ຄະນະສະເພາະກິດແຂວງເຊກອງ ລົງຕິດຕາມກວດກາການເຝົ້າລະວັງພະຍາດໂຄວິດ-19 ຢູ່ເຂື່ອນເຊຂະໝານ 3



ວັນທີ 25 ພຶດສະພາ 2020 ຜ່ານມານີ້, ຄະນະສະເພາະກິດປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ 19 ຂອງແຂວງ ເຊກອງ ນຳໂດຍທ່ານ ພອນເພັດ ຄິວລະວົງ ຮອງເລຂາພັກແຂວງ, ປະທານສະພາປະຊາຊົນແຂວງ, ທັງເປັນປະທານຄະນະສະເພະກິດ ຂັ້ນແຂວງ ພ້ອມຄະນະ ໄດ້ລົງເຄື່ອນໄຫວຕິດຕາມກວດກາການຈັດຕັ້ງປະຕິບັດການເຝົ້າລະວັງພະຍາດໂຄວິດ 19 ບໍລິສັດຢູ່ເຂື່ອນໄຟຟ້າເຊຂະໝານ3 ເມືອງດາກຈຶງ ແຂວງເຊກອງ

Image may contain: 1 person, sitting, table and indoor


ຈຸດປະສົງໃນການລົງເຮັດວຽກໃນຄັ້ງນີ້, ກໍເພື່ອຕິດຕາມກວດກາການຈັດຕັ້ງປະຕິບັດຄໍາສັ່ງ ເລກທີ 06/ນຍ, ລົງວັນທີ 29 ມີນາ 2020, ຄໍາສັ່ງ ເລກທີ 580/ຫສນຍ, ລົງວັນທີ 15.5.2020 ແລະຄໍາສັ່ງອື່ນໆ ເພື່ອພ້ອມກັນປັບປຸງແກ້ໄຂ ເຮັດໃຫ້ເສດຖະກິດ-ສັງຄົມມີຜົນກະທົບໜ້ອຍທີ່ສຸດ, ສ້າງເງື່ອນໄຂໃຫ້ຊຸມຊົນໄດ້ກັບມາໃຊ້ຊີວິດຢ່າງເປັນປົກກະຕິເທື່ອລະກ້າວ, ເພື່ອຮັບປະກັນໃຫ້ສັງຄົມມີຄວາມສະຫງົບ, ຄວາມເປັນລະບຽບຮຽບຮ້ອຍ, ຄວາມປອດໄພ ແລະປະເທດຊາດມີຄວາມໝັ້ນຄົງ.



ໂອກາດນີ້, ຄະນະສະເພາະກິດຂັ້ນແຂວງ ກໍໄດ້ແນະນໍາແລະເນັ້ນໜັກຕໍ່ເຈົ້າໜ້າທີ່ ກໍຄືບໍລິສັດເຂື່ອນໄຟຟ້າເຊຂະໝານ3 ໃຫ້ມີສະຕິກະກຽມຄວາມພ້ອມທຸກດ້ານໃນການຮັບມື ໂດຍສະເພາະຮັບມືກັບ ເເຮງງານ-ຊ່ຽວຊານ ທີ່ເດີນທາງມາຈາກຕ່າງປະເທດ ທີ່ມີຄວາມສ່ຽງຕິດເຊື້ອດ້ວຍການປະຕິບັດຕາມມາດຕະການຕ່າງໆຂອງຄະນະສະເພາະກິດວາງອອກຢ່າງເຂັ້ມງວດ ເປັນຕົ້ນໃຫ້ໄດ້ຮັບການກັກກັນຢູ່ສູນກັກກັນກ່ອນເປັນເວລາ 14 ວັນ ເພື່ອຕິດຕາມອາການ, ການຝຶກອົບຮົມ ຫຼືຈັດກອງປະຊຸມ ຫຼືປະຈໍາການໃນແຕ່ລະວັນແມ່ນໃຫ້ຮັກສາໄລຍະຫ່າງ 1 ແມັດຂຶ້ນໄປ, ໝັ່ນລ້າງມືໃສ່ສະບູແລ້ວລ້າງດ້ວຍນໍ້າສະອາດ ຫຼືເຈວລ້າງມື, ໃສ່ຜ້າອັດປາກ-ດັງ, ວັດແທກອຸນຫະພູມ ແລະອະນາໄມສະຖານທີ່ຕາມຄໍາແນະນໍາຂອງຄະນະສະເພາະກິດວາງອອກ.




ຈາກນັ້ນ, ກໍໄດ້ເຄື່ອນໄຫວຕິດຕາມກວດກາພື້ນຖານໂຄງລ່າງສະຖານທີ່ກັກກັນຂອງບໍລິສັດ ເພື່ອຮອງຮັບພະນັກງານທີ່ເດີນທາງມາຈາກບ່ອນທີ່ມີຄວາມສ່ຽງຕື່ມອີກ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments