ໂຮງຮຽນການທະຫານທ້ອງຖິ່ນແຂວງບໍ່ແກ້ວສໍາເລັດຊຸດອົບຮົມ - ຫັດແອບທະຫານໃໝ່


ວັນ 8 ມີຖຸນາ 2020 ນີ້, ຢູ່ທີ່ໂຮງຮຽນການທະຫານທ້ອງ ຖິ່ນ ແຂວງບໍ່ແກ້ວ ໄດ້ຈັດພິທີປິດຊຸດອົບຮົມ ແລະ ຫັດແອບທະຫານໃໝ່ ຊຸດທີ 27 ປະຈຳປີ 2019. ໂດຍການເປັນປະທານຂອງ ສະຫາຍ ພັນໂທ ບຸນມີພາມີໄຊ ຮອງເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງບໍ່ແກ້ວ, ມີຄະນະພັກ - ຄະນະບັນຊາ 5 ຫ້ອງ, 5 ກອງບັນຊາການທະຫານເມືອງ, 2 ກອງພັນ, ບັນດາກອງຮ້ອຍເອກະລາດ, ແຂກຖືກເຊີນຕະຫຼອດຮອດ ຄູ-ອາຈານ ແລະ ນັກຮຽນທະຫານໃໝ່ ເຂົ້າຮ່ວມ.

Image may contain: 3 people, outdoor

ສະຫາຍ ພັນໂທ ຄຳພັນ ສຸລິແສງ ຮອງຫົວໜ້າການທະ ຫານ ໂຮງຮຽນການທະຫານທ້ອງຖິ່ນ ໄດ້ຂຶ້ນຜ່ານແຜນການຈັດຕັ້ງປະຕິບັດຫັດແອບ ການຮຽນ-ການສອນໃນໄລຍະທີ່ຜ່ານມາ, ເຊິ່ງໄດ້ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ, ດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນ ທີ່ຖອດຖອນໄດ້, ຕະຫຼອດໄລຍະການຈັດຕັ້ງເປີດອົບຮົມໄລຍະສັ້ນໃຫ້ ພະນັກ ງານ- ນັກຮົບ ຢູ່ກົມກອງ ໂດຍໄດ້ຮັບການຊີ້ນໍາຢ່າງໃກ້ຊິດຈາກ ຄະນະພັກ-ຄະນະບັນຊາກອງບັນຊາການທະຫານແຂວງບໍ່ແກ້ວ ກໍຄືຫ້ອງເສນາທິການມາໂດຍຕະຫຼອດ ເຮັດໃຫ້ຊຸດອົບຮົມບັນລຸຕາມແຜນການ, ພ້ອມກັນນັ້ນ ບັນດາສະຫາຍຄະນະຮັບຜິດຊອບຄູ-ອາຈານ ແລະ ນັກຮຽນ ກໍໄດ້ເອົາໃຈໃສ່ຄົ້ນຄວ້າຮໍ່າຮຽນແລກປ່ຽນບົດຮຽນ ເຊິ່ງກັນ ແລະ ກັນ, ມີຄວາມສາມັກຄີ, ພ້ອມກັນອົດທົນຜ່ານຜ່າທຸກຂໍ້ຫຍຸ້ງຍາກ ແລະ ບັນດາຂໍ້ກໍານົດ ກົດລະບຽບຢູ່ພາກສະໜາມຮັກສາຄວາມເປັນລະບຽບຮຽບຮ້ອຍ ແລະ ຮັບປະກັນຄວາມປອດໄພໄດ້ 100% ແລະ ໄດ້ຕາມລະດັບຄາດໝາຍທີ່ວາງໄວ້. ເຊິ່ງໄດ້ສະແດງອອກຕາມການສອບເສັງ ແລະ ກວດກາໃຫ້ຄະແນນຂອງແຕ່ລະສະຫາຍ,ຈາກນັ້ນ ຍັງໄດ້ມອບໃບຢັ້ງຢືນສຳເລັດການອົບຮົມ - ຫັດແອບ ຈຳນວນ 224 ສະຫາຍ ແລະ ສາມາດຕີລາຄາແຕ່ລະພາກຄື: ພາກການເມືອງສະເລ່ຍໄດ້90%, ພາລາທິການ-ເຕັກນິກ 89%,ສະເລ່ຍຜົນໄດ້ຮັບ 90,65 %,ປະເພດເກັ່ງ ສະເລ່ຍໄດ້ 37 %, ກາງ 49 % ແລະ ໄດ້ຄາດໝາຍ14 %, ໃນພິທີຍັງໄດ້ຍ້ອງຍໍໃຫ້ບຸຄົນດີເດັ່ນ ປະ ເພດ 1 ຈໍານວນ 45 ສະຫາຍ,ປະເພດ 2 ຈໍານວນ 61 ສະຫາຍ ເປັນກຽດຂຶ້ນມອບຂອງ ສະຫາຍ ພັນໂທ ບຸນມີ ພາມີໄຊ ພ້ອມຄະນະຍັງໄດ້ຜັດປ່ຽນກັນຂຶ້ນມອບຢ່າງສົມກຽດ.

Image may contain: 1 person, outdoor

ທ້າຍພິທີ ທ່ານປະທານຍັງໄດ້ຍົກໃຫ້ເຫັນສະພາບການພາກພື້ນຂອງໂລກ ເນັ້ນໜັກໃຫ້ບັນດາສະຫາຍຄະນະພັກ-ຄະນະບັນຊາ ແລະ ພະນັກງານຄູ- ອາຈານຢູ່ແຕ່ລະກົມກອງ ຈົ່ງພ້ອມກັນນໍາເອົາເນື້ອໃນການຈັດຕັ້ງອົບຮົມເອກະພາບໃນເທື່ອນີ້ ລົງໄປຈັດຕັ້ງຜັນຂະຫຍາຍຢູ່ແຕ່ລະກົມກອງໃຫ້ມີຄວາມເປັນເອກະພາບ ແລະ ເອົາໃຈໃສ່ເພີ່ມທະວີຄວາມສາ ມັກຄີໃຫ້ເປັນປຶກແຜ່ນແໜ້ນໜາ, ຕ້ອງຍົກສູງ ຄວາມຮັບຜິດຊອບຕໍ່ວຽກງານຂອງພັກ-ລັດວາງອອກ ໂດຍປິ່ນອ້ອມ 4 ໜ້າທີໃຫຍ່ 26 ແຜນງານ ຂອງກະຊວງປ້ອງກັນປະເທດວາງອອກ.ໂອກາດດັ່ງກ່າວຍັງໄດ້ຮັບຊົມ ການເດີນສວນສະໜາມ, ຫັດກາຍມືເປົ່າ 2 ບົດ 24 ຈັງຫວະ. ພິທີດັງກ່າວແມ່ນໄດ້ດຳເນີນມາເປັນເວລາ 1 ຕອນ ແລະ ສຳເລັດລົງ.

Image may contain: 3 people, people standing, beard and outdoor

Image may contain: one or more people, cloud, sky, outdoor and nature












------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments