ກົມ ວສ-ປສ ການທະຫານປະກາດຂໍ້ຕົກລົງອະນຸມັດໃຫ້ພະນັກງານພັກຜ່ອນຮັບນະໂຍບາຍເບ້ຍບຳນານ.


ວັນທີ 8 ພຶດສະພາ ນີ້, ຢູ່ກົມວິທະຍາສາດ-ປະຫວັດສາດການທະຫານ (ວສ-ປສ) ກະຊວງປ້ອງກັນປະເທດ, ໄດ້ຈັດພິທີປະກາດຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ພະນັກງານຫຼັກແຫຼ່ງຢູ່ກົມວິທະຍາສາດ-ປະຫວັດສາດການທະຫານພັກຜ່ອນເຂົ້າຮັບເບ້ຍບຳນານຕາມ ນະໂຍບາຍ ແລະ ກົດໝາຍຂອງລັດ ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມ ວສ-ປສ ການທະຫານ, ມີຄະນະພັກ-ຄະນະບັນຊາແຕ່ລະພະແນກການ ແລະ ອົງການຈັດຕັ້ງມະຫາຊົນພາຍໃນກົມດັ່ງກ່າວເຂົ້າຮ່ວມ.
ໃນພິທີ ສະຫາຍ ພັນໂທ ສຸລິຍົງ ໄຊຍະວົງ ຮັກສາການຫົວໜ້າພະແນກການເມືອງ ໄດ້ຂຶ້ນຜ່ານຂໍ້ຕົກລົງວ່າດ້ວຍການອະນຸມັດຂອງກະຊວງປ້ອງກັນປະເທດ, ເຊິ່ງໄດ້ອະນຸມັດໃຫ້ ສະຫາຍ ພັນໂທ ອຳ ຄານ ແກ້ວປັນຍາ ຫົວໜ້າພະແນກຂໍ້ມູນຂ່າວສານ ອາຍຸ 66 ປີ, ອາຍຸການທະຫານ 52 ປີ, ແລະ ສະຫາຍ ພັນໂທ ສີໄພ ແກ້ວບຸນມີ ຮອງຫົວໜ້າພະແນກປະຫວັດສາດ ອາຍຸ 65 ປີ, ອາຍຸການທະ ຫານ 52 ປີ ຮັບບຳນານ, ເຊິ່ງທັງສອງສະຫາຍແມ່ນພະນັກງານຂັ້ນນຳພາ-ບັນຊາຂອງສອງພະແນກ ການວິຊາສະເພາະທີ່ສຳຄັນຂອງກົມ ວສ-ປສ ການທະຫານ, ທັງສອງສະຫາຍມີຜົນງານຢ່າງຫຼວງຫຼາຍ ປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະພາຍ ຫຼັງປະເທດຊາດໄດ້ຮັບການປົດປ່ອຍ, ທັງສອງສະຫາຍພ້ອມກັບຄະນະກົມແຕ່ລະຮຸ່ນໄດ້ທ້ອນໂຮມບັນດາມູນເຊື້ອບັ້ນຮົບບັ້ນຕີຂອງກອງທັບ ແລະ ຂອງບັນດາກົມກອງທ້ອງຖິ່ນ ເພື່ອສະໜອງຂໍ້ມູນຂຽນປະຫວັດມູນເຊື້ອ, ນອກນີ້ຍັງໄດ້ສ້າງພະນັກງານວິຊາການສືບທອດໃນການເຮັດໜ້າທີ່ສືບທອດປ່ຽນແທນ. ໂອກາດນີ້ກົມ ວສ-ປສ ການທະຫານສະແດງຄວາມຮູ້ບຸນຄຸນຕໍ່ທັງສອງສະຫາຍຈຶ່ງໄດ້ ມອບເງິນນະໂຍບາຍຈຳນວນໜຶ່ງເພື່ອປະກອບສ່ວນຊຸກຍູ້ແກ້ໄຂຊີວິດການເປັນຢູ່ຄອບຄົວໃຫ້ດີຂຶ້ນ.


Image may contain: 3 people, people sitting, table and indoor

ຕອນທ້າຍພິທີສະຫາຍຫົວໜ້າກົມຍັງໄດ້ໂອ້ລົມຕໍ່ສອງສະຫາຍທີ່ໄດ້ຮັບນະໂຍບາຍບຳນານໂດຍໄດ້ສະແດງຄວາມຊົມເຊີຍຕໍ່ຜົນສຳເລັດຂອງທັງສອງສະຫາຍໃນການປະກອບສ່ວນດ້ານສະຕິປັນຍາຄວາມຮູ້ຄວາມສາມາດເຮັດໜ້າທີ່ການເມືອງຂອງຕົນສຳເລັດຜົນຢ່າງຈົບງາມ.

ຂ່າວ-ພາບ: ສອນໄຊ ສຸກສິງຈັນ





















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments