ໄລ​ຍະ 2 ເດືອນ ຕົ້ນ​ປີ 2020 ແຂວງ​ສະ​ຫວັນ​ນະ​ເຂດ ສາ​ມາດ​ສົ່ງ​ອອກ​ເຂົ້າ​ສານ​ໄດ້​ເກືອບ 7 ພັນ​ໂຕນ



ເນື່ອງຈາກໃນໄລຍະທ້າຍ ປີ 2019 ທີ່ຜ່ານມາເກີດວິກິດການນໍ້າຖ້ວມຢ່າງໜັກພາຍ ໃນແຂວງສະຫວັນນະເຂດສົ່ງຜົນກະທົບໃຫ້ປະຊາຊົນກໍ່ຄືຊັບສິນຕ່າງໆເປັນຕົ້ນແມ່ນເຮືອນຊານບ້ານຊ່ອງ, ໄຮ່ນາຕາກ້າ, ສັດລ້ຽງ ແລະ ອື່ນໆຖືກເສຍຫາຍຢ່າງໜັກໜ່ວງ ແລະຕໍ່ມາ ໃນຕົ້ນປີ 2020 ນີ້ກໍ່ເກີດມີວິກິດການແຜ່ລະບາດຂອງເຊື້ອພະຍາດໄວຣັດໂຄວິດ-19 ເຊິ່ງ ເປັນເຊື້ອພະຍາດອັກເສບປອດທີ່ເກີດຈາກເຊື້ອຈຸລະໂຣກສາຍພັນໃໝ່ ເຮັດໃຫ້ ສປປ ລາວ ກໍ່ຄືແຂວງສະຫວັນນະເຂດຕ້ອງໃຊ້ມາດຕະການຄວບຄຸມ ແລະ ເຝົ້າລະວັງການແຜ່ລະບາດຂອງເຊື້ອພະຍາດດັ່ງກ່າວຢ່າງເຂັ້ມງວດຕາມຄໍາສັ່ງເລກທີ 06/ນຍ ວ່າດ້ວຍການປິດການໃຫ້ບໍລິການທຸກຢ່າງທີ່ມີການລວມຄົນເປັນຈໍານວນຫຼາຍ. ມາຮອດປະຈຸບັນນີ້, ລັດຖະບານແມ່ນໄດ້ຜ່ອນຜັນມາດຕະການ ດັ່ງກ່າວລົງແລ້ວ ໂດຍອະນຸ ຍາດໃຫ້ເປີດການໃຫ້ບໍລິການຫຼາຍຢ່າງພາຍໃນປະເທດ. 

Image may contain: food

ຍ້ອນພະຍາດດັ່ງກ່າວສົ່ງຜົນ ໃຫ້ປະເທດໃກ້ຄຽງກໍ່ຄືປະເທດ ທີ່ຕິດເຊື້ອພະຍາດໂຄວິດ-19 ຂາດແຄນອາຫານໂດຍສະ ເພາະແມ່ນເຂົ້າ ຕໍ່ບັນຫາດັ່ງ ກ່າວ, ທ່ານ ລັດຕະນະ ໄຊສົມ ບັດ ຫົວໜ້າຂະແໜງປູກຝັງພະ ແນກກະສິກໍາ ແລະປ່າໄມ້ ແຂວງສະຫວັນນະເຂດ ກໍ່ໄດ້ ໃຫ້ສໍາພາດຕໍ່ນັກຂ່າວໜັງສືພິມ ຂອງພວກເຮົາວ່າ: ການສົ່ງ ອອກເຂົ້າສານຂອງແຂວງສະ ຫວັນນະເຂດໃນປີ 2020 ນີ້, ພຽງໄລຍະ 2 ເດືອນກໍ່ສາມາດ ສົ່ງອອກເຂົ້າສານໄດ້6.865,85 ໂຕນ, ລວມເປັນເງິນ4.133.947,42 ໂດລາ, ພົ້ນເດັ່ນແມ່ນການສົ່ງ ອອກເຂົ້າສານໄປປະເທດ ເບັນຍ້ຽມ 2.000 ໂຕນ ແລະ ປະເທດຈີນ 1.520 ໂຕນ. 

Image may contain: sky, cloud, tree and outdoor

ແຂວງສະຫວັນນະເຂດຂອງພວກເຮົາສົ່ງອອກເຂົ້າສານໄດ້ພຽງໄລຍະ 2 ເດືອນ ( ເດືອນ 1-2 ) ນັບແຕ່ຕົ້ນປີ 2020 ເທົ່ານັ້ນເນື່ອງຈາກວ່າໄລຍະເດືອນ 3-4-5 ເກີດການແຜ່ລະບາດຂອງເຊື້ອພະຍາດ ໂຄວິດ-19 ໃນຫຼາຍປະເທດ ແລະ ປະເທດລາວເຮົາກໍ່ມີຜູ້ຕິດ ເຊື້ອລວມທັງໝົດ 19 ຄົນ. ເຖິງແມ່ນລັດຖະບານຈະອອກມາດຕະການຜ່ອນຜັນ ແລະ ເປີດໃຫ້ບໍລິການພາຍໃນປະເທດແລ້ວ ແຕ່ການສົ່ງອອກ - ນໍາເຂົ້າສິນຄ້າຈາກຕ່າງປະເທດແມ່ນຍັງໃຊ້ມາດຕະການຄວບຄຸມຢ່າງເຂັ້ມງວດເນື່ອງຈາກວ່າມີຫຼາຍປະເທດຍັງມີ ການແຜ່ລະບາດຂອງເຊື້ອພະຍາດໂຄວິດ-19 ຢູ່. ຖ້າທຽບ ໃສ່ປີ 2019 ທີ່ຜ່ານມາການສົ່ງອອກເຂົ້າສານໄລຍະ 2 ເດືອນຂອງປີ 2020 ນີ້ແມ່ນໄດ້ລື່ນເຄິ່ງໜຶ່ງຂອງປີ 2019 ແລ້ວທີ່ສົ່ງອອກໄດ້ພຽງ 7.150,89 ໂຕນເນື່ອງຈາກວ່າປີຜ່ານມາເກີດໄພນໍ້າຖ້ວມ ແລະສໍາລັບປີ 2020 ນີ້ກໍ່ສະແດງຄວາມດີໃຈກັບຊາວກະສິກອນທຸກທ່ານທີ່ສາມາດຜະລິດເຂົ້ານາແຊງໄດ້ລື່ນຄາດໝາຍຂອງແຜນການ ແລະ ເຂົ້າກໍ່ມີລາຄາຂາຍສູງ ເຊິ່ງເມືອງທີ່ຜະລິດເຂົ້າໄດ້ຫຼາຍທີ່ສຸດແມ່ນເມືອງຈໍາພອນ, ໄຊບູລີ ແລະ ເມືອງສອງຄອນ ແລະ ຄາດວ່າປີ 2020 ຈະສາມາດສົ່ງອອກເຂົ້າໄດ້ອີກຫຼາຍພັນໂຕນແນ່ນອນຫາກກັບສູ່ສະພາບການປົກກະຕິ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments