ແຂວງຈໍາປາສັກຈັດພິທີປູກຕົ້ນໄມ້ສະເຫຼີມສະຫຼອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ.


ແຂວງຈໍາປາສັກໄດ້ຈັດພິທີປູກຕົ້ນໄມ້ ໃນ ໂອກາດ ວັນປູກຕົ້ນໄມ້ແຫ່ງຊາດ, ຈັດຂຶ້ນຕອນໃນຕອນເຊົ້າວັນທີ 1 ມິຖຸນາ 2020, ຢູ່ທີ່ສວນໄມ້ບ້ານລຸຍ ເມືອງຊະນະສົມບູນ, ໃຫ້ກຽດເຂົ້າຮ່ວມມີ ດ໋ອກເຕີ ວິໄລວົງ ບຸດດາຄໍາ, ເຈົ້າແຂວງຈໍາປາສັກ, ມີບັນດາ ການນໍາແຂວງ, ນະຄອນ, ເມືອງ, ພະແນກການກົມກອງອ້ອມຂ້າງແຂວງ, ພະນັກງານທະຫານຕໍາຫຼວດ, ອໍານາດການປົກຄອງເມືອງ, ກຸ່ມ, ບ້ານ, ຄູອາຈານ, ນັກຮຽນນັກສຶກສາ, ຫົວໜ່ວຍທຸລະກິດຕະຫຼອດຮອດປະຊາຊົນ ເຂົ້າຮ່ວມ.



Image may contain: 7 people, people standing and outdoor

ທ່ານ ບົວລີ ເພັດສົງຄາມ ຫົວໜ້າພະແນກກະສິກໍາ ແລະ ປ່າໄມ້ແຂວງຈໍາປາສັກ ໄດ້ກ່າວວ່າ: ການຈັດພິທີປູກຕົ້ນໄມ້ໃນຄັ້ງນີ້,ເພື່ອເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ໃຫ້ມີບັນຍາກາດ ແລະມີເນື້ອໃນຄວາມໝາຍສໍາຄັນຢ່າງເລິກເຊິ່ງ,ເປັນການສ້າງສະພາບແວດລ້ອມທີ່ດີ ແລະ ພື້ນທີ່ສີຂຽວກໍຄືການປົກຫຸ້ມປ່າໄມ້ທົ່ວແຂວງໃຫ້ຫຼາຍຂຶ້ນ ແລະ ເປັນສູນ ຂະຫຍາຍພັນໄມ້ທີ່ຮອງຮັບໃຫ້ແກ່ການປູກໃນອານາຄົດ.

Image may contain: 2 people, people sitting, tree, child and outdoor

Image may contain: 8 people, people standing, tree, child and outdoor

ຕົ້ນໄມ້ທີ່ນໍາມາປູກໃນຄັ້ງນີ້ມີຈໍານວນທັງໝົດ 3.300 ຕົ້ນ,ໃນເນື້ອທີ່ທັງໝົດ 4 ເຮັກຕາ. ປະກອບມີ ໄມ້ແຄນ 1.300 ຕົ້ນ,ໄມ້ດູ່ 500 ຕົ້ນໄມ້,ໄມ້ຂະຍູງ 500 ຕົ້ນແລະ ໄມ້ແຕ່ຄ່າ 1.000 ຕົ້ນ. ໂດຍໄດ້ຮັບການສະໜອງເບ້ຍໄມ້ຈາກສູນກ້າເບ້ຍໄມ້ພະແນກກະສິກໍາ ແລະ ປ່າໄມ້ແຂວງ. ສຳລັບການກະກຽມຜະລິດເບັ້ຍ, ປູກໄມ້ ແລະຟື້ນຟູປ່າໄມ້ ປີນີ້, ພະແນກກະສີກຳ ແລະ ປ່າໄມ້ແຂວງ, ໄດ້ເກັບແກ່ນແລະກ້າເບັ້ຍໄມ້ໄດ້ທັງໜົດ 903.000 ກວ່າເບັ້ຍ,ຈະນຳໄປປູກໄມ້ໃຫ້ໄດ້ 700 ເຮັກຕາ ແລະຟື້ນຟູປ່າໃຫ້ໄດ້ 21.000 ເຮັກຕາ, ເຊີ່ງມາຮອດປະຈຸບັນກຳລັງຈັດຕັ້ງປະຕິບັດ ຄຽງຄູ່ກັບການປູກ ຍັງແນໃສ່ການປົກປັກຮັກສາຕົ້ນໄມ້ທີ່ປູກໃຫ້ເຕີບໃຫ່ຍແລະຄົງຢູ່ຕາມຈຸດປະສົງເປົ້າໝາຍທີ່ວາງໄວ້, ທັງເປັນການປະຕິບັດຂໍ້ແຂ່ງຂັນສ້າງເມືອງໜ້າຢູ່ຕາມທິດ 4 ສໍ, ຄື: ສະຫງົບ, ສະອາດ, ສີຂງວ ແລະ ສວຍງາມ.

Image may contain: 3 people, crowd, tree and outdoor


Image may contain: 7 people, people standing, tree, outdoor and nature

ຂ່າວ,ພາບ: ເກດສະໜາ ແກ້ວສຸວັນນະແສງ



























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments