ອາສາສະໝັກ ເມືອງຫົວເມືອງ ເພີ່ມຄວາມຮູ້ ວຽກງານໄພພິບັດ ແລະ ສົ່ງເສີມສຸຂະພາບ


ແຫລ່ງຂ່າວຈາກອົງການກາແດງລາວ ໄດ້ໃຫ້ຮູ້ວ່າ: ເມື່ອບໍ່ດົມານີ້, ອົງການກາແດງລາວ ໄດ້ຈັດຝຶກອົບຮົມສ້າງອາສາສະໝັກກາແດງ ກ່ຽວກັບວຽກງານໄພພິບັດ ແລະ ການສົ່ງເສີມສຸຂະພາບ ຢູ່ເມືອງຫົວເມືອງ ແຂວງຫົວພັນ ໂດຍໄດ້ຮັບການສະໜັບສະໜູນຈາກ ສະຫະພັນກາແດງ ແລະ ຊີກວົງເດືອນແດງສາກົນ ໂດຍມີ ທ່ານ ຄອນສະຫວັນ ຈັນທະຄາມ ຫົວຫນ້າຫ້ອງການອົງການກາແດງລາວ, ມີທ່ານ ວຽງພອນ ຄຳວົງສາ ຮອງເລຂາພັກເມືອງ, ຜູ້ຊີ້ນຳວຽກງານຂົງເຂດສາທາລະນະສຸກ ແລະ ພາກສ່ວນກ່ຽວຂ້ອງ ເຂົ້າຮ່ວມ. 

Image may contain: 5 people, people standing and indoor

ທັງນີ້ ກໍເພື່ອເປັນການກະຕຸກຊຸກຍູ້ ໃຫ້ອາສາສະໝັກກາແດງລາວ ມີຄວາມຮູ້ຄວາມສາມາດ, ປະກອບສ່ວນພັດທະນາຊົນນະບົດໃນເຂດຫ່າງໄກໄດ້ຮັບຮູ້ ແລະ ປະກອບສ່ວນໃນທ້ອງຖິ່ນຕົນເອງໃຫ້ດີຂຶ້ນ.



ການຈັດຝຶກອົບຮົມໃນຄັ້ງນີ້, ເພື່ອສ້າງອາສາສະໝັກກາແດງລາວ ໃຫ້ກວ້າງຂວາງອອກລົງສູ່ຂັ້ນບ້ານ, ໃຫ້ເຂົາເຈົ້າມີຄວາມຮູ້ກ່ຽວກັບຂະບວນການກາແດງ, ວຽກງານກາແດງລາວ, ການປະຖົມພະຍາບານ, ໄພພິບັດ ແລະ ການຮັບມືກັບໄພພິບັດ, ການສົ່ງເສີມສຸຂະ ພາບໃນເວລາເກີດໄພພິບັດ. 




ຈາກນັ້ນ ອາສາສະໝັກທີ່ເຂົ້າຝຶກອົບຮົມກໍໄດ້ປະຕິບັດຕົວຈິງກ່ຽວກັບວຽກງານການປະຖົມພະຍາບານ, ວິທີການຫ້າມເລືອດ, ການຊ່ວຍຫາຍໃຈ-ການ ປັ້ມຫົວໃຈ(CPR) ແລະ ວິທີການຊ່ວຍເຫລືອຜູ້ທີ່ມີສິ່ງອຸດຕັນໃນຫລອດອາຫານ ແລະ ອື່ນໆ.



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments