ໂຄງການກໍ່ສ້າງເສັ້ນທາງເບຕົງເສີມເຫຼັກ ເທດສະບານເມືອງໄຊພູທອງໄລຍະທີ 4 ມີຄວາມຍາວ 177 ແມັດ


ຕາມການລາຍງານຂອງ ຫ້ອງການ ໂຍທາທິການ ແລະ ຂົນສົ່ງ ເມືອງໄຊພູທອງ ແຂວງ ສະຫວັນນເຂດ ໃຫ້ຮູ້ໃນຄັ້ງວັນທີ 16 ມີຖຸນາ2020 ນີ້ວ່າ: ໂຄງການກໍ່ສ້າງເສັ້ນທາງເບຕົງເສີມເຫຼັກພາຍໃນເທດສະບານເມືອງໄຊພູທອງ ແຂວງ ສະຫວັນນເຂດ ມີຄວາມຍາວ 177 ແມັດ,ໜ້າທາງກວ້າງ 7 ແມັດ,ພື້ນທາງໜາ 20 ເຊັນ ເຊິ່ງໄດ້ເລີມລົງມືກໍ່ສ້າງກໍ່ສ້າງມາແຕ່ວັນທີ 10 ມີຖຸນາ 2020 ຄາດວ່າຈະໃຫ້ສໍາເລັດ .ໃນກາງເດືອນມີຖຸນາ 2020 ນີ້, ໂດຍແມ່ນບໍລິສັດ ພູທອງຈະເລີນຊັບ ເປັນຜູ້ຮັບເໝົາກໍ່ສ້າງ ຈໍາກັດ ເປັນຜູ້ຮັບເໝົາກໍ່ສ້າງ ໃນມູນຄ່າ 283 ລ້ານກວ່າກີບ.

Image may contain: one or more people and outdoor

ສໍາລັບໜ້າວຽກທີ່ພວມດໍາເນີນໃນປະຈຸບັນແມ່ນນີ້ ແມ່ນປູພື້ນທາງສອງພາກທາງ ແລະ ຖົມດິນຂ້າງທາງ ເບຕົງສອງຂ້າງ ຈໍານວນ 531 ແມັດກ້ອນ,ຖົມຊາຍຫົດນໍ້າຕໍາແໜ້ນພື້ນໂຄງ ສ້າງໜາ 10 ເຊັນ ຈໍານວນ 123 ແມັດກ້ອນ,ເສັ້ນທາງດັ່ງກ່າວແມ່ນກໍ່ສ້າງເບຕົງເສີມເຫຼັກແຕ່ເສັ້ນທາງເບຕົງຈຸດສີ່ແຍກຫາຕໍ່ທາງຢາງຍາວ 10 ແມັດ ທັງນີ້ກໍ່ເພື່ອເປັນການຍົກລະດັບພື້ນຖານໂຄງລ່າງເສັ້ນທາງພາຍໃນເທດສະບານເມືອງ ໃຫ້ມີຄວາມສະດວກສະບາຍ,ສາມາດເຊື່ອມຈອດກັບເສັ້ນທາງໃຫຍ່ຫຼາຍເສັ່ນ ພາຍໃນເທດສະບານເມືອງໄຊພູທອງ .

Image may contain: one or more people and outdoor

ເຊິ່ງໄລຍະຜ່ານມາເມືອງໄຊພູທອງ ແມ່ນສາມາດສ້າງເສັ້ນທາງເບຕົງເສີມເຫຼັກສໍາເລັດໄປແລ້ວໃນ 3 ໄລຍະຄື: ໄລຍະທີ 1 ມີຄວາມຍາວ 290 ,ມູນຄ່າກໍ່ສ້າງ 181 ລ້ານກວ່າກີບ ,ໄລຍະທີ 2 ມີຄວາມຍາວ 144 ແມັດ, ມີມູນຄ່າກໍ່ສ້າງທັງໝົດ110 ລ້ານກວ່າກີບ ,ໄລຍະທີ3 ມີຄວາມຍາວ 300 ແມັດ ມີມູນຄ່າກໍ່ສ້າງ 356 ລ້ານກວ່າກີບ ແລະ ໄຍຍະທີ 4 ມີຄວາມຍາວ 177 ແມັດ ມີມູນຄ່າກໍ່ສ້າງ 283 ລ້ານກວ່າກີບ ເຊິ່ງເປັນໄລຍະທີ່ພວມກໍາລັງລົງມືກໍ່ສ້າງໃນໄລຍະນີ້.

ພາບ-ຂ່າວ: ພັນທະມິດ ວົງສຸທິ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments