ກອງພັນໃຫຍ່ 11 ສະຫຼຸບປະຈຳໄຕມາດ 01 ປີ 2020



ໃນວັນທີ 04 ພຶດສະພາ 2020 ນີ້ກອງພັນໃຫຍ່ 11 ໄດ້ສະຫຼຸບປະຈຳໄຕມາດ 01 ປີ 2020 ພາຍໃຕ້ການເປັນປະທານຂອງສະຫາຍ ພັນເອກ ກົງທອງ ສຸຂະວົງ ເລຂາຄະນະພັກ ຫົວໜ້າການທະຫານກອງພັນໃຫຍ່ທະຫານຮາບຍານເກາະທີ11 ມີສະຫາຍ ພັນໂທ ພອນມີໄຊ ສີວົງຊຳ ຮອງເລຂາຄະນະພັກ ຫົວໜ້າການເມືອງກອງພັນໃຫຍ່ ພ້ອມດ້ວຍຄະນະພັກ-ຄະນະບັນຊາຕະຫຼອດຮອດພະນັກງານ-ນັກຮົບທົ່ວກອງພັນໃຫຍ່ ເຂົ້າຮ່ວມ.

Image may contain: one or more people, crowd, sky and outdoor


ສະຫາຍ ພັນໂທ ພອນມີໄຊ ສີວົງຊຳ ໄດ້ຂື້ນຜ່ານບົດສະຫຼຸບວຽກງານທີ່ໄດ້ຈັດຕັ້ງປະຕິບັດໃນໄລຍະ 03 ເດືອນທີ່ຜ່ານມາໂດຍພື້ນຖານແມ່ນມີຄວາມສະຫງົບທາງດ້ານແນວຄິດ ແລະ ມີຄວາມດປັນເອກະພາບໃນການປະຕິບັດຄຳສັ່ງ, ປະຕິບັດບັນດາຂໍ້ກຳນົດກົດລະບຽບຂອງກົມກອງ, ມີແບບແຜນລະບຽບວິໄນ, ປະຕິບັດ 07 ລະບອບ 18 ວຽກຢ່າງເຂັ້ມງວດ ຄະນະພັກ-ຄະນະບັນຊາແຕ່ລະຂັ້ນຍາມໃດກໍ່ຖືເປັນວຽກງານໃຈກາງໃນການເຄື່ອນໄຫວປະຕິບັດໜ້າທີ່ໄປພ້ອມໆກັບການສຶກສາອົບຮົມການເມືອງແນວຄິດໃຫ້ແກ່ພະນັກງານ-ນັກຮົບທົ່ວກົມກອງ ແລະ ໄດ້ຈັດຕັ້ງສະຫຼຸບຖອດຖອນບົດຮຽນປະຈຳເດືອນ, ປະຈຳໄຕມາດໃນຂັ້ນຂອງຕົນຢ່າງເປັນປົກກະຕິ. ທັງພ້ອມກັນຄົ້ນຄວ້າຫາວິທີແກ້ໄຂຂໍ້ຄົງຄ້າງເພື່ອເປັນບູລິມະສິດໃນແຜນການຕໍ່ໜ້າ. ນອກນັ້ນກົມກອງຍັງໄດ້ຮັບມອບໝາຍຈາກລັດຖະມົນຕີກະຊວງປ້ອງກັນປະເທດໃຫ້ຈັດຕັ້ງໜ່ວຍສະເພາະກິດເຄື່ອນໄຫວໂຄສະນາເພື່ອຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ 19 ໂດຍຮັບຜິດຊອບ 03 ເມືອງຄື: ເມືອງ ສີໂຄດຕະບອງ, ເມືອງ ນາຊາຍທອງ, ເມືອງ ສັງທອງ ເພື່ອໃຫ້ຄວາມຮູ້ແກ່ບັນດາພໍ່ແມ່ປະຊາຊົນໃນການດຳລົງຊີວິດປະຈຳວັນເພື່ອໃຫ້ຕົນເອງກໍ່ຄືຄອບຄົວ ແລະ ຄົນອ້ອມຂ້າງໃຫ້ປອດໄພຈາກພະຍາດ covid 19 ພ້ອມກັນນັ້ນທາງຄະນະພັກ-ຄະນບັນຊາ ກອງພັນໃຫຍ່ 11 ກໍໄດ້ຕັ້ງ ໜ່ວຍສະເພາະກິດເຄື່ອນໄຫວກວດອຸນຫະພູມຂອງພະນັກງານ-ນັກຮົບທົ່ວກົມກອງໃນແຕ່ລະວັນຢ່າງເຂັ້ມງວດ.

ປິ່ນ ຂຸນພົນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments