ພິທີລົງນາມໃນບົດບັນທຶກຄວາມເຂົ້າໃຈ ໂຄງການເຊື່ອມສານວຽກງານໂພຊະນາການ, ນ້ຳ ແລະ ສຸຂານາໄມ



ໃນວັນທີ 12 ມິຖຸນາ ທີ່ຜ່ານມາ, ທີ່ນະຄອນຫຼວງວຽງຈັນ, ສປປ ລາວ, ໂດຍອີງຕາມໜັງສືອະນຸມັດຈາກກະຊວງການຕ່າງປະເທດ, ກະຊວງສາທາລະນະສຸກ ຕາງໜ້າໂດຍ ກົມອະນາໄມ ແລະ ສົ່ງເສີມສຸຂະພາບ ເເລະ ອົງການຊ່ວຍເຫຼືອເດັກ ໄດ້ມີພິທີລົງນາມໃນບົດບັນທຶກຄວາມເຂົ້າໃຈ ໂຄງການເຊື່ອມສານວຽກງານໂພຊະນາການ, ນ້ຳ ແລະ ສຸຂານາໄມ ໄລຍະ 2 ເລີ່ມແຕ່ປີ 2020-2021. ໂຄງການດັ່ງກ່າວແມ່ນໄດ້ຮັບທຶນສະໜັບສະໜູນຈາກ ປະເທດສະຫະລັດອາເມລິກາ ຜ່ານອົງການພັດທະນາສາກົນປະເທດສະຫະລັດອາເມລິກາ (USAID) ໃນການສືບຕໍ່ໃຫ້ການຊ່ວຍເຫຼືອ ບັນຫາເດັກຂາດສານອາຫານແບບຊຳເຮື້ອ (ເດັກລວງສູງບໍ່ໄດ້ມາດຕະຖານ). ທ່ານ ເເພັດທຮີກ ບາວເວີ ຮອງຫົວໜ້າອົງການພັດທະນາສາກົນປະເທດສະຫະລັດອາເມລິກາ ຕາງໜ້າໃຫ້ແກ່ ທ່ານ ເອກອັກຄະລັດຖະທູດ ສະຫະລັດອາເມລິກາປະຈຳລາວ ທ່ານ ດຣ. ປີເຕີ ເຮມອນ ເເລະ ບັນດາຜູ້ຕາງໜ້າກິດຕິມະສັກຈາກພາກສ່ວນຕ່າງໆຂອງລັດຖະບານລາວ ໄດ້ຮ່ວມເປັນສັກຂີພິຍານໃນການລົງນາມໃນຄັ້ງນີ້.

Image may contain: 19 people, people standing and indoor

ໂຄງການເຊື່ອມສານວຽກງານໂພຊະນາການ, ນ້ຳ ແລະ ສຸຂານາໄມ, ຫຼື ເປັນທີ່ຮູ້ຈັກໃນຊື່ໂຄງການ ຢູເອສເອໄອດີ ເນີເຈີ, ແມ່ນຈະໄດ້ສືບຕໍ່ຈັດຕັ້ງປະຕິບັດ ຕາມຈຸດປະສົງ ແລະ ກິດຈະກຳທີ່ໄດ້ດຳເນີນມາຕັ້ງແຕ່ປີ 2017, ເຊິ່ງລວມມີ 2 ອົງປະກອບທີ່ສໍາຄັນຄື:
(1) ສືບຕໍ່ປັບປຸງດ້ານວິທີການໃຫ້ອາຫານເດັກອ່ອນ ແລະ ເດັກນ້ອຍ ທີ່ຖືກຕ້ອງຕາມຫລັກໂພຊະນາການ, ນໍ້າ ແລະ ສຸຂານາໄມ ໂດຍແນໃສ່ຄອບຄົວ 1.000 ວັນ (ເລີ່ມແຕ່ມື້ຖືພາຈົນເດັກນ້ອຍອາຍຸຄົບ 2 ປີ) ເຊິ່ງຖືວ່າເປັນໄລຍະທີ່ສໍາຄັນທີ່ສຸດ ເພື່ອຮັບປະກັນດ້ານພັດທະນາການ ແລະ ສຸຂະພາບທີ່ດີຂອງເດັກຢ່າງຕໍ່ເນື່ອງ.

Image may contain: 1 person, standing, suit, child and indoor

(2) ແນໃສ່ສືບຕໍ່ປັບປ່ຽນພຶດຕິກຳທາງໂພຊະນາການ ແລະ ສຸຂານາໄມ ເຊີ່ງລວມມີ ຂະບວນການວຽກງານຊຸມຊົນເປັນເຈົ້າການດ້ານສຸຂານາໄມ (ຊຈສ) ເພື່ອໃຫ້ຊຸມຊົນສາມາດດໍາເນີນການປະເມີນ ແລະ ວິເຄາະສະພາບແວດລ້ອມດ້ານສຸຂາພິບານຂອງເຂົາເຈົ້າເອງ, ຂະບວນນີ້ ແມ່ນຍັງກ່ຽວຂ້ອງກັບດ້ານໂພຊະນາການທີ່ເປັນຜົນຈາກການຂາດການປະຕິບັດທີ່ຖືກຕ້ອງຕາມຫລັກສຸຂານາໄມ ລວມທັງພະຍາດຖອກທ້ອງ ແລະ ສາຍເຫດອື່ນໆທີ່ຈຳກັດການດູດຊຶມສານອາຫານທີ່ເຮັດໃຫ້ ເດັກຂາດສານອາຫານແບບຊໍຳເຮື້ອ (ເດັກລວງສູງບໍ່ໄດ້ມາດຕະຖານ). ໂຄງການດັ່ງກ່າວຈະປະກອບສ່ວນເຂົ້າໃນວຽກງານຂອງລັດຖະບານໃນການຈັດຕັ້ງປະຕິບັດຍຸດທະສາດໂພຊະນາການແຫ່ງຊາດ ຮອດປີ 2025 ແລະ ແຜນປະຕິບັດງານ 2016 – 2020.

Image may contain: 1 person, standing, suit and indoor

Image may contain: 1 person, flower, table and indoor



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments