ອົງການກວດສອບປະຈໍາພາກເໜືອ ເຂົ້າພົບຄະນະປະຈໍາ ສະພາປະຊາຊົນແຂວງຜົ້ງສາລີ.


ຕອນເຊົ້າວັນທີ 15 ມິຖຸນາ 2020 ທີ່ຫ້ອງປະຊຸມຄະນະປະຈໍາສະພາປະຊາຊົນແຂວງ ທ່ານ ສີ ລີເຊັ່ງ ຮອງປະທານກວດສອບປະຈໍາພາກເໜືອ ພ້ອມຄະນະທີມງານ ເຂົ້າພົບຄະນະປະຈໍາ ສະພາປະຊາຊົນແຂວງ (ຄປຈຂ).



Image may contain: 6 people, people sitting, table and indoor

ທ່ານ ສີ ລີເຊັ່ງ ຮອງປະທານກວດສອບປະຈໍາພາກເໜືອ ແຈ້ງຈຸດປະສົງຂອງການມາເຄື່ອນໄຫວເຮັດວຽກຢູ່ແຂວງຜົ້ງສາລີ ໂດຍສະເພາະແມ່ນການ ກວດສອບການຈັດຕັ້ງປະຕິບັດແຜນງົບປະມານແຫ່ງລັດຂອງ ແຂວງຜົ້ງສາລີ, ເຊິ່ງຍັງໄດ້ແຈ້ງບັນດາເປົ້າໝາຍທີ່ທາງອົງການກວດສອບປະຈໍາພາກເໜືອຈະເຄື່ອນໄຫວໃນຄັ້ງນີ້ ພ້ອມທັງຜ່ານ ຂໍ້ຕົກລົງ ສະບັບເລກທີ 885/ອກສລ, ລົງວັນທີ 2 ມີຖຸນາ 2020 ວ່າດ້ວຍການແຕ່ງຕັ້ງຜູ້ຊີ້ນໍາ ແລະ ຄະນະກວດສອບແຫ່ງລັດ ກວດສອບບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງຜົ້ງສາລີ ປະຈໍາປີ 2019; ຂໍ້ຕົກລົງ ສະບັບເລກທີ 870/ອກສລ, ລົງວັນທີ 27 ພຶດສະພາ 2020 ວ່າດ້ວຍການແຕ່ງຕັ້ງຜູ້ຊີ້ນໍາ ແລະ ຄະນະກວດສອບແຫ່ງລັດ ດໍາເນີນການກວດສອບເອກະສານລາຍງານການເງິນ ລັດວິສາຫະກິດນໍ້າປະປາ ແຂວງຜົ້ງສາລີ

Image may contain: 7 people, people sitting and indoor

Image may contain: 1 person, sitting, table and indoor


ເຊິ່ງໃນໂອກາດນີ້ ທ່ານ ບົວທອງ ອຸແສງຄໍາ ຮອງເລຂາພັກແຂວງ, ປະທານສະພາປະຊາຊົນແຂວງ ຕາງໜ້າ ຄປຈຂ ໄດ້ໃຫ້ທິດຕໍ່ທີມງານ ເຊິ່ງທ່ານກໍ່ໄດ້ກ່າວເຖິງຄວາມສໍາຄັນຂອງກວດສອບ ແລະ ຍັງໄດ້ເໜັ້ນບາງບັນຫາ ເປັນຕົ້ນ ກວດສອບບາງພະແນກການເປົ້າໝາຍ, ໂຄງການລົງທຶນຂອງລັດ ທີ່ຫາງສຽງສັງຄົມໃນປັດຈຸບັນ ເຊັ່ນ: ການໃຊ້ຈ່າຍງົບປະມານຂອງບາງພະແນກການທີ່ເຫັນວ່າບໍ່ສອດຄ່ອງກັບກົດໝາຍ, ການຊົດເຊີຍຜົນກະທົບຈາກໂຄງການລົງທຶນຂອງລັດໃຫ້ກັບປະຊາຊົນທີ່ບໍ່ຖືກຕ້ອງຕາມລະບຽບການ ແລະ ກົດໝາຍ ເຫຼົ່ານີ້ເປັນຕົ້ນ.

Image may contain: 1 person, sitting, table and indoor


ນາງ ສຸກສົມພອນ ແກ້ວແສງພະຈັນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments