ລັດຖະມົນຕີກະຊວງກະສິກໍາ ແລະ ປ່າໄມ້ ລົງຊຸກຍູ້ການຜະລິດລະດູຝົນຢູ່ເມືອງແກ່ນທ້າວ



ລັດຖະມົນຕີກະຊວງກະສິກໍາ ແລະ ປ່າໄມ້ ລົງຊຸກຍູ້ການຜະລິດລະດູຝົນຢູ່ເມືອງແກ່ນທ້າວ
ໃນວັນທີ 19 ພຶດສະພາ 2020 ນີ້, ທ່ານ ປອ ລຽນ ທີແກ້ວ ລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍບັນດາຫົວໜ້າກົມພາຍໃນກະຊວງດັ່ງກ່າວ ໄດ້ລົງຊຸກຍູ້ການຜະລິດລະດູຝົນ, ການຕ້ານແລ້ງຕ້ານຖ້ວມ ແລະ ການລ້ຽງສັດໃຫຍ່ຢູ່ເມືອງແກ່ນທ້າວ ແຂວງໄຊຍະບູລີ, ເປັນກຽດຕ້ອນຮັບໂດຍທ່ານ ເພັງນິລັນ ຄໍາພັນເພັງ ຮອງເຈົ້າແຂວງໄຊຍະບູລີ, ທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ, ທ່ານ ສົມຫວັງ ວິໄລສັກ ຫົວພະແນກກະສິກໍາ ແລະ ປ່າໄມ້ແຂວງໄຊຍະບູລີ, ຫົວໜ້າຫ້ອງການກະສິກໍາ ແລະ ປ່າໄມ້ເມືອງແກ່ນທ້າວ ພ້ອມດ້ວຍພະນັກງານວິຊາການເຂົ້າຮ່ວມຕ້ອນຮັບທ່ານຢ່າງພ້ອມພຽງ.

Image may contain: 7 people, people standing, outdoor and nature


ໃນການລົງມາຄັ້ງນີ້, ທ່ານລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ໄປເບິ່ງຟາມລ້ຽງງົວ ແລະ ຄວາຍ ຂອງທ່ານ ສະໄໝ ສຸກກະເສີມ ຢູ່ບ້ານບຸ່ງຄ້າ ເຊິ່ງມີງົວທັງໝົດ 180 ໂຕ, ຄວາຍ 80 ໂຕ ສວນຫຍ້າເນເປຍ 70 ເຮັກຕາ. ຈາກນັ້ນ, ທ່ານຍັງໄດ້ລົງຕິດຕາມການລະບາດຂອງຝຸງບົ້ງທໍາລາຍສາລີຂອງຊາວກະສິກອນ ຢູ່ບ້ານວັງປູນ ເນື້ອທີ່ຖືກລະບາດທັງໝົດ 5 ເຮັກຕາກ່ວາ. ພ້ອມທັງແນະນໍາຊາວກະສິກອນ ໃນການຄວບຄຸມ ແລະ ທໍາລາຍບໍ່ໃຫ້ແຜ່ລະບາດເປັນວົງກວ້າງໄປສູ່ເຂດອື່ນ.

Image may contain: one or more people, grass, plant, outdoor and nature


ທົ່ວເມືອງແກ່ນທ້າວ ມີແຜນປູກເຂົ້ານາປີທັງໝົດ 6.300 ກວ່າເຮັກຕາ, ໃຊ້ແນວພັນ 443.000 ກວ່າເຮັກຕາ, ຕົກກ້າສໍາເລັດແລ້ວ 180.000 ກວ່າກິໂລ ເທົ່າກັບ 42 ສ່ວນຮ້ອຍຂອງແນວພັນທັງໝົດ, ການຜະລິດເຂົ້າໄຮ່ ເນື້ອທີ່ແຜນການ 280 ເຮັກຕາ, ປັດຈຸບັນປະຕິບັດໄດ້ 100 ກວ່າເຮັກຕາ ເທົ່າກັບ 42,47 ສ່ວນຮ້ອຍຂອງແຜນການ; ການຜະລິດລະດູຝົນ ເນື້ອທີ່ແຜນການ 20.000 ເຮັກຕາ, ປະຕິບັດໄດ້ 11.200 ກວ່າເຮັກຕາ ເທົ່າກັບ 56,04 ສ່ວນຮ້ອຍຂອງເນື້ອທີ່ແຜນການ. ທົ່ວເມືອງມີສັດລ້ຽງປະເພດງົວ 60.000 ກວ່າໂຕ, ຄວາຍ 11.000 ກວ່າໂຕ. ມີເນື້ອທີ່ປູກຫຍ້າທັງໝົດ 29.000 ກວ່າເຮັກຕາ ໃນນີ້, ເນື້ອທີ່ປູກຫຍ້າພັນ 27.000 ກວ່າເຮັກຕາ ແລະ ຫຍ້າທໍາມະຊາດ 1.400 ກວ່າເຮັກຕາ.

Image may contain: 2 people, people standing, tree, outdoor and nature

Image may contain: plant, grass, sky, outdoor and nature







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments