ຈະໄດ້ສືບຕໍ່ຕິດຕາມອາການ, ເພາະຜົນກວດຍັງເປັນບວກ



ຄະນະສະເພາະກິດ ຖະແຫຼງໃຫ້ຊາບໃນຕອນບ່າຍຂອງວັນທີ 21 ພຶດສະພາ 2020 ວ່າ ມື້ວານນີ້ ໄດ້ກັບຕົວຢ່າງມາກວດວິເຄາະເປັນຄັ້ງທີສອງຕິດຕໍ່ກັນພາຍໃນ 24 ຊົ່ວໂມງ ຈໍານວນ 2 ຄົນ ຈາກທັງໝົດ 5 ຄົນ ທີ່ນອນຕິດຕາມອາການ ແລະ ປີ່ນປົວຢູ່ໂຮງໝໍມິດຕະພາບ ເຊິ່ງຜົນຍັງເປັນບວກ (ຍັງມີເຊື້ອໂຄວິດ-19) ດັ່ງນັ້ນ ຈະໄດ້ສືບຕໍ່ຕິດຕາມຕໍ່ໄປ.
ผู้ป่วยโควิด-19 ในลาว มีผลตรวจเป็นบวกอีกครั้ง หลังหายดีครบ 14 วัน ...
ຮູບພາບປະກອບ
ນັບແຕ່ເດືອນມັງກອນ ຮອດ ວັນທີ 20 ພຶດສະພາ 2020 ໄດ້ເກັບຕົວຢ່າງມາກວດທັງໝົດ 4,812 ຕົວຢ່າງ, ກວດພົບເຊື້ອສະສົມ ຍັງເປັນ 19 ຄົນເທົ່າເດີມ, ໝາຍຄວາມວ່າ 39 ມື້ແລ້ວທີ່ບໍ່ພົບຜູ້ຕິດເຊື້ອໃໝ່.
สปป. ลาว พบผู้ป่วยโควิด 2 รายแรก คาดติดเชื้อจากไทย 1 ราย ...
ຮູບພາບປະກອບ
ເຖິງຈະບໍ່ພົບຜູ້ຕິດເຊື້ອໃໝ່ ຫຼາຍວັນຕິດຕໍ່ກັນແລ້ວກໍ່ຕາມ, ແຕ່ຄະນະສະເພາະກິດ ກໍ່ຮຽກຮ້ອງໃຫ້ທຸກພາກສ່ວນໃນສັງຄົມ, ຊຸມຊົນ, ຄອບຄົວ ແລະ ສ່ວນບຸກຄົນ ຈົ່ງເອົາໃຈໃສ່ ທຳຄວາມເຂົ້າໃຈ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ເລກທີ 580/ຫສນຍ ພ້ອມທັງ ຮ່ວມແຮງຮ່ວມໃຈກັນສືບຕໍ່ປະຕິບັດຈົນກວ່າຈະມີແຈ້ງການປ່ຽນແປງ ຫຼັງວັນທີ 01 ມິຖຸນາ 2020.
ພ້ອມດຽວກັນ ຄະນະສະເພາະກິດ ໄດ້ແຈ້ງຕື່ມອີກວ່າ ປະຈຸບັນແມ່ນໄດ້ອະນຸຍາດໃຫ້ມີການບໍລິການຂົນສົ່ງໂດຍສານລະຫວ່າງແຂວງ ໃນທົ່ວປະເທດແລ້ວ ໂດຍເລີ່ມມາແຕ່ ວັນທີ 18 ພຶດສະພາ 2020, ແຕ່ກໍ່ໄດ້ແຈ້ງໃຫ້ຜູ້ປະກອບການຂົນສົ່ງປະຕິບັດຕາມມາດຕະການປ້ອງກັນພະຍາດໂຄວິດ-19 ຢ່າງຖືກວິທີ ເຊັ່ນ ວັດແທກອຸນຫະພູມຮ່າງກາຍ, ສີດຢາຂ້າເຊື້ອພາຍໃນພາຫານະ, ມີເຈວລ້າງມື ແລະ ອື່ນໆ.

ຂ່າວ: ວຽງຈັນທາຍ
ພາບ: ຄໍາພັນ




























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments